Guppedanta Manasu March 6th: భార్యభర్తలుగా రిషిధార కొత్త ప్రయాణం ఎటువైపు- ప్రేమ జ్ఞాపకాల్లో తేలిపోతున్న వసు

Guppedantha Manasu March 6th Update: గుప్పెడంతమనసు సీరియల్ ఇంట్రెస్టింగ్ గా సాగుతోంది. ఈ రోజు ఎపిసోడ్ లో ఏం జరిగిందంటే...

Image Credit: Disney Plus Hotstar/ Star Maa

జగతి రిషి దగ్గరకి వచ్చి మాట్లాడుతుంది. వసుధార చేసింది కరెక్ట్ అనిపించలేదు, తనంతట తానుగా మెడలో తాళి వేసుకోవడం కరెక్ట్ కాదు కదా అని రిషి అంటాడు.

రిషి: తను చేసిన దానికి మీరు దిద్దుబాటు చర్య చేశారు

జగతి: మీ బంధానికి కాపాడటానికి అలా చేశాను తప్ప మరో ఉద్దేశం నాకు లేదు

రిషి: మీరు చేసింది పొరపాటని నేను అనలేదు కదా, మీరే పొరపాటు చేసి ఉంటే నా పేరు చెప్పగానే కాదనే వాడిని కదా. మీరు అందరి ముందు చెప్పిన విషయాన్ని నిజమని నేను ఎందుకు ఒప్పుకుంటాను. జరిగిన విషయానికి మీరు నన్ను కన్వీన్స్ చేయాల్సిన అవసరం లేదు. అక్కడ మీరు చేసింది రైట్ అని నమ్ముతాను అలాగే గతంలో మీరు చేసినవి రైట్ అని అనను. రోజులు మారితే గాయం మానుతుందని అంటారు. కానీ మనసుకి అయిన గాయం ఎప్పటికీ మానదు

జగతి: వసూని క్షమించలేవా?

రిషి: ఈ ప్రశ్నకి నా దగ్గర సమాధానం లేదు

జగతి: అందరూ మనసుకి అయిన గాయం తట్టుకోలేరు కదా వసుకి నా పరిస్థితి రాకూడదు

వసు ఇంటికి రిషి వస్తాడు. బాగా తలనొప్పిగా ఉంది నీ చేత్తో చేసిన కాఫీ తాగాలని వచ్చానని చెప్తాడు. మీకు కూడా తలనొప్పి వస్తుందా అని వసు విచిత్రంగా అడుగుతుంది. నాకు కూడా తల ఉంది కదా అని అంటాడు. రిషి ఏ మాట్లాడకుండా ఉండటంతో వసునే మాట్లాడుతుంది. అప్పుడున్న పరిస్థితుల్లో నాకున్న  ఏకైక మార్గం ఇదే అనిపించింది మీరే అర్థం చేసుకోవడం లేదని అంటుంది. ఆ ఒక్క పని చేయకుండా ఉంటే బాగుండేది కదా అని రిషి మనసులో అనుకుంటాడు. కాఫీ తాగి వెళ్లిపోతుంటే వసు నాతో ఏదో మాట్లాడాలని వచ్చారు మాట్లాడుకుండానే వెళ్లిపోతున్నారని అడుగుతుంది. జగతి మాటలు తలుచుకున్న రిషి వెంటనే వసుని కౌగలించుకుంటాడు. ఇదే మన బంధం, ఇదే మన దూరం అనేసి వెళ్ళిపోతాడు.

రిషి కాలేజ్ కి వచ్చేసరికి కొంతమంది స్టూడెంట్స్ దారికి అడ్డంగా నిలబడతారు. అప్పుడే జగతి వాళ్ళు కూడా వస్తారు. రిషి ఏమైందని అడిగేసరికి స్టూడెంట్స్ బొకే, ప్లకార్డ్ తీసి కంగ్రాట్స్ చెప్తారు. మేడమ్ రాలేదా అని స్టూడెంట్స్ అడుగుతారు. నిన్నటి ప్రెస్ మీట్ ప్రభావమని మహేంద్ర అంటాడు. రిషి ఏం మాట్లాడకుండా అక్కడ నుంచి వెళ్ళిపోతాడు. వసు జరిగినవన్నీ తలుచుకుని హ్యపీగా ఉంటుంది. అప్పుడే మినిస్టర్ పీఏ ఫోన్ చేసి రమ్మని పిలుస్తాడు. కాలేజ్ లో రిషి ఇంకా వసుధార రాలేదేంటని ఆలోచిస్తూ ఉంటాడు. కాలేజ్ కి వెళ్లాలని లేదని, మెసేజ్ పెడితే ఎలా ఉంటుందో అని అనుకుంటూ ఉంటుంది. అటు రిషి కూడా వసు కాలేజ్ కి వస్తుందా రావడం లేదని కనీసం మెసేజ్ కూడా చేయలేదేంటని ఫోన్ చూస్తూ ఉంటాడు. అప్పుడే వసు కాలేజ్ కి రావడం లేదని పర్మిషన్ కావాలని మెసేజ్ పెట్టి డిలీట్ చేస్తుంది.  ఇద్దరూ కాసేపు ఒకరిగురించి మరొకరు ఆలోచిస్తూ ఉంటారు. అప్పుడే మినిస్టర్ ఫోన్ చేసి కంగ్రాట్స్ చెప్తాడు.