Ashu Reddy Surprise Gift : అమ్మకు అషూరెడ్డి సర్ ప్రైజ్, అదిరిపోయే బర్త్ డే గిఫ్ట్ ఇచ్చిన బిగ్ బాస్ బ్యూటీ

అషూరెడ్డి, సోషల్ మీడియాలో ఈమె చేసే రచ్చ మామూలుగా ఉండదు. టిక్ టాక్ ద్వారా పాగా పాపులర్ అయ్యింది ఈ బ్యూటీ. పలు షార్ట్ ఫిలిమ్స్ తో పాటు, ప్రైవేట్ ఆల్బమ్స్ లోనూ నటించింది. సోషల్ మీడియా ద్వారా గుర్తింపు తెచ్చుకున్న అమ్మడు, బిగ్ బాస్ హౌస్ లోకి అడుగు పెట్టి ఓ రేంజిలో పాపులారిటీ సంపాదించుకుంది. హౌస్ నుంచి బయటకు వచ్చాక, ఈమె క్రేజ్ ఇంకాస్తా పెరిగింది. వరుసగా టీవీ షోలలో అవకాశాలు దక్కించుకోవడంతో పాటు ఆర్జీవీతో ఇంటర్వ్యూలు చేసింది. ఫోటోలు, వీడియోలతో నెట్టింట్లో హల్ చల్ చేసింది. ప్రస్తుతం తెలుగునాట ఈమె పాపులర్ ఫిగర్ గా మారిపోయింది.

తల్లికి అదిరిపోయే బర్త్ డే గిఫ్ట్ ఇచ్చిన అషూరెడ్డి

తాజాగా ఈ ముద్దుగుమ్మ తన తల్లి బర్త్ డే సందర్భంగా, అదిరిపోయే గిఫ్ట్ అందించింది. సరికొత్త సుజూకీ కారును పుట్టిన రోజు కానుకగా అమ్మకు అందించింది. కూతురు గిఫ్ట్ చూసి తల్లి అనందంలో మునిగితేలింది. ముందుగా తన తల్లి కోసం మూడు ఆప్షన్స్ పేపర్స్ మీద రాసింది. అందులో ఒకటి కొత్తకారు కాగా, మరొకటి జ్వెల్లరీ, ఇంకోటి నో గిఫ్ట్స్. వాళ్ల మమ్మీకి ఈ మూడింటిలో ఒకటి సెలెక్ట్ చేసుకోవాలని చెప్పింది. ఈ మూడు ఆప్షన్స్ లో ఆమె కొత్త కారును సెలెక్ట్ చేసుకుంది. వెంటనే తన కోసం కొత్త సుజుకీ కారును తీసుకొచ్చింది. ఇంట్లో నుంచి తన తల్లి కళ్లు మూసి బయటకు తీసుకొచ్చి కారును చూపించింది. బిడ్డ ఇచ్చిన గిఫ్ట్ చూసి ఆమె తల్లి ఆనందంలో మునిగి తేలింది. అషూను హగ్ చేసుకుని తన సంతోషాన్ని వెల్లడించింది. సోషల్ మీడియాలో నెటిజన్లు అషూరెడ్డిని అభినందిస్తున్నారు. తన తల్లికి చక్కటి గిఫ్ట్ ఇచ్చిందని కొనియాడుతున్నారు. మరోవైపు ఆమె తల్లికి బర్త్ డే శుభాకాంక్షలు చెప్తున్నారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Ashu Reddy (@ashu_uuu)

అషూకు లగ్జరీ కారు గిఫ్టుగా ఇచ్చిన తండ్రి

గత సెప్టెంబర్ లో అషూ బర్డ్ డే జరుపుకోగా, ఆమె తండ్రి కళ్లు చెదిరే గిఫ్ట్ ఇచ్చారు. మెర్సిడెస్ బెంజ్ కంపెనీకి చెందిన C200D మోడల్ కారును కూతురికి బహుమతిగా అందించారు. ఈ కారు ధర సుమారు రూ. 70 లక్షల వరకు ఉంటుంది. ఈ గిఫ్ట్ అందుకున్న అషూ సోషల్ మీడియా వేదికగా కారు ఫోటోలను షేర్ చేసింది. తన తండ్రికి ధన్యవాదాలు చెప్పింది. ఆమెకు నెటిజన్లు జోరుగా బర్త్ డే విషెష్ చెప్పారు. బర్త్ డే రోజున కూతురుకు ఖరీదైన బహుమతిని ఇచ్చిన ఆమె తండ్రిని అభినందించారు.  

ఇక అషూరెడ్డి ప్రస్తుతం  పలు టీవీ షోలలో పాల్గొంటుంది. గతంలో కొన్ని సినిమాల్లోనూ కనిపించింది. ఇటు బుల్లితెర, అటు వెండి తెర ప్రేక్షకులను తన అందం, అభినయం, చలాకీతనంతో ఆకట్టుకుంటోంది.  

Read Also: సెన్సార్‌కు ముందు, సెన్సార్ తర్వాత - ‘బలగం’లోని ఆ డైలాగ్ లీక్ చేసిన ప్రియదర్శి