Dacoit OTT : అడివి శేష్ డెకాయిట్ ఓటీటీ రిలీజ్ డేట్ ఫిక్స్ - ఎప్పుడు, ఎందులో స్ట్రీమింగ్ అవుతుందంటే?
Dacoit OTT Platform : యంగ్ హీరో అడివి శేష్, మృణాల్ ఠాకూర్ జంటగా నటించిన రీసెంట్ మూవీ డెకాయిట్ ఓటీటీలోకి వచ్చేస్తోంది. ఏప్రిల్ 10న ప్రేక్షకుల ముందుకు వచ్చిన మూవీ నెల రోజుల్లోపే ఓటీటీలోకి రానుంది.
Adivi Sesh's Dacoit OTT Release Date Locked : టాలీవుడ్ యంగ్ హీరో అడివి శేష్, మృణాల్ ఠాకూర్ జంటగా నటించిన లేటెస్ట్ లవ్ రొమాంటిక్ యాక్షన్ థ్రిల్లర్ డెకాయిట్. షానిల్ డియో దర్శకత్వం వహించిన ఈ మూవీ ఏప్రిల్ 10న ప్రేక్షకుల ముందుకు వచ్చి పాజిటివ్ టాక్ సొంతం చేసుకుంది. అడివి శేష్ కెరీర్లోనే హయ్యెస్ట్ ఓపెనింగ్ కలెక్షన్స్ వచ్చిన మూవీగా నిలిచింది. ఇప్పుడు తాజాగా ఓటీటీలోకి వచ్చేందుకు రెడీ అవుతోంది.
ఎప్పుడు, ఎందులో స్ట్రీమింగ్ అంటే?
'డెకాయిట్' డిజిటల్ రైట్స్ ప్రముఖ ఓటీటీ 'అమెజాన్ ప్రైమ్ వీడియో' ఈ నెల 8 నుంచి స్ట్రీమింగ్ కానుంది. తెలుగుతో పాటు తమిళం, కన్నడ, మలయాళం భాషల్లో అందుబాటులోకి రానుంది. ఈ మేరకు అఫీషియల్ అనౌన్స్మెంట్ వచ్చింది. మూవీలో అడివి శేష్, మృణాల్లతో పాటు ప్రకాష్ రాజ్, జైన్ మేరీ ఖాన్, సునీల్, అతుల్ కులకర్ణి, అనురాగ్ కశ్యప్ తదితరులు కీలకపాత్రలు పోషించారు. అన్నపూర్ణ స్టూడియోస్ సమర్పణలో ఎస్ఎస్ క్రియేషన్స్, సునీల్ నారంగ్ ప్రొడక్షన్ సంస్థలపై కింగ్ నాగార్జున మేనకోడలు సుప్రియ యార్లగడ్డ నిర్మించారు.
Also Read : మెగా కోడలి సతీ లీలావతి To స్పిరిట్ - ప్రభాస్, సందీప్ వంగా మూవీ కాదు... ఈ వారం థియేటర్లలో సినిమాలివే!
స్టోరీ ఏంటంటే?
హరిదాస్ (అడివి శేష్) ఓ మర్డర్ కేసులో 13 ఏళ్లుగా జైలు జీవితం గడుపుతుంటాడు. ఓ రోజు కడప జైలు నుంచి మారుస్తుండగా పోలీసుల నుంచి తప్పించుకుంటాడు. దీని కోసం అతనికి ఇషాద్ భాయ్ (అతుల్ కులకర్ణి) సాయం చేస్తాడు. హరిదాస్ తప్పించుకోగానే అతన్ని దుబాయ్ పంపించేందుకు అన్నీ ఏర్పాట్లు చేస్తాడు. అయితే, హరి దుబాయ్ వెళ్లేందుకు ఇంకా రూ.60 లక్షలు అవసరం అవుతాయి. దుబాయ్ వెళ్లే లోపు తనకు అవసరమైన డబ్బు సంపాదించడంతో పాటు మరో పని కూడా చేయాలని హరి భావిస్తాడు.
తాను జైలుకు వెళ్లేందుకు కారణమైన మాజీ ప్రేయసి సరస్వతి అలియాస్ జూలియట్ (మృణాల్ ఠాకూర్)పై పగ తీర్చుకోవాలని అనుకుంటాడు హరి. ఆమెను వెతుకుతుండగా భర్త భాస్కర్ (వైభవ్), ఆరేళ్ల కూతురితో దర్శనమిస్తుంది. ఆమె భర్తకు వైద్య ఖర్చుల కోసం రూ.కోటి అవసరం అవుతుంది. ఆమె పరిస్థితి తెలుసుకున్న హరి అవసరాన్ని అడ్డు పెట్టుకుని దెబ్బ కొట్టాలని ఓ ప్లాన్ వేస్తాడు. అసలు హరి, జూలియట్ ఎందుకు విడిపోయారు? హరి జైలుకు వెళ్లేందుకు జూలియట్ ఎందుకు కారణమైంది? హరి మళ్లీ తన జీవితంలోకి వచ్చాక సరస్వతి జీవితం ఎలాంటి మలుపులు తిరిగింది? ఆమె భర్త భాస్కర్కు కేసుకు లింక్ ఏంటి? అనేది తెలియాలంటే మూవీ చూడాల్సిందే.
Also Read : సాయి పల్లవి ఏక్ దిన్ కలెక్షన్స్ - బాలీవుడ్ ఎంట్రీ మూవీ షాక్ ఇచ్చిందా?
టాప్ హెడ్ లైన్స్
ట్రెండింగ్ వార్తలు
