Operation Valentine: ‘ఆపరేషన్ వాలెంటైన్’ కోసం భారీ ప్లాన్ - బరిలోకి దిగనున్న టాలీవుడ్, బాలీవుడ్ స్టార్ హీరోలు
Operation Valentine Trailer: వరుణ్ తేజ్ హీరోగా నటించిన ‘ఆపరేషన్ వాలెంటైన్’ మూవీ ట్రైలర్ను విడుదల చేయడానికి మేకర్స్ సిద్ధమయ్యారు. ఈ ట్రైలర్ లాంచ్ కోసం ఇద్దరు స్టార్ హీరోలు బరిలోకి దిగనున్నట్టు సమాచారం
Operation Valentine Trailer: 2024 సంక్రాంతికి విడుదల కావాలని ఎన్నో సినిమాలు ఆశపడినా.. అందులో కొన్ని మాత్రమే ప్రేక్షకుల ముందుకు రాగలిగాయి. మిగతా సినిమాలు ఇప్పటికీ పోస్ట్పోన్ అవుతూనే ఉన్నాయి. అలా రెండుసార్లు పోస్ట్పోన్ అయిన తర్వాత ఫైనల్గా మార్చి 1న థియేటర్లలో సందడి చేయడానికి ‘ఆపరేషన్ వాలెంటైన్’ సిద్ధమయ్యింది. వరుణ్ తేజ్ హీరోగా నటించిన ఈ మూవీ ప్రమోషన్స్ ఇప్పటికే ప్రారంభమయ్యాయి. తెలుగుతో పాటు హిందీలో కూడా ఈ సినిమాను భారీ ఎత్తులో విడుదల చేయడానికి మేకర్స్ సన్నాహాలు చేస్తున్నారు. ఇక ఈ మూవీ ట్రైలర్ విడుదల చేయడానికి ఇద్దరు స్టార్ హీరోలను బరిలోకి దించుతున్నాడు వరుణ్ తేజ్.
ఫైనల్ స్ట్రైక్ వచ్చేస్తుంది..
ఎయిర్ ఫోర్స్ బ్యాక్డ్రాప్లో తెరకెక్కిన ‘ఆపరేషన్ వాలెంటైన్’ నుండి ఫస్ట్ స్ట్రైక్ అనే పేరుతో టీజర్ను విడుదల చేసింది టీమ్. ఈ టీజర్కు మంచి రెస్పాన్స్ లభించింది. టీజర్తో పాటు ఈ సినిమా నుండి రెండు పాటలు కూడా విడుదల అయ్యాయి. అందులో ఒకటి దేశభక్తి గీతం కాగా.. మరొకటి హీరోహీరోయిన్ మధ్య సాగే రొమాంటిక్ సాంగ్. ఇలా ఇప్పటివరకు ‘ఆపరేషన్ వాలెంటైన్’ నుండి విడుదలయిన ప్రతీ అప్డేట్ ప్రేక్షకులను ఆకట్టుకోగా.. ‘ఫైనల్ స్ట్రైక్’ అనే పేరుతో ఫిబ్రవరీ 20న ట్రైలర్ను విడుదల చేస్తున్నట్టుగా మూవీ టీమ్ ప్రకటించింది. ఇక ఈ ట్రైలర్ను విడుదల చేయడానికి టాలీవుడ్, బాలీవుడ్ స్టార్ హీరోలు ముందుకు రానున్నారు. రామ్ చరణ్, సల్మాన్ ఖాన్లతో ట్రైలర్ రిలీజ్ చేయించనున్నారు.
View this post on Instagram
ప్రమోషన్స్లో బిజీ..
తెలుగులో ‘ఆపరేషన్ వాలెంటైన్’ ట్రైలర్ను రామ్ చరణ్ విడుదల చేయగా.. హిందీలో సల్మాన్ ఖాన్ రిలీజ్ చేయడానికి ఒప్పుకున్నట్టు సమాచారం. ప్రస్తుతం ఈ సినిమాపై ప్రేక్షకుల్లో హైప్ క్రియేట్ చేయడానికి మేకర్స్ కష్టపడుతున్నారు. ఇక సల్మాన్ ఖాన్ లాంటి స్టార్ హీరోతో ట్రైలర్ను విడుదల చేయిస్తే.. బాలీవుడ్ మూవీ లవర్స్లో కూడా కాస్త ఆసక్తి పెరుగుతుందని వారు ఆశిస్తున్నారు. ఇప్పటికే ఎన్నో ఇంటర్వ్యూలలో పాల్గొంటూ ‘ఆపరేషన్ వాలెంటైన్’ ప్రమోషన్స్లో బిజీగా గడిపేస్తున్నాడు వరుణ్ తేజ్. మార్చి 1న మూవీ విడుదల కానుండగా.. ఉన్న సమయాన్ని ప్రమోషన్స్కే కేటాయించాలని ఇతర షూటింగ్స్ను కూడా పక్కన పెట్టాడు ఈ మెగా హీరో.
బాలీవుడ్లోకి ఎంట్రీ..
ఎయిర్ ఫోర్స్ ఆపరేషన్స్కు సంబంధించిన స్టోరీతో పాన్ ఇండియా రేంజ్లో ‘ఆపరేషన్ వాలెంటైన్’ తెరకెక్కింది. వైమానిక దాడులు, దేశభక్తి.. ఇవి సినిమాలో హైలెట్గా నిలుస్తాయని మూవీ టీమ్ చెప్తోంది. ఇక హిందీలో కూడా ఈ సినిమా తెరకెక్కడంతో.. వరుణ్ తేజ్ దీంతో మొదటిసారి నేరుగా బాలీవుడ్ ప్రేక్షకులను పలకరించనున్నాడు. ఈ మూవీ ద్వారా మాజీ మిస్ వరల్డ్ మానుషి చిల్లర్ హీరోయిన్గా తెలుగు ప్రేక్షకులకు పరిచయం కానుంది. మిస్ వరల్డ్గా కిరీటం దక్కించుకున్న తర్వాత బాలీవుడ్లో తనకు హీరోయిన్గా అవకాశాలు దక్కాయి. ఇక తెలుగులో మాత్రం తనకు ఇదే మొదటి సినిమా. బాలీవుడ్ డైరెక్టర్ శక్తి ప్రతాప్ సింగ్ దర్శకత్వం వహిస్తున్న ఈ సినిమాను సోనీ పిక్చర్స్ నిర్మిస్తుంది.
Also Read: బడ్జెట్ సమస్యలు, సినిమా ఆగిపోయిందంటూ వార్తలు - క్లారిటీ ఇచ్చిన వరుణ్ తేజ్
Before You Go
Varshini Gowda Biography & Remuneration | వర్షిణి గౌడ రెమ్యూనరేషన్ ఎంతో తెలుసా?
టాప్ హెడ్ లైన్స్
ట్రెండింగ్ వార్తలు
