Deepika Padukone: కుమార్తె ఫోటో రివీల్ - అప్ సెట్ అయిన దీపికా పదుకోన్... ఆ ఫ్యాన్పై తీవ్ర ఆగ్రహం
Deepika Padukone: బాలీవుడ్ హీరోయిన్ దీపికా పదుకోన్ ఓ అభిమానిపై తీవ్ర ఆగ్రహం వ్యక్తం చేశారు. తన అనుమతి లేకుండా తన కుమార్తెను ఫోటోలు తీయడంపై మందలించారు.
Deepika Padukone Gets Angry On Fan Who Secretly Filming Her Daughter Dua: సెలబ్రిటీలకు ఉండే ఫాలోయింగ్ మామూలుగా ఉండదు. వారు బయట కనిపిస్తే చాలు సెల్ఫీలు అంటూ ఫ్యాన్స్ ఎగబడి పోతుంటారు. కొందరు వద్దని వారించినా వినకుండా ఫోటోలు దిగుతుంటారు. ఏదైనా షూటింగ్ నిమిత్తం ఎయిర్ పోర్ట్ దగ్గరకు వెళ్లినా ఫోటోగ్రాఫర్లు వెయిట్ చేసి మరీ ఫోటోలు తీస్తుంటారు. కొందరైతే వారి ప్రైవసీకి భంగం కలిగించేలా వ్యవహరిస్తుంటారు. బాలీవుడ్ హీరోయిన్ దీపికా పదుకోన్కు తాజాగా అలాంటి అనుభవమే ఎదురైంది.
సీక్రెట్గా ఫోటోలు... దీపికా ఆగ్రహం
ముంబై అంతర్జాతీయ విమానాశ్రయంలో దీపికా పదుకోన్ తన కుమార్తె దువాతో కలిసి కనిపించారు. ఇది గమనించిన ఓ అభిమాని వారిని ఫాలో అయ్యి సీక్రెట్గా ఫోటోలు తీశాడు. దీన్ని చూసిన దీపిక సదరు అభిమానిపై తీవ్ర ఆగ్రహం వ్యక్తం చేశారు. ఇలా చేయడం తప్పని మందలిస్తూనే... ఆ వీడియో, పోటోలు డిలీట్ చేయాలని కోరారు. అయినా వినకుండా ఆ వ్యక్తి ఈ వీడియోను నెట్టింట పోస్టే చేయగా వైరల్ అవుతోంది. దీంతో దీపికా తన కుమార్తె ఫోటో రివీల్ కావడంపై తీవ్ర ఆవేదనకు గురయ్యారు.
దీపికా, రణవీర్లు 2018లో వివాహం చేసుకున్నారు. వీరికి గతేడాది సెప్టెంబర్ 8న కుమార్తె జన్మించింది. ఆ చిన్నారికి దువా అని పేరు పెట్టారు. అప్పటి నుంచి ఈ కపుల్ చిన్నారి ఫేస్ రివీల్ కాకుండా చాలా జాగ్రత్తలు తీసుకున్నారు. ఇప్పటివరకూ చిన్నారి ముఖాన్ని ఎక్కడా చూపించలేదు. వారి విజ్ఞప్తి మేరకు ఫోటోగ్రాఫర్లు, వీడియోగ్రాఫర్లు కూడా దువా ఫోటోలను ఎక్కడా తీయలేదు. అయితే, తాజాగా చిన్నారి దువా ఫేస్ ఆన్ లైన్లో ప్రత్యక్షం కావడంతో దీపికా ఆగ్రహం వ్యక్తం చేసినట్లు తెలుస్తోంది.
Also Read: పవన్ కళ్యాణ్ 'ఓజీ'లో రెండో పాట రెడీ... 'ఫైర్ స్ట్రోమ్' రేంజ్లో ఉంటుందా? రిలీజ్ ఎప్పుడంటే?
నెటిజన్ల ఆగ్రహం
చిన్నారి దువాతో దీపికా పదుకోన్ ఫోటోలు వీడియోలు సోషల్ మీడియాలో షేర్ చేయడంతో ఫ్యాన్స్ తీవ్ర ఆగ్రహం వ్యక్తం చేస్తున్నారు. సెలబ్రిటీలకు ప్రైవసీ ఉంటుందని... పేరెంట్స్ అనుమతి లేకుండా దువా ఫోటో రివీల్ చేయడం కరెక్ట్ కాదని కామెంట్స్ చేస్తున్నారు. దీపికా వద్దని చెప్పినా వినకుండా ఫోటో షేర్ చేయడాన్ని తప్పుబట్టారు. ఆ వీడియో, ఫోటోలు వెంటనే డిలీట్ చేయాలని తెలిపారు. కాగా... ఇటీవలే బాలీవుడ్ హీరోయిన్ ఆలియా భట్ సైతం ఫోటోగ్రాఫర్లపై తీవ్ర ఆగ్రహం వ్యక్తం చేశారు. తన ఇంటి ఆవరణలోకి వచ్చిన ఫోటోగ్రాఫర్లపై అసహనం వ్యక్తం చేసిన ఆమె... 'ఇదేం మీ ఇల్లు కాదు. దయచేసి బయటకు వెళ్లండి.' అంటూ ఫైర్ అయ్యారు. ఈ వీడియో వైరల్గా మారింది.
baby dua is the cutest omggg 😭😭😭🤍🤍🤍🤍 i won't share the vid, dp is clearly bothered by whoever filmed it. it their choice to protect their daughter's privacy until they feel like sharing it with us.
— srkdp (@srkdeepikaholic) August 23, 2025
BUT BABYGIRL IS JUST TOO ADORABLE 🥹🫶🏼 bless her 🤍
DELETE THE VIDEO, STOP SHARING AND SPREADING IT. It’s a breach of privacy, Deepika was asking the person to stop recording. They didn’t consent to Dua being clicked or recorded.
— nikita💫 (@nikita1372) August 23, 2025
ఇక సినిమాల విషయానికొస్తే... అల్లు అర్జున్ డైరెక్టర్ అట్లీ కాంబోలో వస్తోన్న పాన్ వరల్డ్ రేంజ్ మూవీలో దీపికా పదుకోన్ నటించనున్నారు. ఈ మూవీలో ఆమె వారియర్ ప్రిన్సెస్ రోల్ చేస్తున్నట్లు తెలుస్తోంది.
టాప్ హెడ్ లైన్స్
ట్రెండింగ్ వార్తలు
