Mithra Mandali OTT: థియేటర్లలో నవ్వుల 'మిత్ర మండలి' - ఏ ఓటీటీలోకి వస్తుందో తెలుసా?
Mithra Mandali OTT Platform: టాలీవుడ్ యంగ్ హీరో ప్రియదర్శి లేటెస్ట్ కామెడీ ఎంటర్టైనర్ 'మిత్ర మండలి' థియేటర్లలోకి వచ్చేసింది. ఈ మూవీ ఓటీటీ పార్ట్నర్ కూడా ఫిక్స్ అయ్యింది.
Priyadarshi's Mithra Mandali Movie OTT Partner Locked: టాలీవుడ్ యంగ్ హీరో ప్రియదర్శి, సోషల్ మీడియా ఇన్ఫ్లుయెన్సర్ నిహారిక ఎన్ఎం ప్రధాన పాత్రలో నటించిన లేటెస్ట్ మూవీ 'మిత్ర మండలి'. గురువారం ప్రేక్షకుల ముందుకు వచ్చిన ఈ మూవీ నవ్వులు పూయిస్తోంది. ఈ మూవీ ఓటీటీ పార్ట్నర్ కూడా ఫిక్స్ అయ్యింది.
ఏ ఓటీటీలో స్ట్రీమింగ్ అంటే?
'మిత్ర మండలి' డిజిటల్ రైట్స్ను ప్రముఖ ఓటీటీ 'అమెజాన్ ప్రైమ్ వీడియో' సొంతం చేసుకుంది. థియేట్రికల్ రన్ తర్వాత ఓటీటీలో స్ట్రీమింగ్ అయ్యే ఛాన్స్ ఉంది. సాధారణంగా ఏ మూవీ అయినా రిలీజైన 4 వారాల తర్వాత ఓటీటీలోకి వస్తుంది. ఒకవేళ మూవీ హిట్ టాక్ తెచ్చుకుంటే స్ట్రీమింగ్ కాస్త ఆలస్యం కావొచ్చు. 4 నుంచి 6 వారాల తర్వాత 'మిత్ర మండలి' ఓటీటీలోకి వచ్చే ఛాన్స్ ఉన్నట్లు తెలుస్తోంది.
ఈ మూవీకి ఎస్.విజయేంద్ర దర్శకత్వం వహించగా... ప్రియదర్శి, నిహారికలతో పాటు రాగ్ మయూర్, విష్ణు ఓయ్, ప్రసాద్ బెహర, సత్య, వెన్నెల కిషోర్, వీటీవీ గణేష్ కీలక పాత్రలు పోషించారు. ఆర్ ఆర్ ధృవన్ మ్యూజిక్ అందించారు. నిహారిక, విజయేంద్రలకు ఇదే ఫస్ట్ మూవీ. ప్రొడ్యూసర్ బన్నీ వాస్ న్యూ బ్యానర్ 'బన్నీ వాస్ వర్క్స్' సమర్పణలో... సప్తాశ్వ మీడియా వర్క్స్, వైరా ఎంటర్టైన్మెంట్స్ సంయుక్తంగా నిర్మించాయి.
Also Read: 'ప్రభుత్వ సారాయి దుకాణం'లో అసభ్యకర డైలాగ్స్ - నేషనల్ అవార్డ్ విన్నర్ డైరెక్టర్ మూవీపై కంప్లైంట్
స్టోరీ ఏంటంటే?
జంగ్లీపట్నానికి చెందిన నారాయణ (వీటీవీ గణేష్)కు తన కులం అంటే పిచ్చి. తన కులానికి చెందిన వారికి సహాయ సహకారాలు అందిస్తుంటాడు. ప్రాణాపాయ స్థితిలో ఉన్నా వేరే కులానికి చెందిన వారి రక్తాన్ని సైతం ఎక్కించుకునేందుకు ఆలోచిస్తాడు. ఇక కులాంతర వివాహ విషయాలైతే సరేసరి. అస్సలు ఒప్పుకోడు. తన కులం బలంతో ఎమ్మెల్యే కావాలని కలలు కంటాడు నారాయణ. ఇదే క్రమంలో అతని కూతురు స్వేచ్ఛ (నిహారిక) ఇంటి నుంచి వెళ్లిపోతుంది.
ఈ విషయం బయటకు తెలిస్తే... తన పొలిటికల్ కెరీర్, పరువుకు భంగం కలుగుతుందని భావించిన నారాయణ... కిడ్నాప్ కేసు పెట్ట ఎస్సై సాగర్ (వెన్నెల కిశోర్) సాయంతో వెతుకులాట ప్రారంభిస్తాడు. అయితే, స్వేచ్ఛ పారిపోవడం వెనుక అదే ప్రాంతానికి చెందిన నలుగురు యువకులు చైతన్య (ప్రియదర్శి), అభయ్ (రాక్ మయూర్), రాజీవ్ (ప్రసాద్ బెహర), సాత్విక్ (విష్ణు ఓయ్) ఉన్నట్లు తేలుతుంది. అసలు స్వేచ్ఛ ఎవరిని ప్రేమించింది? ఇంటి నుంచి బయటకు రావడానికి అసలు కారణం ఏంటి? ఆ అమ్మాయి వల్ల ఈ నలుగురూ పడ్డ ఇబ్బందులేంటి? వీళ్లను నారాయణ ఏం చేశాడు? ఎమ్మెల్యే కావాలనే అతని కోరిక నెరవేరిందా? అనేది తెలియాలంటే మూవీ చూడాల్సిందే.
టాప్ హెడ్ లైన్స్
ట్రెండింగ్ వార్తలు
