The Boss: రామ్ గోపాల్ వర్మ బాబాగా మారితే?

రామ్ గోపాల్ వర్మ వరుసగా సినిమాలు తీస్తున్నారు. ఆయన మీద కూడా సినిమాలు వస్తున్నాయి. ఆ మధ్య వర్మ మీద రెండు మూడు సినిమాలు వచ్చాయి. ఇప్పుడు వర్మను బేస్ చేసుకుని మరో సినిమా వస్తోంది.

'ద బాస్' లోగో ఆవిష్కరించిన రామ్ గోపాల్ వర్మ

ప్రముఖ దర్శకుడు రామ్ గోపాల్ వర్మను, వివాదాలను కొంత మంది వేరు చేసి చూడలేకపోతున్నారు. ఆయన ఏం చేసినా సంచలనమే. వివాదాస్పద అంశాలపై తనదైన శైలిలో స్పందించడం వర్మకు అలవాటు. అటువంటి రామ్ గోపాల్ వర్మ 'బాబా'గా మారితే? ఓ అపర మేథావి 'బాబా'గా మారితే? అనే ఊహాజనిత కథాంశంతో రూపొందుతున్న సినిమా 'ద బాస్'. 'నెవర్ డైస్' (ఎప్పటికీ చావడు)... అనేది ఉపశీర్షిక. ఈ సినిమా లోగోను విల‌న్‌గానూ మెప్పిస్తున్న ప్ర‌ముఖ క‌మెడియ‌న్‌ సునీల్ విడుదల చేశారు.
'ద బాస్' సినిమాలో 'షకలక' శంకర్ టైటిల్ పాత్రలో నటించారు. గతంలో 'జబర్దస్త్' షోలోనూ, సినిమా ఈవెంట్స్‌లోనూ, సినిమాల్లోనూ ఆయన వర్మ పేరడీలు, స్పూఫ్‌లు చేశారు. మరోసారి వర్మను పోలిన పాత్ర చేశారన్నమాట. ఈశ్వర్ బాబు ధూళిపూడి దర్శకత్వంలో బొమ్మకు క్రియేషన్స్ పతాకంపై బొమ్మకు మురళి ఈ సినిమాను నిర్మిస్తున్నారు. వర్మను పోలిన వ్యక్తిగా 'షకలక' శంకర్ అద్భుతంగా చేసి ఉంటాడని సునీల్ పేర్కొన్నారు. త‌న‌పై సెటైరిక‌ల్‌గా సినిమా తీసినా స‌రే... రామ్ గోపాల్ వ‌ర్మ పాజిటివ్‌గా స్పందించారు. మ‌రి, ఈ సినిమా మీద ఆయ‌న స్పంద‌న ఎలా ఉంటుందో చూడాలి. 
"సమాజంలోని పలు రుగ్మతలను మా సినిమా ప్రశ్నిస్తుంది. సునీల్ మా సినిమా టైటిల్ లోగోను ఆవిష్కరించడం చాలా సంతోషంగా ఉంది. త్వరలోనే సినిమాను విడుదల చేయాలని సన్నాహాలు చేస్తున్నాం" అని నిర్మాత బొమ్మకు మురళి చెప్పారు. "సినిమా షూటింగ్ కంప్లీట్ అయ్యింది. పోస్ట్ ప్రొడక్షన్ వర్క్స్ దాదాపుగా పూర్తి అయ్యాయి" అని దర్శకుడు ఈశ్వర్ బాబు ధూళిపూడి తెలిపారు. డెబో రాఫెల్, సోహైల్, రాజ శ్రీ, సన, హర్షవర్ధన్, పోసాని కృష్ణమురళి, 'వకీల్ సాబ్' ఫేమ్ సూపర్ విమెన్ లిరిష తదితరులు నటించిన ఈ సినిమాకు హిమాన్షు సినిమాటోగ్రఫీ, ఎడిటింగ్ బాధ్యతలు నిర్వర్తించారు. బాద్షా హెచ్.కె డైలాగ్స్ రాశారు. ఈ సినిమాకు సమర్పణ: హిమమాల.
Also Read: బాలకృష్ణ సినిమాలో కన్నడ నటుడికి పవర్ ఫుల్ రోల్...
Also Read: త్వరలో తల్లి కానున్న హీరోయిన్... విడాకులు తీసుకున్నారా?
Also Read: 'భీమ్లా నాయ‌క్' డేట్ మీద క‌న్నేసిన రాజ'శేఖ‌ర్‌'... సంక్రాంతి బ‌రిలో మ‌రో యాంగ్రీ స్టార్‌!
Also Read: షణ్ముఖ్ తో బ్రేకప్.. లైవ్ లోనే ఏడ్చేసిన దీప్తి సునయన..
Also Read:'ఆర్ఆర్ఆర్' ప్రమోషన్స్ కోసం ఎంత ఖర్చు పెట్టారో తెలుసా..?
Also Read:ఇండస్ట్రీ పెద్దగా నేను ఉండను.. ఆ స్థానం నాకొద్దు.. మెగాస్టార్ చిరంజీవి కామెంట్స్..
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి