Trisha: నాకు నలుగురు పిల్లలు, వాళ్ళకు రెండేళ్ళు... రిటైర్మెంట్‌పై త్రిష సెటైర్!

Trisha Latest Instagram Story: టీవీకే పార్టీతో దళపతి విజయ్ రాజకీయ అడుగులు త్రిషను రాజకీయ విమర్శల్లోకి లాగాయి. దాంతో నటనకు ఫుల్ స్టాప్ పెడుతున్నారని పుకార్లు వచ్చాయి. వాటిపై ఆమె స్పందించారు.

రిటైర్మెంట్ ప్లాన్ న్యూస్ మీద త్రిష సెటైరికల్ పోస్ట్

Source : https://www.instagram.com/trishakrishnan/

తమిళనాడులో కథానాయిక త్రిష కృష్ణన్ (Trisha Krishnan) మీద రోజుకొక కొత్త వార్త వస్తోంది. దళపతి విజయ్ (Thalapathy Vijay) రాజకీయ తెరంగేట్రం ఆమెను విమర్శల్లోకి లాగింది. వాళ్ళిద్దరి మధ్య సంబంధం ఉందని విజయ్ ప్రత్యర్థులు బాహాటంగా వ్యాఖ్యలు చేశారు. విజయ్ భార్య సంగీత అయితే తన భర్తకు ఓ నటితో వివాహేతర సంబంధం ఉందని విడాకుల పిటీషన్‌లో పేర్కొన్నారు.  త్రిషపై ఆమె పరోక్షంగా విమర్శలు చేశారని తమిళనాడు అంటోంది. అది పక్కన పెడితే... త్వరలో సినిమాలకు త్రిష గుడ్ బై చెబుతారని, రిటైర్మెంట్ ఆలోచనల్లో ఉన్నారని వార్తలు వచ్చాయి. దాంతో ఆమె స్పందించారు. 

త్రిష రిటైర్మెంట్ గురించి చెప్పిందెవరు?
Trisha Retirement News In Telugu: విజయ్ - సంగీత విడాకులు వ్యవహారం ఓ కొలిక్కి రాలేదింకా. అదే సమయంలో విజయ్ - త్రిష సైతం తమ మధ్య ప్రేమ ఉందని, తామిద్దరం పెళ్లి చేసుకుంటామని చెప్పలేదు. ఈ తరుణంలో సినిమాల నుంచి త్రిష రిటైర్ అయ్యారని తమిళ నటుడు చిత్ర లక్ష్మణన్ తన యూట్యూబ్ ఛానల్‌లో వ్యాఖ్యానించారు. తన పెళ్లి, పిల్లల గురించి వస్తున్న వార్తల పట్ల ఆమె 'ఫిక్షన్ కోటా' అంటూ సెటైరికల్ పోస్ట్ చేశారు.

తన రిటైర్మెంట్, వ్యక్తిగత జీవితంపై వస్తున్న పుకార్లపై ఇన్‌స్టాగ్రామ్ స్టోరీలో చాలా వ్యంగ్యంగా స్పందించారు త్రిష. ఇంతకీ, ఆమె ఏమన్నారంటే?... ''నేను సినిమాల నుంచి తప్పుకొన్నాను (రిటైర్మెంట్ ఇచ్చాను). బాగా డబ్బులు ఉన్న వ్యాపారవేత్తను పెళ్లి చేసుకున్నాను. మాకు నలుగురు కవల పిల్లలు. నిన్ననే వాళ్లకు రెండేళ్లు నిండాయి. ఇంకా ఏమైనా చెప్పాలా? లేదంటే ఈ రోజుకు కావలసిన ఫిక్షన్ కోటా (కల్పిత కథలు) పూర్తి అయ్యాయా?'' అని. తనకు పెళ్లి కాలేదని, పిల్లలు లేరని, సినిమాలకు ఫుల్ స్టాప్ పెట్టడం లేదని ఇలా చెప్పారు. అదీ సంగతి!

#Trisha responds sarcastically in her insta page, about the rumours of quitting Cinema !! pic.twitter.com/CEvmnELQe2

— AmuthaBharathi (@CinemaWithAB) April 7, 2026

విమర్శలు, పుకార్లకు సమాధానం ఇవ్వడమే కాదు... మనఃశాంతి, ఆత్మ గౌరవం గురించి కొన్ని పోస్ట్‌లు చేశారు. ''నేను ఎవరితోనూ వాదించను. ప్రస్తుతం ఆ దశలో ఉన్నాను. మీరు ఏనుగు ఎగురుతుందని చెబితే... మీరు చెప్పింది కరెక్టేనని అంటాను. ఎందుకంటే... మిమ్మల్ని ఒప్పించేంత ఓపిక నాకు లేదు. నాకు నా ప్రశాంతతే ముఖ్యం'' అని ఓ కోట్ చెప్పారు. ప్రతిదీ ప్రేమ కాదని, ప్రేమ లేని ప్రతిదీ అర్థరహితం అని అర్థం వచ్చే మరొక కోట్ రెండు రోజుల క్రితం షేర్ చేశారు. 

సినిమాల విషయానికి వస్తే... త్వరలో కోలీవుడ్ స్టార్ సూర్యతో కలిసి థియేటర్లలో సందడి చేయడానికి రెడీ అవుతున్నారు. ఆర్.జే. బాలాజీ దర్శకత్వం వహించిన 'కరుప్పు'లో ఆమె సూర్యకు జంటగా నటించారు. తెలుగులో ఆ సినిమా 'వీరభద్రుడు'గా విడుదల కానుంది.