Jawan Movie: ‘జవాన్’ సెన్సార్ రిపోర్ట్: ఆ డైలాగ్ తొలగింపు, ‘రాష్ట్రపతి’పై అభ్యంతరం - 7 కట్స్‌తో సర్టిఫికెట్ జారీ

షారుఖ్ ఖాన్ తాజా చిత్రం ‘జవాన్‘ సెన్సార్ పూర్తి అయ్యింది. పలు సీన్లను తొలగించడంతో పాటు కొన్ని డైలాగులలో మార్పులను సెన్సార్ బోర్డు సూచించింది. మొత్తంగా ఈ చిత్రానికి U/A సర్టిఫికేట్‌ జారీ చేసింది.

Photo Credit: Shah Rukh Khan/ Instagram

బాలీవుడ్‌ బాద్‌షా షారుఖ్‌ ఖాన్‌, ప్రముఖ తమిళ దర్శకుడు అట్లీ కాంబోలో వస్తున్న తాజా సినిమా ‘జవాన్‌’. నయనతార హీరోయిన్ గా నటిస్తున్న ఈ చిత్రంలో ప్రియమణి, దీపికా పదుకొణె కీలక పాత్రలు పోషిస్తున్నారు. సెప్టెంబర్‌ 7న ఈ సినిమా విడుదల కానుంది. ఇప్పటికే ఈ సినిమాకు సంబంధించిన ప్రచార కార్యక్రమాలు మొదలయ్యాయి.  ఇప్పటికే విడుదలైన ట్రైలర్ మూవీపై ఓ రేంజిలో అంచనాలను పెంచేసింది. అవుట్ అండ్ అవుట్ యాక్షన్ సీన్లతో దుమ్మురేపింది. పలు రకాల గెటప్పుల్లో షారుఖ్ ను చూసి మూవీ లవర్స్ ఫిదా అయ్యారు. ఇప్పటికే ఈ సినిమా నుంచి విడుదలైన ‘దుమ్ము దులిపేలా’, ‘ఛలోనా’ అనే పాటలు ప్రస్తుతం సోషల్ మీడియాలో దుమ్మురేపుతోంది.  ‘దుమ్ము దులిపేలా’ పాట కోసం ఏకంగా 1000 మంది డ్యాన్సర్లు పని చేయగా, రూ. 15 కోట్లు ఖర్చు అయినట్లు తెలుస్తోంది.   ఈ సినిమా కోసం ఎప్పుడెప్పుడా అని సినీ అభిమానులు ఎదురు చూస్తున్నారు. ‘పఠాన్‘ హిట్ తర్వాత రాబోతున్న సినిమా కావడంతో  ప్రతి విషయాన్ని ఆసక్తిగా గమనిస్తున్నారు. అటు మేకర్స్ సైతం బ్యాక్ టు బ్యాక్ అప్ డేట్స్ ఇస్తూ మూవీపై అంచనాలు పెంచుతున్నారు.

‘జవాన్’ చిత్రానికి U/A సర్టిఫికేట్‌

తాజాగా ఈ సినిమాకు సంబంధించిన సెన్సార్ కంప్లీట్ అయ్యింది. మూవీలో మొత్తం 7 మార్పులను సూచించింది సెన్సార్ బోర్డు.  ప్రస్తుతం సెన్సార్ సర్టిఫికేట్ కాపీ ఇంటర్నెట్‌లో వైరల్ అవుతోంది. దాదాపు 169.18 నిమిషాల నిడివి ఉన్న చిత్రంలో సెన్సార్ బృందం పలు మార్పులను సూచించింది. కొన్ని వివాదాస్పద డైలాగులతో పాటు హింసాత్మక సన్నివేశాలకు కత్తెర వేసింది. ముఖ్యంగా తల నరికివేయబడిన బాడీకి సంబంధించిన విజువల్స్ తొలగించింది. రాష్ట్రపతికి సంబంధించిన ఓ డైలాగ్‌పై అభ్యంతరం వ్యక్తం చేశారు. దాన్ని దేశాధినేతగా మార్చారు. ‘ఉంగ్లీ కర్నా’ అనే డైలాగ్ ను ‘ఉస్సే యూజ్ కరో’గా మార్చారు. మొత్తంగా 7 కట్స్ తర్వాత షారుఖ్ భారీ యాక్షన్ మూవీకి  సెన్సార్ బోర్డు U/A సర్టిఫికేట్‌ ఇచ్చింది.

#Jawan Censor Certificate , Censor Cuts And Runtime details.
7 modification done to last print pic.twitter.com/b4R7Y8uq09

— Azam Sajjad (@AzamDON) August 22, 2023

సెప్టెంబ‌ర్ 7న ‘జవాన్‘ విడుదల

ఈ సినిమాలో షారుఖ్ ఖాన్ కు జోడీగా నయనతార నటిస్తుంది. విజయ్ సేతుపతి  విలన్ గా కనిపిస్తున్నట్లు తెలుస్తోంది.  ప్రియమణి, సాన్య మల్హోత్రా, సునీల్ గ్రోవర్, యోగిబాబు, రిధి డోగ్రా కీలకపాత్రలు పోషిస్తున్నారు. యాక్షన్ ఎంట‌ర్‌టైన‌ర్ గా  ‘జవాన్’ మూవీ ప్ర‌పంచ వ్యాప్తంగా సెప్టెంబ‌ర్ 7న విడుదల కానుంది.  ఈ చిత్రానికి అనిరుధ్ రవిచందర్ సంగీతం అందించారు. SRK నటించిన ఈ చిత్రం 2023లో విడుదలైన అతిపెద్ద చిత్రాలలో ఒకటిగా పేరు తెచ్చుకోనుందని ఆయన ఫ్యాన్స్ ఆశిస్తున్నారు. షారుఖ్ ఖాన్ ఈ ఏడాది జనవరిలో 'పఠాన్‌'తో ప్రపంచ వ్యాప్తంగా రూ. 1050 కోట్ల గ్రాస్ ను వసూలు చేసింది. భారతదేశంలో రూ. 525 కోట్ల నెట్‌తో షారుఖ్.. భారీ బ్లాక్‌బస్టర్‌ హిట్ ను తన ఖాతాలో వేసుకున్నాడు. ఈ చిత్రం దేశంలోనే అత్యధిక వసూళ్లు సాధించిన హిందీ చిత్రంగా నిలిచింది.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial