Rashmika Mandanna: అలా చేస్తూపోతే భవిష్యత్‌లో నాకు బ్యాక్ పెయిన్ గ్యారెంటీ: రష్మిక మందన్న

టాలీవుడ్ టాప్ హీరోయిన్ లలో రష్మిక మందన్న ఒకరు. తెలుగులో ‘ఛలో’ సినిమాతో ఇండస్ట్రీలో అడుగుపెట్టిన ఈ బ్యూటీ అనతికాలంలోనే హీరోయిన్ గా మంచి గుర్తింపు తెచ్చకుంది. వరుస హిట్ సినిమాలలో నటిస్తూ స్టార్ హీరోయిన్ గా ఎదిగింది. ఇక అల్లు అర్జున్ సుకుమార్ కాంబో లో వచ్చిన ‘పుష్ప’ సినిమాలో నటించి నేషనల్ క్రష్ గా మారిపోయింది. ఆ సినిమాలోని పాటలు దేశవ్యాప్తంగా మారుమోగిపోయాయి. ముఖ్యంగా ‘సామి సామి’ పాట అందరితో స్టెప్పులు వేయించింది. ఈ పాటలో రష్మిక డాన్స్ కు ఫ్యాన్స్ ఫిదా అయిపోయారు. అందుకే రష్మిక ఎక్కడికి వెళ్లినా ‘సామి సామి’ పాటకు డాన్స్ వేయాలంటూ కోరేవారు. ఆమె కూడా కాదనకుండా స్టెప్పులు వేసేది. అయితే ఇటీవల రష్మిక ఆన్ లైన్ లో తన అభిమానులతో ముచ్చటించింది. ఈ సందర్బంగా ‘సామి సామి’ పాట గురించి ఓ అభిమాని అడిగిన ప్రశ్నకు అదిరిపోయే రిప్లైలతో ఆకట్టుకుంది. 

రష్మిక ఇటు సినిమాలతో పాటు అటు సోషల్ మీడియాలోనూ యాక్టీవ్ గా ఉంటుంది. ఎప్పటికప్పుడు సోషల్ మీడియాలో తన లేటెస్ట్ ఫోటోలు అప్లోడ్ చేయడమే కాకుండా అప్పుడప్పుడు తన అభిమానులతో లైవ్ లో మాట్లాడుతుంది. వారు అడిగిన ప్రశ్నలకు సమాధాలిస్తుంది. ఈ క్రమంలోనే ఇటీవల రష్మిక తన ఫ్యాన్స్ తో ఆన్ లైన్ లో ముచ్చటించింది. వారు అడిగిన ప్రశ్నలకు సమాధానాలు చెప్పింది. ఈ సందర్భంగా ఓ అభిమాను ‘‘పుష్ప.. సినిమాలో ‘సామి సామి’ సాంగ్ కు మీతో కలసి డాన్స్ చేయాలనుంది’ అని అడిగితే ఆ ప్రశ్నకు రష్మిక తన స్టైల్ లో సమాధానమిచ్చింది. ‘సామి సామి’ పాటకు ఇక తాను డాన్స్ చేయనని బదులిచ్చింది. ఇప్పటికే ఈ పాటకు చాలా సార్లు డాన్స్ చేశానని, ఇలాగే చేస్తూపోతే తనకు వయసు పెరిగిన తర్వాత బ్యాక్ పెయిన్ రావడం ఖాయమని అంది. అయినా కలిసిన ప్రతీసారి ఇదే ఎందుకు అడుగుతారు, ఈసారి కొత్తగా చేద్దామని చెప్పింది. 

ఈ చిట్ చాట్ లో ఫ్యాన్స్ అడిగిన మరికొన్ని ప్రశ్నలకు సమాధానం చెప్పింది రష్మిక. ‘మీ ఫేవరేట్ సౌత్ ఇండియన్ డిష్ ఏది’ అని అడిగితే రైస్ తో పాటు సాంబార్, పప్పు పెరుగు ఏదైనా ఇష్టమే అని, కానీ రైస్ మాత్రం తప్పనిసరి అనిచ చెప్పుకొచ్చింది. అలాగే ‘వారిసు’ సినిమా షూటింగ్ సమయం గురించి అడిగిన ప్రశ్నలకు సమాధానాలు ఇచ్చింది. ఇక నెగిటివ్ కామెంట్లను ఎలా ఎదుర్కోవాలో మాట్లాడుతూ.. అపరిమితంగా ప్రేమ కురిపిస్తే నెగిటివిటీ మొత్తం పాజిటివ్ అయిపోతుందని చెప్పింది. ఇలా తన ఫ్యాన్స్ తో కాసేపు మచ్చటిస్తూ ఎంటర్టైన్ చేసింది. ఇక రష్మిక సినిమాల విషయానికొస్తే.. ఆమె ప్రస్తుతం ‘పుష్ప 2’ సినిమాలో నటిస్తోంది. ఇప్పటికే ఈ మూవీ షూటింగ్ మొదలైంది. ఈ మూవీ తో పాటు ‘అర్జున్ రెడ్డి’ సినిమా ఫేమ్ సందీప్ వంగ దర్శకత్వం వహిస్తోన్న ‘యానిమల్’స సినిమాలో నటిస్తోంది. ఈ మూవీలో రణ్ బీర్ కపూర్ హీరోగా నటిస్తున్నారు.

Read Also: ఇండస్ట్రీలో నానికి పోటీనిచ్చే హీరో లేడట! ‘దసరా’ బాగా తీయలేదంటూ నేచురల్ స్టార్ వ్యాఖ్యలు