Vanitha Vijaykumar : 43 ఏళ్ల వయసులో నాలుగో పెళ్ళికి రెడీ అయిన ఫైర్ బ్రాండ్.. ముగ్గురు పిల్లలకు తల్లి - మూడు పెళ్ళిళ్ళు పెటాకులు

ఇప్పటికే మూడు పెళ్ళిళ్ళతో వార్తల్లో నిలిచిన ఫైర్ బ్రాండ్ వనిత విజయ్ కుమార్ తాజాగా 4 వ పెళ్ళికి రెడీ అయ్యింది. ఈసారి ఆమె ఎవరిని, ఎప్పుడు పెళ్లాడబోతోందో చూసేద్దాం పదండి.

Vanitha Vijay kumar

Source : https://www.instagram.com/p/DAa9rzjIePi/?igsh=MWxwNjM0dnB6OXNqOQ%3D%3D&img_index=1

ఫైర్ బ్రాండ్ గా పేరు తెచ్చుకున్న ప్రముఖ నటి వనిత విజయ్ కుమార్ నాలుగో పెళ్లికి రెడీ కావడం సంచలనంగా మారింది. సోషల్ మీడియా వేదికగా ప్రముఖ కొరియోగ్రాఫర్ తో తాను నాలుగవసారి ఏడడుగులు వేయబోతున్నానంటూ ప్రకటించి అందరికీ షాక్ ఇచ్చింది వనిత. మరి ఈ బ్యూటీ పెళ్లాడబోయేది ఎవరిని? గతంలో జరిగిన మూడు పెళ్లిళ్ల సంగతేంటి? ఈ నాలుగో పెళ్లి ఎప్పుడు జరగబోతోంది? అనే విషయాలను తెలుసుకుందాం పదండి. 

వనిత విజయ్ కుమార్ సినిమా ఎంట్రీ
తెలుగు, తమిళ ప్రేక్షకులకు సుపరిచితుడైన ప్రముఖ సీనియర్ నటుడు విజయ్ కుమార్ పెద్ద కుమార్తె వనిత. 'చంద్రలేఖ' అనే సినిమాతో 1995లోనే ఈ బ్యూటీ హీరోయిన్ గా ఇండస్ట్రీకి పరిచయమైంది. ఆ తర్వాత పలు సినిమాల్లో నటించి మెప్పించిన ఈ బ్యూటీ తమిళ్ సినిమాలపై ఎక్కువగా ఫోకస్ చేసింది. 'చంద్రలేఖ' సినిమా ప్లాప్ కావడంతో ఆ తర్వాత 'మాణిక్యం' అనే సినిమాలో నటించిన వనిత విజయ్ కుమార్ తెలుగులో 'దేవి'' అనే సినిమాలో మాత్రమే కనిపించింది. ఆ తర్వాత మరో మలయాళ సినిమాలో మెరిసింది. కానీ చేసిన సినిమాలు కంటే ఎక్కువగా ఈ అమ్మడు వ్యక్తిగత అంశాల వల్లనే వార్తల్లో నిలుస్తుంది. 

పెటాకులైన మూడు పెళ్ళిళ్ళు 
2000 సంవత్సరంలో నటుడు ఆకాష్ ను పెళ్లి చేసుకున్న వనిత విజయ్ కుమార్ ఒక కొడుకు, కూతురుకి తల్లి అయింది. ఆ తర్వాత మనస్పర్ధల కారణంగా 2005లో ఆకాష్ తో విడాకులు తీసుకుంది. 2007లో ఆనంద్ జయదర్శన్ అనే వ్యాపారవేత్తని రెండో పెళ్లి చేసుకుంది. మొదటి భర్తతో పుట్టిన ఇద్దరు పిల్లలే కాకుండా రెండో భర్తతో వనితకు మరో కూతురు పుట్టింది. ఆయనతో కూడా ఐదేళ్ల కాపురం చేశాక 2012లో డివోర్స్ తీసుకుంది. అనంతరం కొరియోగ్రాఫర్ రాబర్ట్ తో కొన్నాళ్ళ పాటు లివ్ ఇన్ రిలేషన్షిప్ లో ఉందని రూమర్లు చక్కర్లు కొట్టాయి. అలాంటి టైంలో ఫోటోగ్రాఫర్ పీటర్ పాల్ ని 2020లో పెళ్ళాడి షాక్ ఇచ్చింది. ఆమె మూడో పెళ్లి చేసుకోవడంపై సర్వత్రా విమర్శలు వెల్లువెత్తాయి. 'అవసరమైతే నాలుగో పెళ్లి కూడా చేసుకుంటాను' అంటూ అందరి నోళ్ళు మూయించింది వనిత. కానీ ఈ మూడో పెళ్లి కూడా ఎక్కువ కాలం నిలవలేదు. పెళ్లి చేసుకుని కేవలం నాలుగు నెలల్లోనే మళ్లీ విడాకులు ఇవ్వడంతో మూడో పెళ్లి కూడా పెటాకులైంది. ఆ తర్వాత వనిత ఆయనతో తనకు అసలు పెళ్ళే జరగలేదని, ఎంగేజ్మెంట్ మాత్రమే జరిగిందని వివరణ ఇచ్చి సర్ది చెప్పే ప్రయత్నం చేసింది. 

ముచ్చటగా నాలుగో పెళ్లి...
సినిమా ఇండస్ట్రీలో వరుసగా ఇలా నాలుగు పెళ్లిలతో వార్తల్లో నిలిచిన హీరోయిన్ వనిత విజయ్ కుమార్ అనే చెప్పుకోవాలి. గతంలో ఆమె సహజీవనం సాగించింది అంటూ రూమర్లు వచ్చిన కొరియోగ్రాఫర్ రాబర్ట్ నే ఇప్పుడు నాలుగో పెళ్లి చేసుకోవడానికి రెడీ అయ్యింది వనిత. కానీ ఇప్పుడు ఆమె వయసు 43 ఏళ్లు, ముగ్గురు పిల్లలు కూడా ఉన్నారు. ఆమె పెద్ద కూతురు జోవిక అయితే బిగ్ బాస్ తమిళ్ సీజన్ 7 లో కంటెస్టెంట్ గా ఎంట్రీ ఇచ్చింది. ఇప్పుడు హీరోయిన్ గా అడుగు పెట్టడానికి ట్రై చేస్తోంది. ఈ నేపథ్యంలోనే వనిత విజయ్ కుమార్ బిగ్ బాస్ సెలబ్రిటీ రాబర్ట్ మాస్టర్ కి బీచ్ లో బికినీలో మోకరిల్లి మరీ ప్రపోజ్ చేసిన ఫోటోను షేర్ చేస్తూ, అక్టోబర్ 5న తామిద్దరూ పెళ్లి చేసుకోబోతున్నట్టు వెల్లడించింది. మరి ఈ పెళ్ళినయినా ఆమె నిలబెట్టుకుంటుందా? అనేది చూడాలి.