Rana Daggubati: తెలుగులో రిలీజ్ కాని రానా దగ్గుబాటి మూవీ... సమంత నటించిన ఆ ఫ్లాప్ సినిమా పేరేంటో తెలుసా?

Rana Daggubati: రానా దగ్గుబాటి ఓ సినిమాను చేయకుండా ఉండాల్సిందని ఫీల్ అయిన మూవీ ఇప్పటిదాకా తెలుగులో విడుదల కాలేదు. ఇందులో సమంత కూడా నటించింది. ఆ మూవీ పేరు ఏంటంటే ?

రానా దగ్గుబాటి

Source : ABPLIVE AI

నటీనటులకు ప్రతిసారి సక్సెస్ ఫుల్ స్క్రిప్ట్ పట్టడం అంటే కష్టమే. కొన్నిసార్లు బ్లాక్ బస్టర్ అనుకున్న సినిమాలు బాక్స్ ఆఫీస్ వద్ద బోల్తా పడతాయి. మరికొన్నిసార్లు అసలు ఆడుతుందా అనే అనుమానం ఉన్న సినిమాలు సూపర్ హిట్ టాక్ తో దూసుకెళ్తాయి. కొన్నిసార్లు మాత్రమే స్టార్స్ అనుకున్న విధంగా సినిమాలు ఆడతాయి. ఇలా జరగడానికి రకరకాల కారణాలు ఉంటాయి. అయితే కొన్నిసార్లు మాత్రం హీరోలు తాము చేసిన సినిమాల గురించి రిగ్రెట్ ఫీల్ అవుతారు. అలా టాలీవుడ్ హల్క్ రానా దగ్గుబాటి ఫీలైన మూవీ ఏంటో తెలుసా? 

డిజాస్టర్ మూవీపై రానా కామెంట్స్ 
రానా దగ్గుబాటి 'బాహుబలి' మూవీతో పాన్ ఇండియా స్టార్ డం దక్కించుకున్న సంగతి తెలిసిందే. అయితే ఆ తర్వాత రానా సినిమాల జోరును తగ్గించారు. మరోవైపు నిర్మాతగా మారి కంటెంట్ బేస్డ్ సినిమాలను తెలుగు ప్రేక్షకులకు అందిస్తున్నారు. 'బాహుబలి' కంటే ముందే రంఆ చేసిన మూవీ 'బెంగళూరు డేస్'. విడుదలైన దశాబ్దం తర్వాత కూడా మలయాళ మూవీ 'బెంగళూరు డేస్' ఓ క్లాసిక్ మూవీగా సినిమా చరిత్రలో మిగిలిపోయింది. 2014లో రిలీజ్ అయిన ఈ సినిమాలో దుల్కర్ సల్మాన్, నివిన్ పౌలీ, ఫహద్ ఫాజిల్, నజ్రియా నజీమ్, పార్వతి తిరువోతు వంటి స్టార్స్ నటించారు. ఈ సినిమాను తమిళంలో 'బెంగుళూరు నాట్కల్' పేరుతో రీమేక్ చేశారు. కానీ రీమేక్ మాత్రం డిజాస్టర్ గా నిలిచింది. రీమేక్ మూవీలో ఆర్య, బాబి సింహ, శ్రీదివ్య, ప్రకాష్ రాజ్ వంటి స్టార్స్ నటించారు.

2020లో ఇచ్చిన ఓ ఇంటర్వ్యూలో రానా దగ్గుబాటి ఈ సినిమాను రీమేక్ చేయాలనే నిర్ణయం గురించి ఇంట్రెస్టింగ్ కామెంట్స్ చేశారు. అది కరెక్ట్ కాదనే విషయాన్ని కూడా ఆయన అంగీకరించారు. రానా మాట్లాడుతూ "బెంగళూరు డేస్ తమిళ్ రీమేక్‌లో నేను కూడా భాగమయ్యాను. కానీ ఈ సినిమా బాక్స్ ఆఫీస్ వద్ద ఘోరంగా పరాజయం పాలైంది. అప్పుడు ఇంత అందమైన సినిమాను రీమేక్ చేయకుండా ఉంటే బాగుండు అనిపించింది" అని అన్నారు రానా. అయితే ఈ రీమేక్ లో భాగం కావడానికి తనకు ఫహద్ ఫాజిల్ పోషించిన పాత్రను చేయాలనే ఆసక్తే కారణమని ఆయన చెప్పుకొచ్చారు. మొత్తానికి 'బెంగళూరు డేస్' రీమేక్ స్టోరీ బాగానే ఉన్నప్పటికీ, తమిళ ప్రేక్షకులను ఏమాత్రం ఆకట్టుకోలేకపోయింది. ఇక ఈ మూవీ తెలుగు డబ్బింగ్ వెర్షన్ రిలీజ్ కావలసి ఉన్నా, ఇప్పటిదాకా విడుదల కాలేదు. 

ఏ ఓటీటీలో ఉందంటే ? 
ఒరిజినల్ వెర్షన్ 'బెంగుళూరు డేస్' ఇంటెన్స్ ఎమోషన్స్, స్ట్రాంగ్ ఫ్రెండ్షిప్ వంటి అంశాల కారణంగా ప్రేక్షకులపై మంచి ఎఫెక్ట్ చూపించింది. బొమ్మరిల్లు భాస్కర్ దర్శకత్వం వహించిన తమిళ వెర్షన్ డిజాస్టర్ అయ్యింది. ఆ తర్వాత ఆయనకు అవకాశాలే లేకుండా పోయాయి. అక్కినేని అఖిల్ - పూజా హెగ్డేతో 'మోస్ట్ ఎలిజిబుల్ బ్యాచిలర్' మూవీతో ఆయనకు హిట్ ట్రాక్ ఎక్కడానికి ఐదేళ్లు పట్టింది. ఇక మలయాళ చిత్రం 'బెంగళూరు డేస్' ప్రస్తుతం డిస్నీ ప్లస్ హాట్ స్టార్ లో స్ట్రీమింగ్ అవుతుంది.