Mega154: 'బాస్ వస్తున్నాడు' - మెగా154 టైటిల్ టీజర్ లాంచ్ కి ముహూర్తం ఫిక్స్!

చిరంజీవి 154 సినిమాకి సంబంధించిన ఓ అప్డేట్ వచ్చింది.

మెగా154 టైటిల్ టీజర్ లాంచ్ కి ముహూర్తం ఫిక్స్!

మెగాస్టార్ చిరంజీవి(Chiranjeevi), దర్శకుడు బాబీ(Bobby) కాంబినేషన్ ఓ మాస్ యాక్షన్ ఎంటర్టైనర్ తెరకెక్కుతోన్న సంగతి తెలిసిందే. #MEGA154 అనే వర్కింగ్ టైటిల్ తో ఈ సినిమాను సెట్స్ పైకి తీసుకెళ్లారు. ప్రస్తుతం ఈ సినిమా డబ్బింగ్ వర్క్ జరుగుతోంది. వచ్చే ఏడాది సంక్రాంతి కానుకగా సినిమాను విడుదల చేయనున్నట్లు ఇటీవల ప్రకటించారు. ఈ సినిమాలో శృతిహాసన్ హీరోయిన్ గా నటిస్తోంది. అలానే మరికొంతమంది స్టార్స్ ను తీసుకున్నారు. నటుడు రవితేజ కీలకపాత్రలో కనిపించనున్నారు.

Mega154 title teaser launch on 24th October: ఇప్పుడు ఈ సినిమాకి సంబంధించిన అప్డేట్ ను వెల్లడించింది చిత్రబృందం. దీపావళి సందర్భంగా ఈ నెల 24న ఉదయం 11:07 గంటలకు సినిమా టైటిల్ టీజర్ ను లాంచ్ చేయనున్నారు. ఈ విషయాన్ని వెల్లడిస్తూ.. ఒక పోస్టర్ వదిలారు. ఇందులో చిరంజీవి హాఫ్ ఫేస్ కనిపిస్తోంది. తలకు పాగా చుట్టుకొని మాసివ్ లుక్ లో కనిపిస్తున్నారు చిరు.

Let us welcome the MASS MOOLAVIRAT this Diwali 💥#Mega154 Title Teaser Launch on 24th October at 11.07 AM ❤️‍🔥

Poonakalu Loading 🔥

Megastar @KChiruTweets Mass Maharaja @RaviTeja_offl @shrutihaasan @dirbobby @ThisIsDSP @konavenkat99 @SonyMusicSouth pic.twitter.com/DPvpXZ3oaI

— Mythri Movie Makers (@MythriOfficial) October 20, 2022

ఈ సినిమాలో ఈస్ట్ గోదావరి యాసలో మాట్లాడతారట. వింటేజ్ స్టఫ్ తో కూడిన మంచి ఎంటర్టైనర్ గా సినిమా నిలుస్తుందని ఇటీవల చిరు వెల్లడించారు. ఈ సినిమాలో చిరు, రవితేజ సవతి సోదరులుగా కనిపించబోతున్నారు. గతంలో ఇలాంటి కాన్సెప్ట్ తో తెలుగులో కొన్ని సినిమాలు వచ్చాయి. కానీ వాటికి భిన్నంగా ఈ సినిమా ఉంటుందట. పూర్తి మాస్ అండ్ కమర్షియల్ ఎంటర్టైనర్ గా సినిమాను రూపొందిస్తున్నారు దర్శకుడు. తెరపై చిరంజీవి, రవితేజ మధ్య వచ్చే క్లాష్ సన్నివేశాలు సినిమాకి హైలైట్ గా నిలుస్తాయని చెబుతున్నారు. సినిమాలో రవితేజ.. వైజాగ్ రంగరాజు పాత్రలో కనిపిస్తారట. 

ఈ సినిమా కోసం పాటలు పూర్తి చేశారట దేవిశ్రీప్రసాద్. మొత్తం నాలుగు మాస్ సాంగ్స్ కంపోజ్ చేసినట్లు తెలుస్తోంది. చిరంజీవి సినిమాల్లో మాస్ సాంగ్స్ తో పాటు మెలోడీస్ కూడా ఉంటాయి. కానీ ఈ సినిమాలో మాత్రం మెలోడీకి చోటు లేదట. కథ ప్రకారం.. నాలుగు పాటలు ఉంటే.. నాలుగూ కూడా మాస్ సాంగ్స్ అని తెలుస్తోంది. ముఖ్యంగా చిరంజీవి ఇంట్రడక్షన్ సాంగ్ చాలా బాగా వచ్చిందని చెబుతున్నారు. రవితేజ, చిరంజీవి కాంబినేషన్ లో కూడా ఓ పాట ఉంటుందట. అన్ని కమర్షియల్ హంగులతో ఈ సినిమాను తెరకెక్కిస్తున్నారు. ఈ సినిమాలో మలయాళ నటుడు బిజూ మీనన్ ను విలన్ గా కనిపించనున్నారని టాక్.