Guppedantha Manasu February 3rd Update: రాజీవ్ అరెస్ట్ తో రిషికి నిజం తెలిసిపోయింది, తనెవరో తెలియాలన్న రిషికి ఫజిల్ వదిలేసిన వసు!

Guppedantha Manasu February 3rd Update: గుప్పెడంతమనసు సీరియల్ ఇంట్రెస్టింగ్ గా సాగుతోంది. ఈ రోజు ఎపిసోడ్ లో ఏం జరిగిందంటే...

Image Credit: Disney Plus Hotstar/ Star Maa

గుప్పెడంతమనసు ఫిబ్రవరి 3 ఎపిసోడ్ (Guppedanta Manasu February 3rd Update)

దేవయాని స్కెచ్ వేసి..రాజీవ్ ను కాలేజీకి పంపిస్తుంది. నేరుగా కాన్ఫరెన్స్ రూమ్ కి వెళ్లిన రాజీవ్..వసుధార నా భార్య అని అందరికీ చెప్పి హడావుడి చేస్తాడు. ఇలా వచ్చి గొడవ చేయడం మంచిది కాదు మర్యాదగా బయటికి వెళ్ళండి అంటారు మహేంద్ర , జగతి. అయినప్పటికీ వినిపించుకోని రాజీవ్.. కాలేజీ మొత్తం వినిపించేలా వసు ఎక్కడ ఉన్నావు నీ రాజీవ్ వచ్చాడు అంటూ అరుస్తుంచాడు. స్టూడెంట్స్, స్టాఫ్ అందరూ చుట్టూ చేరుతారు.. అప్పుడువసుధార వచ్చి ఎందుకొచ్చావ్ అని అడుగుతుంది. నీకోసం అనడంతో షాక్ అవుతుంది. ఇక్కడి నుంచి వెళతావా లేదా అని వసు ఫైర్ అవుతుంటే.. ఇద్దరం కలసి వెళదాం రా అంటాడు..

వసు: ఎందుకు రావాలి
రాజీవ్: నవ్వుకుంటూ అందరూ విన్నారా నా పెళ్ళాం నాతో రమ్మంటే ఎందుకు అని ప్రశ్నిస్తోంది
వసుధార చేయిపట్టుకుని లాక్కెళుతుంటాడు..ఇంతలో రిషి ఎదురుపడతాడు..
రాజీవ్: నమస్తే రిషి సార్ బాగున్నారా
రిషి: ఏం జరుగుతోంది ఇక్కడ
రాజీవ్: భార్యాభర్తల మధ్య చిన్న తగాదా జరుగుతోంది ..రమ్మంటే రానంటుంది
వసుధార: నేను రానని చెబుతున్నాను కదా
రిషి: ఏంటి వసుధార ఇది ఇలాంటి రోజు వస్తుందని అనుకోలేదు వెళ్ళిపో
అప్పుడు రాజీవ్ నుంచి తప్పించుకుని వెళ్లి రిషి వెనుక దాక్కుని..సార్ నేను రాను అని చెప్పండి తనతో వెళ్లడం నాకు ఇష్టం లేదని చెబుతుంది. 
రిషి: ఎందుకు వెళ్లవు..భార్య అంటున్నాడు కదా..
రాజీవ్ : మీరు జెంటిల్మెన్ సార్ అని పొగుడుతూ ఉంటాడు. 
అప్పుడు రిషి వసుధార మీద సీరియస్ అవుతూ ఏంటి కాలేజీలో పంచాయితీ వెళ్తావా లేదా అంటూ రిషి..రాజీవ్ చేయి పట్టుకుంటాడు.. ఏంటి సార్ ట్విస్ట్ అంటాడు రాజీవ్..ఈ ట్విస్ట్  ఇక్కడ కాదు అక్కడ అంటూ పోలీసుల దగ్గరికి పంపిస్తాడు రిషి.
పోలీసులను చూడడంతో రాజీవ్ ఒక్కసారిగా షాక్ అవుతాడు. 
ఏరా ఇక్కడికి వచ్చి ఆ అమ్మాయిని ఏడిపిస్తావా నువ్వు వస్తావని తెలిసే మేము రిషి సార్ ని ఆపమని చెప్పాము. అమ్మాయి నీ పెళ్లామా అసలు నువ్వు ఆ తాళే కట్టలేదు కదరా అనడంతో రిషి, మహేంద్ర,జగతి షాక్ అవుతారు. కానిస్టేబుల్స్ వీడిని తీసుకెళ్లండి అని చెప్పి పోలీస్ రిషి దగ్గరికి వెళ్లి చాలా థాంక్స్ సార్ నేను మిమ్మల్ని మిస్ అండర్ స్టాండ్ చేసుకున్నాను అని చెప్పి అక్కడి నుంచి వెళ్ళిపోతాడు.
అప్పుడు అందరూ అక్కడ నుంచి వెళ్లిపోవడంతో వసుధార కూడా వెళ్ళిపోతుంది. ఆ తర్వాత కాలేజీ ఫ్యాకల్టీ దేవయానికి ఫోన్ చేసి జరిగింది మొత్తం వివరించడంతో దేవయాని షాక్ అవుతుంది.

వసుధార-రిషి: వసుధార ఒకచోట కూర్చుని జరిగిన విషయాలు తలుచుకుని ఏడుస్తూ ఉండగా ఇంతలోనే అక్కడికి రిషి వస్తాడు. అప్పుడు వసుధార వెళ్ళిపోతుండగా నీ మెడలో ఆ తాళి ఎవరు కట్టారు అనడంతో నేను మీకు ఇంతకు ముందే చెప్పాను సార్ ఈ తాళి నా ఇష్ట పూర్వకంగానే మెడలో పడింది అని అంటుంది. నీ మెడలో తాళి ఆ రాజీవ్ కట్టలేదు.. అసలు ఏం జరిగిందో చెప్పు అని అంటున్నాడు రిషి. అప్పుడు రిషి,వసుధార నాకు సమాధానం కావాలి అనగా వసుధార మాత్రం పొంతన లేకుండా ఏవేవో సమాధానం చెబుతూ ఉంటుంది. వసుధార సమాధానం చెప్పకుండా వెళ్ళిపోతుండగా సమాధానం కావాలి వసుధార అని గట్టిగా అడుగుతాడు రిషి. కాలమే సమాధానం చెబుతుంది సార్ కాస్త ఆగండి అంటుంది వసుధార. ఎవరో నాకు తెలియాలి అనడంతో తెలుసుకోండి కనీసం ప్రయత్నం అయినా చేయండి అని చెప్పి అక్కడి నుంచి వెళ్ళిపోతుంది వసుధార. 

మహేంద్ర-జగతి వసుధార గురించి ఆలోచిస్తూ మనం చాలా పొరపడ్డాం జగతి...రాజీవ్ వసుధార మెడలో తాళి కట్టకపోతే మరి వసుధార మెడలో తాళి ఎవరు కట్టారు అసలు ఇదేం తలనొప్పి జగతి అంటాడు మహేంద్ర. ఇంతలో కాలేజీ స్టాప్..నోటికొచ్చినట్టు మాట్లాడుతుంటే జగతి అవమానంతో తలదించుకుంటుంది. అసలు వసుకి బుద్ధి లేదు వీళ్ళ మాటలతో రిషికి మనశ్శాంతి లేకుండా చేసేలా ఉన్నారు అంటుంది. వసుధార దగ్గరకు వెళ్లి నిజం చెప్పమని నిలదీద్దాం అంటాడు మహేంద్ర.... ఎపిసోడ్ ముగిసింది...