Nani Jersey: 3 ఇయర్స్ ఫర్ 'జెర్సీ' - ఎమోషనల్ సీన్ షేర్ చేసిన నాని

'జెర్సీ' విడుదలై మూడేళ్లవుతున్న సందర్భంగా ఈ సినిమాలో తొలగించిన సన్నివేశాన్ని విడుదల చేశారు. 

ఎమోషనల్ సీన్ షేర్ చేసిన నాని

నేచురల్ స్టార్ నాని నటించిన 'జెర్సీ' సినిమా ఎంత పెద్ద సక్సెస్ అయిందో తెలిసిందే. సితార ఎంటర్టైన్మెంట్స్ బ్యానర్ పై గౌతమ్ తిన్ననూరి డైరెక్ట్ చేసిన ఈ సినిమా విడుదలై మూడేళ్లు అవుతోంది. జాతీయ స్థాయిలో గుర్తింపును సంపాదించుకున్న ఈ సినిమా నాని కెరీర్ లో బిగ్గెస్ట్ హిట్ గా నిలిచింది. 'జెర్సీ' విడుదలై మూడేళ్లవుతున్న సందర్భంగా ఈ సినిమాలో తొలగించిన సన్నివేశాన్ని విడుదల చేశారు. 

మూడేళ్ల తరువాత డిలీటెడ్ సీన్ రిలీజ్ చేయడం ఆశ్చర్యం కలిగించే విషయమే. కానీ ఈ సీన్ చూస్తే మాత్రం సినిమాలో ఉంటే బాగుంటుందనిపిస్తుంది. ఉద్యోగం పోగొట్టుకొని మళ్లీ క్రికెట్ ప్రాక్టీస్ చేస్తోన్న హీరో దగ్గరకి అతడి భార్య తండ్రి వచ్చి.. కొంత డబ్బు ఇచ్చి పోయిన ఉద్యోగాన్ని తిరిగి తెచ్చుకోవాలని చెబుతాడు. కానీ హీరో ఆ డబ్బు తీసుకోకపోవడంతో అతడిని అవమానించేలా కొన్ని కామెంట్స్ చేస్తాడు. 

కానీ హీరో మాత్రం అవేమీ పట్టించుకోకుండా బైక్ స్టార్ట్ చేసుకొని వెళ్లిపోతాడు. ఈ సీన్ చూస్తున్నంతసేపు కాస్త ఎమోషనల్ గా అనిపిస్తుంది. ఈ సీన్ అంటే దర్శకుడు గౌతమ్ కి కూడా చాలా ఇష్టమట. కానీ సినిమాలో ఈ సీన్ ను పెట్టే ఛాన్స్ రాలేదని చెబుతూ నాని సోషల్ మీడియా వేదికగా ఈ సన్నివేశాన్ని షేర్ చేశారు. 

ఈ సినిమాలో నాని సరసన శ్రద్ధా శ్రీనాథ్ హీరోయిన్ గా నటించింది. రోనిత్, సత్యరాజ్ వంటి నటులు కీలకపాత్రలు పోషించారు. ఇప్పుడు ఇదే టైటిల్ తో బాలీవుడ్ లో ఈ సినిమా రీమేక్ చేస్తున్నారు. ఇప్పటికే విడుదల కావాల్సిన ఈ రీమేక్ కొన్ని కారణాల వలన వాయిదా పడుతోంది. ఇందులో షాహిద్ కపూర్ హీరోగా నటించారు.

3 years ♥️
Sharing a deleted scene from jersey today. This was one of @gowtam19 ‘s favourite but couldn’t make it to the cut. Memories :)https://t.co/7a1aQWR4uG#3YearsForClassicJersey pic.twitter.com/NBtjYMGmwu

— Nani (@NameisNani) April 19, 2022