Shyam Singha Roy: ఆ పండుగకి వచ్చేస్తున్న శ్యామ్ సింగరాయ్

టక్ జగదీష్ సినిమా తరువాత శ్యామ్ సింగరాయ్ పైనే ఎక్కువ ఆశలు పెట్టుకున్నా నాని. త్వరలో ఆ సినిమా విడుదల కాబోతోంది.

(Image credit: Instagram)

టక్ జగదీష్ సినిమాతో కుటుంబ ప్రేక్షకుల మరింత దగ్గరయ్యాడు నాని.  థియేటర్లలో విడుదల చేసే వీలులేక అమెజాన్ ప్రైమ్ ఓటీటీలో దీన్ని విడుదల చేశారు. మంచి పాజిటివ్ టాక్ సాధించింది ఈ సినిమా. టక్ జగదీష్ తరువాత విడుదలవ్వబోతున్న నాని సినిమా ‘శ్యామ్ సింగరాయ్’. శరవేగంగా షూటింగ్ పూర్తి చేసుకుని ప్రస్తుతం పోస్ట్ ప్రొడక్షన్ పనుల్లో ఉంది ఆ మూవీ. ఇప్పుడు ఆ సినిమాకు సంబంధించి లేటెస్ట్ అప్డేట్ వచ్చింది. నాని అభిమానులు పండుగ చేసుకునే అప్డేట్ ఇది. శ్యామ్ సింగరాయ్ ను డిసెంబర్ 24న క్రిస్మస్ కానుక థియేటర్లలోకి విడుదల చేయబోతున్నట్టు అధికారికంగా ప్రకటించింది చిత్రయూనిట్. నాని, సాయి పల్లవి కలిసి ఉన్న పోస్టర్ విడుదల చేసింది. 

ఈ సినిమాలో ముగ్గురు హీరోయిన్లు నటిస్తున్నారు. ప్రధాన హీరోయిన్ గా సాయిపల్లవి నటిస్తుండగా, సెకండ్ నాయికగా కృతిశెట్టి కనిపించబోతోంది. ఇక మరో హీరోయిన్ మడోన్నా సెబాస్టియన్ ఓ కీలకపాత్ర చేస్తున్నట్టు సమాచారం. ఈ సినిమా కోల్ కతా బ్యాక్ డ్రాప్ తెరకెక్కుతోంది. కాగా సినిమా విడుదల అవ్వకుండా దీని డిజిటల్ రైట్స్ ను నెట్ ఫ్లిక్స్ కొనుక్కున్నట్టు టాక్. ఇందుకోసం నెట్ ఫ్లిక్స్ 40 కోట్ల రూపాయలు చెల్లించినట్టు సమాచారం. ‘టాక్సీవాలా’ సినిమాకు దర్శకత్వం వహించిన రాహుల్, ఈ సినిమాకు దర్శకుడు. 

శ్యామ్ సింగరాయ్ ను ఒకేసారి తెలుగు, తమిళ, కన్నడ, మలయాళ భాషల్లో విడుదలచేయనున్నారు.  నిహారిక ఎంటర్‌టైన్‌మెంట్‌ పతాకంపై వెంకట్‌ బోయనపల్లి ఈ సినిమాని నిర్మిస్తున్నారు.

This Christmas
Shyam will arrive where he belongs :)
To the big screen and to your hearts 🤍

TELUGU,TAMIL,MALAYALAM,KANNADA

DECEMBER 24th 🔥#ShyamSinghaRoy @Sai_Pallavi92 @IamKrithiShetty @MadonnaSebast14 @MickeyJMeyer @Rahul_Sankrityn @vboyanapalli@NiharikaEnt pic.twitter.com/pbMojsNhs8

— Nani (@NameisNani) October 18, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి