Varanasi: వారణాసి... విడుదలకు సరిగ్గా ఏడాది - చెప్పిన తేదీకి మహేష్, రాజమౌళి సినిమా

Varanasi Movie Release Date: సూపర్ స్టార్ మహేష్ బాబు, దర్శక ధీరుడు ఎస్ఎస్ రాజమౌళిల 'వారణాసి' సినిమా చెప్పిన తేదీకి థియేటర్లలోకి రానుంది. ఆ విషయాన్ని ఇవాళ మరోసారి కన్ఫర్మ్ చేశారు.

వారణాసి సాంగ్ కోసం సెట్ వేస్తున్నట్టు చిత్ర బృందం చేసిన ట్వీట్ బట్టి అర్థం అవుతోంది.

Source : https://www.youtube.com/watch?v=DMD2uthghWE

One Year For Varanasi Movie Release: దర్శక ధీరుడు ఎస్ఎస్ రాజమౌళి సినిమా అంటే చెప్పిన తేదీకి విడుదల కావడం కష్టం ఏమో అని అనుమానాలు ప్రతి ఒక్కరిలో ఉండటం సహజం. ఎందుకంటే... ఆయన తీసే సినిమాలు అటువంటివి. లార్జర్ దేన్ లైఫ్ కథలు, భారీ విజువల్స్ - వీఎఫ్ఎక్స్ సినిమాలు కనుక ఫైనల్ ప్రోడక్ట్ రెడీ అవ్వడానికి టైం పట్టడం సహజం. అయితే... ఈసారి మాత్రం లేట్ అయ్యే సమస్య లేదు.

వారణాసి... సరిగ్గా ఏడాది!
ఇవాళ తేదీ తెలుసుగా... ఏప్రిల్ 7! దీని స్పెషాలిటీ ఏమిటో తెలుసుగా... సూపర్ స్టార్ మహేష్ బాబు పాన్ వరల్డ్ డెబ్యూ 'వారణాసి' థియేటర్లలోకి రానుంది. అయితే, అది ఈ ఏడాది కాదు... వచ్చే ఏడాది!

If we’re time-trotting to a year, it’s Showtime… #VARANASI

— Varanasi (@VaranasiMovie) April 6, 2026

వారణాసి విడుదలకు సరిగ్గా ఏడాది ఉంది. అందుకని, చిత్ర బృందం 'ఎక్స్'లో ఒక పోస్ట్ చేసింది. కాలంలో ఓ ఏడాది ముందుకు వెళితే ఈ రోజు 'వారణాసి' షో టైం అని పేర్కొంది. సో... విడుదలలో ఎటువంటి ఆలస్యం ఉండదని స్పష్టం చేసింది. వచ్చే ఏడాది (2027) ఏప్రిల్ 7వ తేదీకి సినిమా థియేటర్లలో సందడి చేయనుంది.

Set vesthunnaaarantagaaa.... Director
Happy aaaa..

— Varanasi (@VaranasiMovie) April 7, 2026

ప్రస్తుతం 'వారణాసి' చిత్రీకరణ హైదరాబాద్ సిటీలో శరవేగంగా జరుగుతోంది. మహేష్ బాబుతో పాటు హీరోయిన్ ప్రియాంక చోప్రా, ఇతర కీలక తారాగణం మీద రాజమౌళి సన్నివేశాలు తెరకెక్కిస్తున్నారు. ఈ సినిమాలో విలన్ రణకుంభ పాత్రలో మలయాళ స్టార్ పృథ్వీరాజ్ సుకుమారన్ నటిస్తున్న సంగతి తెలిసిందే. ఈ సినిమాకు ఆస్కార్ విన్నర్ ఎంఎం కీరవాణి సంగీతం అందిస్తుండగా... శ్రీ దుర్గా ఆర్ట్స్ పతాకంపై కేఎల్ నారాయణ ప్రొడ్యూస్ చేస్తున్నారు. రాజమౌళి తనయుడు ఎస్ఎస్ కార్తికేయకు చెందిన షోయింగ్ బిజినెస్ నిర్మాణ భాగస్వామి.