Jr NTR Donation: ఏపీ, తెలంగాణకు ఎన్టీఆర్ కోటి విరాళం... వర్షాలు, వరద విపత్తు సహాయక చర్యల కోసం
Andhra Pradesh Floods: మ్యాన్ ఆఫ్ మాసెస్ ఎన్టీఆర్ మరోసారి తన మంచి మనసు చాటుకున్నారు. రెండు తెలుగు రాష్ట్రాల్లో కురిసిన భారీ వర్షాలు, వరద విపత్తు సహాయక చర్యల కోసం భారీ విరాళం ప్రకటించారు
ఏపీ, తెలంగాణ... రెండు తెలుగు రాష్ట్రాల్లో భారీ వర్షాలు కురుస్తున్నాయి. అందువల్ల, నదుల్లో నీటి ప్రవాహం పెరిగింది. వరదలతో ప్రజలు ఇబ్బందులు పడుతున్నారు. ఈ వర్షాలకు కొన్ని ప్రాంతాలు జలమయం అయ్యాయి. రెండు తెలుగు ప్రభుత్వాలు పెద్ద ఎత్తున సహాయక చర్యలు చేపట్టాయి. వాళ్ల సహాయార్థం మ్యాన్ ఆఫ్ మాసెస్ ఎన్టీఆర్ భారీ విరాళం ప్రకటించారు.
ఏపీ, తెలంగాణకు ఎన్టీఆర్ కోటి విరాళం
ప్రకృతి విపత్తులు వచ్చినప్పుడు, అభిమానులు ఆపదలో ఉన్నప్పుడు సాయం చేయడానికి ఎన్టీఆర్ ఎప్పుడూ ముందుంటారు. కరోనా సమయంలో, అంతకు ముందు హుద్ హుద్ వచ్చినప్పుడు భారీ మొత్తాన్ని ఇచ్చారు. ఇప్పుడు రెండు తెలుగు రాష్ట్రాల్లో సహాయక చర్యల కోసం కోటి రూపాయలు విరాళం ఇస్తున్నట్లు వెల్లడించారు.
''రెండు తెలుగు రాష్ట్రాల్లో (ఏపీ, తెలంగాణ) ఇటీవల కురిసిన భారీ వర్షాల వల్ల జరుగుతున్న వరద బీభత్సం నన్ను ఎంత గానో కలచి వేసింది. అతి త్వరగా ఈ విపత్తు నుండి తెలుగు ప్రజలు కోలుకోవాలని ఆ భగవంతుడిని నేను ప్రార్థిస్తున్నా. వరద విపత్తు నుండి ఉపశమనం కోసం రెండు తెలుగు రాష్ట్రాల ప్రభుత్వాలు తీసుకునే చర్యలకు సహాయ పడాలని నా వంతుగా ఆంధ్రప్రదేశ్ ముఖ్యమంత్రి సహాయనిధికి రూ. 50 లక్షలు, తెలంగాణ ప్రభుత్వ ముఖ్యమంత్రి సహాయ నిధికి మరొక రూ. 50 లక్షలు విరాళంగా ప్రకటిస్తున్నా'' అని ఎన్టీఆర్ ట్వీట్ చేశారు. మొత్తం మీద ఎన్టీఆర్ కోటి రూపాయల విరాళం ప్రకటించారు.
రెండు తెలుగు రాష్ట్రాల్లో ఇటీవల కురిసిన భారీ వర్షాల వల్ల జరుతున్న వరద భీభత్సం నన్ను ఎంతగానో కలచివేసింది. అతిత్వరగా ఈ విపత్తు నుండి తెలుగు ప్రజలు కోలుకోవాలని నేను ఆ దేవుడిని ప్రార్థిస్తున్నాను.
— Jr NTR (@tarak9999) September 3, 2024
వరద విపత్తు నుండి ఉపశమనం కోసం రెండు తెలుగు రాష్ట్రాల ప్రభుత్వాలు తీసుకొనే చర్యలకి…
Also Read: నాలుగు వారాలకే ఓటీటీలోకి 'సరిపోదా శనివారం' - నెట్‌ఫ్లిక్స్‌లో స్ట్రీమింగ్ అయ్యేది ఆ రోజే?
పది లక్షలు విరాళం ఇచ్చిన యువ హీరో విశ్వక్ సేన్!
యువ కథానాయకుడు, ఎన్టీఆర్ వీరాభిమాని విశ్వక్ సేన్ సైతం ఏపీలో వరద విపత్తు సహాయక చర్యల కోసం ఐదు లక్షలు విరాళం ఇస్తున్నట్టు సోషల్ మీడియాలో ట్వీట్ చేశారు. ఏపీకి ఐదు లక్షలతో పాటు తెలంగాణకు మరొక ఐదు లక్షల విరాళం ప్రకటించారు. మొత్తం మీద ఆయన పది లక్షలు ఇచ్చారు. ప్రముఖ నిర్మాత అశ్వనీదత్ కు చెందిన వైజయంతి మూవీస్ రూ. 25 లక్షలు విరాళం ప్రకటించిన సంగతి తెలిసిందే.
In these devastating times of calamity, I am pledging a donation of ₹5 lakhs to the Andhra Pradesh CM Relief Fund to support the flood relief efforts in the state. This contribution is a small step towards alleviating the suffering of those affected by the floods.…
— VishwakSen (@VishwakSenActor) September 3, 2024
టాప్ హెడ్ లైన్స్
ట్రెండింగ్ వార్తలు
