Naga Chaitanya: 'కొత్త ప్రయాణం' చైతు పోస్ట్ వైరల్ - దేని గురించో తెలుసా?

తన సోషల్ మీడియా అకౌంట్ లో షూటింగ్ 'కొత్త ప్రారంభానికి..' అంటూ 'దూత' షూటింగ్ కి సంబంధించిన ఫొటోను పోస్ట్ చేశారు చైతు.

Written By : ABP Desam | Updated at : 01 Mar 2022 05:02 PM (IST)

'కొత్త ప్రయాణం' చైతు పోస్ట్ వైరల్

అక్కినేని నాగచైతన్య టాలీవుడ్ లో తనకంటూ ప్రత్యేకమైన గుర్తింపు తెచ్చుకున్నారు. తన సినిమాలతో అటు యూత్ ని, ఇటు ఫ్యామిలీ ఆడియన్స్ ను అలరిస్తుంటారు. మొదటి నుంచి కూడా చైతు సోషల్ మీడియాకి దూరంగా ఉంటారు. అందుకే ఆయనకి సంబంధించిన విషయాలు బయటకు పెద్దగా తెలియవు. తన సినిమాలు, షూటింగ్స్ తో బిజీగా కాలం గడుపుతుంటారు ఈ హీరో. నిజానికి చైతుకి హారర్ జోనర్ అంటే పెద్దగా నచ్చదు. అందుకే ఆ కాన్సెప్ట్ తో ఏమైనా ఆఫర్లు వచ్చినా రిజెక్ట్ చేస్తుంటారు.

కానీ తొలిసారి ఆయన హారర్ కాన్సెప్ట్ లో నటిస్తున్నారు. అది కూడా ఓటీటీ కోసం కావడం విశేషం. 'దూత' అనే పేరుతో దర్శకుడు విక్రమ్ కె కుమార్ ఓ వెబ్ సిరీస్ ను తెరకెక్కిస్తున్నారు. ఈ సిరీస్ లో నాగచైతన్యను హీరోగా తీసుకున్నారు. గతంలో వీరిద్దరూ కలిసి 'మనం' అనే సినిమా కోసం వర్క్ చేశారు. ఇప్పుడు వీరిద్దరి కాంబినేషన్ లో 'థాంక్యూ' అనే సినిమా చేస్తున్నారు.

దాదాపు ఈ సినిమా షూటింగ్ పూర్తి కావొచ్చింది. అందుకే ఇప్పుడు 'దూత' షూటింగ్ ను మొదలుపెట్టారు. ఈ విషయాన్ని చైతు స్వయంగా వెల్లడించారు. తన సోషల్ మీడియా అకౌంట్ లో షూటింగ్ 'కొత్త ప్రారంభానికి..' అంటూ 'దూత' షూటింగ్ కి సంబంధించిన ఫొటోను పోస్ట్ చేశారు. ఈ సిరీస్ లో మొదటి సీజన్ ను ఈ ఏడాదిలోనే విడుదల చేయాలనుకుంటున్నారు. అమెజాన్ ప్రైమ్ వీడియో కోసం ఈ సిరీస్ ను సిద్ధం చేస్తున్నారు. ఇందులో ప్రియా భవానీ శంకర్ హీరోయిన్ గా కనిపించనుంది. మూడు సీజన్లుగా ఈ సిరీస్ ను రిలీజ్ చేస్తారని సమాచారం.