Varun Tej: బడ్జెట్ సమస్యలు, సినిమా ఆగిపోయిందంటూ వార్తలు - క్లారిటీ ఇచ్చిన వరుణ్ తేజ్

Varun Tej: మెగా హీరో వరుణ్ తేజ్ ‘ఆపరేషన్ వాలెంటైన్’, ‘మట్కా’లాంటి రెండు వేర్వేరు జోనర్ సినిమాలతో ప్రేక్షకుల ముందుకు రావడానికి సిద్ధమవుతున్నాడు. ఇంతలోనే ‘మట్కా’ మూవీ ఆగిపోయిందంటూ రూమర్స్ వస్తున్నాయి.

Image Credit: Varun Tej/Instagram

Varun Tej about Matka Movie: మెగా హీరో వరుణ్ తేజ్.. ప్రయోగాల వల్ల ఎక్కువగా ఫ్లాప్స్ ఎదుర్కున్నా కూడా కొత్త కథలను ఎంచుకోవడం మాత్రం ఆపలేదు. అప్పుడప్పుడు కమర్షియల్ సినిమాల్లో నటిస్తూనే.. ప్రయోగాత్మక చిత్రాలకు కూడా గ్రీన్ సిగ్నల్ ఇస్తుంటాడు వరుణ్. అలా త్వరలోనే ‘ఆపరేషన్ వాలెంటైన్’ అనే డిఫరెంట్ కాన్సెప్ట్ మూవీతో ప్రేక్షకులను పలకరించడానికి సిద్దమవుతున్నాడు. ఇంతలోనే తన అప్‌కమింగ్ మూవీ ‘మట్కా’పై పలు రూమర్స్ వైరల్ అవ్వడం మొదలయ్యింది. బడ్జెట్ సమస్యల వల్ల ‘మట్కా’ ఆగిపోయిందని టాలీవుడ్‌లో గుసగుసలు వినిపిస్తున్నాయి. ‘ఆపరేషన్ వాలెంటైన్’ ప్రమోషన్స్‌లో ఈ రూమర్స్‌పై క్లారిటీ ఇచ్చాడు వరుణ్ తేజ్.

రెండు ప్రొడక్షన్ హౌజ్‌లు..

‘పలాస’ ఫేమ్ కరుణ్ కుమార్‌తో వరుణ్ తేజ్ చేస్తున్న చిత్రమే ‘మట్కా’. పీరియాడిక్ థ్రిల్లర్‌గా ఈ మూవీ తెరకెక్కనుంది. ఇప్పటికే ఈ సినిమాకు సంబంధించిన గ్లింప్స్ కూడా విడుదలయ్యింది. అయితే ఇలాంటి పీరియాడిక్ చిత్రాలు తెరకెక్కించాలంటే మామూలు సినిమాలకంటే ఎక్కువగా బడ్జెట్ కావాలి. ఇప్పుడు ‘మట్కా’కు బడ్జెట్ సమస్యలు వచ్చాయని టాలీవుడ్‌లో రూమర్స్ మొదలయ్యాయి. ప్రొడక్షన్ హౌజ్‌లో మార్పులు రావడమే ఈ రూమర్స్‌కు కారణం. ప్రస్తుతం ఈ సినిమాను వైరా ప్రొడక్షన్ హౌజ్ నిర్మిస్తోంది. ఇప్పుడు కొత్తగా రామ్ తాల్లూరికి ఎస్ఆర్టీ ఎంటర్‌టైన్మెంట్ కూడా ఈ మూవీ ప్రొడక్షన్‌లో జాయిన్ అయ్యింది. కొత్తగా ప్రొడక్షన్ హౌజ్ ఎందుకు యాడ్ అయ్యింది? నిజంగానే ‘మట్కా’కు బడ్జెట్ సమస్యలు ఉన్నాయా అని ఇండస్ట్రీలో అనుమానాలు బలపడ్డాయి. తాజాగా వాటన్నింటికీ క్లారిటీ ఇచ్చాడు వరుణ్ తేజ్.

నాకు బాగా క్లోజ్..

‘‘మట్కాకు ఇప్పటికే 35 రోజులు షూటింగ్ చేశాము. రామ్ తాల్లూరి నాకు బాగా క్లోజ్ అవ్వడంతో ఆయన ఈ సినిమాకు ప్రొడక్షన్ పార్ట్‌నర్‌లాగా జాయిన్ అయ్యారు. ఆపరేషన్ వాలెంటైన్ ప్రమోషన్స్ పూర్తి అవ్వగానే మళ్లీ మట్కా షూటింగ్‌ మొదలుపెడతాను. ఈ సినిమా ఎక్కువ బడ్జెట్ అవ్వలేదు, ఆగిపోలేదు’’ అని స్పష్టం చేశాడు వరుణ్ తేజ్. ఇప్పటికే విడుదలయిన ‘మట్కా’ గ్లింప్స్ ప్రేక్షకులను విపరీతంగా ఆకట్టుకుంది. ఈ మూవీలో బ్రిటిష్‌ కోసం పనిచేసే ప్రభుత్వ ఆఫీసర్‌గా వరుణ్ కనిపించనున్నాడని గ్లింప్స్‌లోనే రివీల్ చేశారు మేకర్స్. 2024 చివరిలోపు ‘మట్కా’ ప్రేక్షకుల ముందుకు వచ్చే అవకాశాలు కనిపిస్తున్నాయి.

 

 

 

 

 

View this post on Instagram

 

 

 

 

 

 

 

 

 

 

 

A post shared by Varun Tej Konidela (@varunkonidela7)

ఎన్నో కారణాలు..

‘ఆపరేషన్ వాలెంటైన్’ విషయానికొస్తే.. ఈ సినిమా ఇప్పటికే రెండుసార్లు విడుదల తేదీని వాయిదా వేసుకుంది. జనవరిలో ఒకసారి, ఫిబ్రవరీలో ఒకసారి విడుదల తేదీలను అనౌన్స్ చేసిన తర్వాత పోస్ట్‌పోన్ చేస్తున్నట్టుగా మూవీ టీమ్ ప్రకటించింది. పోస్ట్ ప్రొడక్షన్ పనులు పెండింగ్ ఉన్నాయని, విజువల్, సౌండ్ ఎఫెక్ట్స్ వల్ల లేట్ అవుతుందని.. ఇలా ప్రతీసారి ఏదో ఒక కారణం చెప్తూ వచ్చింది. ఫైనల్‌గా మార్చి 1న ఈ మూవీ థియేటర్లలో సందడి చేయడానికి సిద్ధమయ్యింది. ఇందులో ఒక ఎయిర్ ఫోర్స్ ఆఫీసర్‌గా వరుణ్ కనిపించనున్నాడు. మాజీ మిస్ వరల్డ్ మానుషీ చిల్లర్.. ఈ మూవీతో హీరోయిన్‌గా టాలీవుడ్‌లోకి ఎంట్రీ ఇవ్వనుంది.