NTR: బుధవారం ఎన్టీఆర్ భుజానికి సర్జరీ... తారక్ ఆఫీస్ నుంచి అఫీషియల్ స్టేట్మెంట్

NTR Shoulder Surgery: మ్యాన్ ఆఫ్ మాసెస్ ఎన్టీఆర్ భుజానికి గాయమైంది. వైద్యుల సలహా మేరకు ఆయన సర్జరీ చేయించుకుంటున్నారు. ఈ మేరకు ఎన్టీఆర్ ఆఫీసు నుంచి అఫీషియల్ స్టేట్మెంట్ రిలీజ్ చేశారు.

ఆగస్టు 12న ఎన్టీఆర్ భుజానికి సర్జరీ

Source : https://www.instagram.com/jrntr/

Show Quick Read

Key points generated by AI, verified by newsroom

• మ్యాన్ ఆఫ్ మాసెస్ ఎన్టీఆర్ భుజానికి గాయమైంది; శస్త్రచికిత్సకు సిద్ధమయ్యారు.
• ఆగస్టు 12న హైదరాబాద్ కిమ్స్ ఆసుపత్రిలో శస్త్రచికిత్స జరుగుతుంది.
• గాయం తీవ్రతను బట్టి వైద్యులు ఆరు వారాల విశ్రాంతి సూచించారు.

NTR Surgery Health Update: మ్యాన్ ఆఫ్ మాసెస్ ఎన్టీఆర్ భుజానికి గాయమైంది. గత నెలలో ఆ విషయాన్ని చెప్పారు కూడా. వైద్యుల సలహా మేరకు ఇప్పుడు ఆ గాయమైన భుజానికి సర్జరీ చేయించుకోవడానికి ఎన్టీఆర్ రెడీ అయ్యారు. ఆయన ఆఫీస్ నుంచి ఈ సర్జరీ గురించి అఫీషియల్ స్టేట్మెంట్ వచ్చింది.

ఆగస్టు 12న సర్జరీ... ఎక్కడంటే?
ఆగస్టు 12వ తేదీన... అంటే బుధవారం హైదరాబాద్‌ సిటీలోని కిమ్స్ ఆస్పత్రిలో ఎన్టీఆర్ భుజానికి సర్జరీ జరగనుంది. వైద్య పరీక్షల అనంతరం నిపుణుల సలహా మేరకు ఈ సర్జరీని నిర్వహించాలని నిర్ణయించినట్లు ఎన్టీఆర్ ఆఫీసు విడుదల చేసిన లేఖలో స్పష్టం చేశారు.

Official statement from Mr NTR’s Office pic.twitter.com/J5Dgz9fLyO

— Vamsi Kaka (@vamsikaka) August 11, 2026

డాక్టర్ జె. మధుసూదన్ రావు, డాక్టర్ ఆర్. ఏ. పురంచంద్ర తేజస్వి నేతృత్వంలోని వైద్యుల బృందం ఎన్టీఆర్ పరిస్థితిని క్షుణ్ణంగా పరీక్షించారు. గాయం తీవ్రతను దృష్టిలో పెట్టుకుని... సర్జరీ తర్వాత ఆయన పూర్తిస్థాయిలో కోలుకోవడానికి ఆరు నుంచి ఎనిమిది వారాల పాటు పూర్తిగా విశ్రాంతి తీసుకోవాలని సూచించారట. ఈ ఇంజ్యూరీ ఎటువంటి సర్జరీ లేకుండా నయం అవుతుందని మొదట భావించినప్పటికీ... రాబోయే రోజుల్లో ఎటువంటి ఆరోగ్య సమస్యలు తలెత్తకుండా ఉండటానికి సర్జరీయే బెటర్ అని డాక్టర్లు నిర్ణయించడంతో సరే అని ఎన్టీఆర్ చెప్పారట.

ప్రస్తుతం ఎన్టీఆర్ చేస్తున్న సినిమాల విషయానికి వస్తే... దర్శకుడు ప్రశాంత్ నీల్ తెరకెక్కిస్తున్న పాన్ ఇండియా సినిమా 'డ్రాగన్'లో నటిస్తున్నారు. అందులో రుక్మిణీ వసంత్ హీరోయిన్. మైత్రీ మూవీ మేకర్స్, ఎన్టీఆర్ ఆర్ట్స్ సంస్థలపై ఆ సినిమా రూపొందుతోంది. నవీన్ యెర్నేని, రవిశంకర్ యలమంచిలి, నందమూరి కళ్యాణ్ రామ్, కొసరాజు హరికృష్ణ నిర్మిస్తున్నారు. ఈ సినిమాకు రవి బస్రూర్ సంగీత దర్శకుడు.