Bigg Boss 6 Telugu: ఇనయా వర్సెస్ రేవంత్ - వీరిలో టాస్క్ గెలిచేది ఎవరు?

Bigg Boss 6 Telugu: ఇనయా, రేవంత్ ఆడితే ఎవరు గెలుస్తారో అంచనా వేయడం కొంచెం కష్టమే.

(Image credit: Star maa)

Bigg Boss 6 Telugu: ఆడపులిలా ఆడుతుంది ఇనాయ, ఇక రేవంత్ గురించి చెప్పక్కర్లేదు టాస్క్ అంటే చాలు జోరు పెంచేస్తాడు. ఇలాంటి ఈ ఇద్దిరూ ఓ టాస్క్ లో పోటీ పడ్డారు. అయితే వీరికిచ్చిన టాస్కు, వీరి పద్దతికి పూర్తిగా భిన్నమైనది. వీరెంత స్పీడో టాస్కు అంత నెమ్మదిగా చేయాలి. అసలు ఆ టాస్కు ఏంటంటే...

ఎవిక్షన్ ఫ్రీ పాస్ కోసం విన్నర్ ప్రైజ్ మనీలో దాదాపు 11 లక్షల రూపాయల దాకా ఇంటి సభ్యులు ఖర్చు పెట్టేశారు. ఇప్పుడు మళ్లీ దాన్ని సంపాదించుకునే అవకాశాన్ని ఇచ్చాడు బిగ్ బాస్. దీనికి ఇద్దరు సభ్యులు పోటీ పడాలి. వారిద్దరిలో ఎవరు గెలుస్తారో మిగతా ఇంటి సభ్యులు సీక్రెట్ ఓట్ ద్వారా చెప్పాలి. వారు చెప్పిన సభ్యుడే గెలిస్తే కొంత మొత్తం విన్నర్ ప్రైజ్ లో కలిసి పోతుంది. అలా నిన్నని ఎపిసోడ్లో శ్రీసత్య, రోహిత్ పోటీ పడ్డారు. ఫిజికల్ టాస్కు ఇచ్చాడు బిగ్ బాస్. అందరూ రోహిత్ స్ట్రాంగ్ కాబట్టి ఆయనే గెలుస్తాడని ఊహించారు. శ్రీసత్య పేరుపై రెడ్ మార్కు గుద్ది, బ్యాలెట్ బాక్సులో వేసేశారు. తీరా చూస్తే శ్రీసత్య గెలిచింది. దీంతో ఆ టాస్కు ఇంటి సభ్యులు ఓడిపోయారు. దీంతో లక్షా పదివేల మొత్తాన్ని వెనక్కి రప్పించుకోలేకపోయారు. 

ఇక ఈరోజు ప్రోమోలో ఇనాయ, రేవంత్ ఆడేందుకు సిద్ధమయ్యారు. అతి స్పీడుగా ఉండే వీరిద్దరికీ బిగ్ బాస్ చాలా నెమ్మదిగా, జాగ్రత్తగా చేసే టాస్కు ఇచ్చారు. పేపర్ గ్లాసులను పిరమిడ్ ఆకారంలో కట్టి, వాటిని మోసుకుంటూ ఎదురుగా పెట్టిన ప్రదేశంలోకి మోసుకెళ్లాలి. ఇద్దరివీ చాలా సార్లు పడిపోయాయి. కాకపోతే చివరికి ఎవరు గెలిచారో మాత్రం తెలియదు. 

ఇరవై ఒక్క మందితో కళకళలాడిన ఇల్లు ఇప్పుడు ఏడుగురితో మిగిలింది. ఈ వారం ఒకరు ఎలిమినేట్ అయితే టాప్ 6 మిగులుతారు. అదే ఇద్దరినీ ఎలిమినేట్ చేస్తే టాప్ 5 మిగులుతారు. రెండు వారాల్లో బిగ్ బాస్ సీజన్ 6 విన్నర్ ఎవరో తేలిపోనుంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by STAR MAA (@starmaa)