Sudigali Sudheer: 'ఆల్రెడీ ఢీ మానేశాను. ఇంకేం మానాలిరా బాబూ!' - 'సుడిగాలి' సుధీర్ సెల్ఫ్ సెటైర్... అన‌సూయ ఈజ్ బ్యాక్‌!

చిన్న గ్యాప్ తర్వాత 'జబర్దస్త్'కు అనసూయ మళ్లీ వచ్చింది. సుధీర్ మీద పంచ్ వేసింది. సుధీర్ సెల్ఫ్ సెటైర్ కూడా రాక్స్ అని చెప్పాలి.

By: ABP Desam | Updated at : 03 Jan 2022 06:28 PM (IST)

Anasuya Bharadwaj is back to Jabardasth and Sudigali Sudheer self setair on Leaving Dhee Show rocks

అనసూయ, సుధీర్, శాంతి కుమార్ (Image courtesy - @MallemalaTV/Youtube)

'జబర్దస్త్' లాస్ట్ రెండు ఎపిసోడ్స్‌కు రష్మీ గౌతమ్ యాంకరింగ్ చేశారు. ఎందుకు? అంటే... రెగ్యులర్ యాంకర్ అనసూయ అనివార్య కారణాల వల్ల అందుబాటులో లేకపోవడంతో 'ఎక్స్‌ట్రా జబర్దస్త్' యాంక‌ర్‌తో షో రన్ చేశారు. కొత్త ఏడాదిలో మళ్లీ అనసూయ 'జబర్దస్త్'కు వచ్చేశారు. 'ఏ బిడ్డా... ఇది జబర్దస్త్ సరికొత్త అడ్డా' అంటూ జనవరి 6న టెలికాస్ట్ కానున్న ఎపిసోడ్‌ ప్రోమోలో సందడి చేశారు. కొత్త ఏడాదిలో 'జబర్దస్త్' కోసం కొత్త సెట్‌ రెడీ చేశారు. అదీ సంగతి!
Also Read: రావాలి సుధీర్... కావాలి రష్మీ!
చిన్న గ్యాప్ తర్వాత 'జబర్దస్త్'కు వచ్చిన అనసూయ, వచ్చీ రావడంతో 'హైపర్' ఆది స్కిట్‌లో రోల్ చేసిన 'సుడిగాలి' సుధీర్ మీద‌ పంచ్ వేశారు. సుడిగాలి సుధీర్ అయితే తన మీద తానే పంచ్ వేసుకున్నాడు. ఆ సెల్ఫ్ సెటైర్ రాక్స్ అని చెప్పాలి. 'మానవా... మానవా' అంటూ లేడీ గెటప్ వేసిన శాంతి దగ్గరకు రాగానే... "ఆల్రెడీ 'ఢీ' మానాను. ఇంకేం మానాలి రా బాబు' అని సుధీర్ అనడంతో అందరూ ఒక్కసారి నవ్వేశారు.
Also Read: 'సుడిగాలి' సుధీర్‌కు ఓ షో పోయింది! మరో షోలో మాత్రం...
'ఢీ' షో అంటే డాన్సులు మాత్రమే కాదు... 'సుడిగాలి' సుధీర్, రష్మీ గౌతమ్ చేసే సందడి కూడా! కొన్నేళ్లుగా 'ఢీ' షోలో సందడి చేసిన సుధీర్, రష్మీ జోడీ 'ఢీ 14'లో కనిపించడం లేదు. వాళ్లిద్దరి అభిమానులు, ముఖ్యంగా సుధీర్ అభిమానులు అతడిని మళ్లీ 'ఢీ' షోకి తీసుకు రమ్మని కోరుతున్నారు.