Vijay Devarakonda: ఫ్యాన్‌ను కలుస్తానని మాటిచ్చిన హీరో - ఇంత ఈజీగా కలవచ్చా అంటూ నెటిజన్ల విమర్శలు

Vijay Devarakonda: రౌడీ హీరో విజయ్ దేవరకొండను ఒక్కసారి అయినా కలవాలని ఫ్యాన్స్ అనుకుంటూ ఉంటారు. కానీ ఒక ఫ్యాన్ మాత్రం ఈజీగా ఆ అవకాశాన్ని కొట్టేయడంతో నెటిజన్లు విమర్శిస్తున్నారు.

Image Credit: Vijay Devarakonda/Instagram

Vijay Devarakonda: ఒకప్పుడు సినీ సెలబ్రిటీలను కలవడం చాలా పెద్ద విషయంగా ఉండేది. కానీ సోషల్ మీడియా ఈ విషయాన్ని కూడా సులువుగా మార్చేసింది. సినీ సెలబ్రిటీలను కలవాలంటే సోషల్ మీడియాలో వారిని ట్యాగ్ చేస్తే చాలు అన్నట్టుగా అయిపోయింది పరిస్థితి. తాజాగా యంగ్ హీరో విజయ్ దేవరకొండను కలవడానికి తన ఫ్యాన్ మాస్టర్ ప్లాన్ వేసింది. ఆ ప్లాన్ వర్కవుట్ అయ్యి.. విజయ్ దేవరకొండ తనను కలుస్తానని కూడా చెప్పాడు. ఇది చూసి నెటిజన్లు ఆశ్చర్యపోతున్నారు. ఈ ప్లాన్ తమ ఫేవరెట్ నటీనటులపై కూడా ట్రై చేస్తే వర్కవుట్ అవుతుందేమో అని చర్చలు మొదలుపెట్టారు.

కామెంట్ చేస్తేనే..

హర్షిత రెడ్డి అనే అమ్మాయి.. తాజాగా తన ఇన్‌స్టాగ్రామ్‌లో ఒక వీడియోను అప్లోడ్ చేసింది. ‘ఈ వీడియోకు విజయ్ దేవరకొండ కామెంట్ చేస్తే మేము ఎగ్జామ్‌కు ప్రిపేర్ అవ్వడం మొదలుపెడతాం’ అని ఆ వీడియోలో ఉంది. ఇది చాలా సిల్లీగా ఉందని, అలా ఎలా విజయ్ దేవరకొండ కామెంట్ చేస్తాడులే అని చాలామంది ఈ వీడియోను పెద్దగా పట్టించుకోలేదు. కానీ నిజంగానే ఈ వీడియోకు రౌడీ హీరో కామెంట్ చేశాడు. ‘ఎగ్జామ్స్‌లో 90 శాతం తెచ్చుకో నిన్ను కలుస్తాను’ అని మాటిచ్చాడు కూడా. ఇది చూసి నెటిజన్లు అంతా ఆశ్చర్యపోయారు. అంత ఈజీగా కలవచ్చా అని కామెంట్స్ పెట్టడం మొదలుపెట్టారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Harshitha reddy (@harshithaareddy__)

లేడీ ఫ్యాన్స్ మాత్రమే..

విజయ్ దేవరకొండకు తన ఫ్యాన్స్‌ను కలుస్తూ ఉండడం, వారితో ఇంటరాక్ట్ అవ్వడం అలవాటే. తన మునుపటి సినిమాల ప్రమోషన్స్ కోసం కూడా ఫ్యాన్స్ మధ్య పోటీ పెట్టి విన్ అయిన వారిని కలవడం లాంటివి చేశాడు ఈ యంగ్ హీరో. ఇప్పుడు ఇంత సులువుగా ఫ్యాన్స్‌ను కలుస్తానని చెప్పి మరోసారి సోషల్ మీడియాలో హాట్ టాపిక్‌గా మారాడు. తాను హీరోగా నటించిన ‘లైగర్’ మూవీ ప్రమోషన్స్ సమయంలో కూడా ఇలాగే ఒక లేడీ ఫ్యాన్‌ను కలిశాడు విజయ్. ఆ విషయాన్ని గుర్తుచేసుకుంటూ విజయ్ దేవరకొండ కేవలం లేడీ ఫ్యాన్స్‌నే కలుస్తాడా అని కూడా కొందరు ప్రేక్షకులు విమర్శిస్తున్నారు. మరికొందరు మాత్రం హర్షితా రెడ్డి సూపర్ ప్లాన్ వేసిందని కామెంట్స్ చేస్తున్నారు.

‘ఫ్యామిలీ స్టార్’తో బిజీ..

ప్రస్తుతం రౌడీ హీరో విజయ్ దేవరకొండ ఫ్యామిలీ స్టార్‌గా మారాడు. పరశురామ్ దర్శకత్వంలో ‘ఫ్యామిలీ స్టార్’ అనే సినిమా షూటింగ్‌లో బిజీగా ఉన్నాడు. ఇప్పటికే వీరిద్దరి కాంబినేషన్‌లో ‘గీతా గోవిందం’ లాంటి ఫ్యామిలీ ఎంటర్‌టైనర్ వచ్చి బ్లాక్‌బస్టర్ హిట్‌ను అందుకుంది. ఇక ‘ఫ్యామిలీ స్టార్’ కూడా అలాంటి ఫ్యామిలీ ఎంటర్‌టైనరే అని ప్రేక్షకులు భావిస్తున్నారు. ఇందులో విజయ్ దేవరకొండకు జోడీగా మృణాల్ ఠాకూర్ నటించింది. విజయ్, మృణాల్ పెయిర్ చాలా బాగుందని చాలామంది ఆడియన్స్ ప్రశంసిస్తున్నారు. ఏప్రిల్ 5న ‘ఫ్యామిలీ స్టార్’ విడుదలకు సిద్ధమవ్వగా ఇటీవల దీని నుండి ‘నంద నందనా’ అనే పాటను విడుదల చేశారు మేకర్స్. సిడ్ శ్రీరామ్ పాడిన ఈ పాట ఇప్పటికే చాలామంది మ్యూజిక్ లవర్స్‌ను ఆకట్టుకుంది.