Harish Shankar: హరీష్ శంకర్ లిస్ట్ లో క్రేజీ ఆఫర్ - సల్మాన్ తో సినిమా?

పవన్ సినిమాతో పాటు హరీష్ ఇతర ప్రాజెక్ట్స్ మీద కూడా వర్క్ చేస్తున్నారు హరీష్ శంకర్.

హరీష్ శంకర్ లిస్ట్ లో క్రేజీ ఆఫర్

టాలీవుడ్ లో టాప్ డైరెక్టర్ గా గుర్తింపు తెచ్చుకున్నారు హరీష్ శంకర్. పవన్ కళ్యాణ్ తో ఆయన తీసిన 'గబ్బర్ సింగ్' సినిమాను అభిమానులు ఎప్పటికీ మర్చిపోలేరు. అలానే 'డీజే' లాంటి మాస్ సినిమాతో అల్లు అర్జున్ కి బ్లాక్ బస్టర్ ఇచ్చారు. 'గద్దలకొండ గణేష్' అనే మీడియం బడ్జెట్ సినిమాతో భారీ హిట్టు కొట్టారు. అయితే ఆయన నుంచి కొత్త సినిమా వచ్చి దాదాపు మూడేళ్లవుతోంది. పవన్ కళ్యాణ్ తో సినిమా అనౌన్స్ చేశారు హరీష్ శంకర్. 'భవదీయుడు భగత్ సింగ్' అనే టైటిల్ తో ఈ సినిమా తెరకెక్కనుంది. 

దీనికి సంబంధించిన ఫస్ట్ లుక్ వచ్చింది. అయితే ఇప్పటివరకు ఈ సినిమా సెట్స్ పైకి వెళ్లలేదు. జూన్ నుంచి సినిమా మొదలవుతుందని అన్నారు కానీ పవన్ మాత్రం 'వినోదయ సీతం' రీమేక్ కి డేట్స్ ఇచ్చినట్లు తెలుస్తోంది. ప్రస్తుతం పవన్.. హరీష్ శంకర్ ను వెయిటింగ్ మోడ్ లో ఉంచారు. అందుకే ఈ సినిమాకి సంబంధించి హరీష్ శంకర్ ఎలాంటి అప్డేట్ ఇవ్వడం లేదు. 

ఈ సంగతి పక్కన పెడితే.. పవన్ సినిమాతో పాటు హరీష్ ఇతర ప్రాజెక్ట్స్ మీద కూడా వర్క్ చేస్తున్నారు. 'బ్రో డాడీ' రీమేక్ కోసం స్క్రీన్ ప్లే, డైలాగ్స్ రాస్తున్నారు. అలానే బాలీవుడ్ సూపర్ స్టార్ సల్మాన్ ఖాన్ కోసం కథ రాస్తున్నట్లు సమాచారం.  రీసెంట్ గా మైత్రి మూవీ మేకర్స్ సంస్థ సల్మాన్ ఖాన్ తో హరీష్ శంకర్ కి మీటింగ్ ఎరేంజ్ చేసింది. హరీష్ చెప్పిన స్టోరీ ఐడియా సల్మాన్ కి నచ్చడంతో ఆయన కథ డెవలప్ చేయమని చెప్పారట. ప్రస్తుతం హరీష్ శంకర్ పూర్తి స్క్రిప్ట్ ను సిద్ధం చేసే పనిలో పడ్డారు. ఒకవేళ పవన్ సినిమా గనుక ఆలస్యమైతే సల్మాన్ ఖాన్ తో సినిమా మొదలుపెట్టే ఛాన్స్ ఉందని టాక్. 

 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Harish Shankar (@harish2you)