Payal Ghosh: 'ఎన్టీఆర్ గురించి అప్పుడే చెప్పా' నటి పాయల్ కామెంట్స్

ఎన్టీఆర్ కలిసి నటించాలని బాలీవుడ్ ముద్దుగుమ్మలు కోరుకుంటున్నారు. ఇప్పటికే అలియా భట్, దీపికా పదుకోన్ లాంటి స్టార్ హీరోయిన్లు ఎన్టీఆర్ తో నటించాలనుకుంటున్నట్లు చెప్పారు.

నటి పాయల్ కామెంట్స్

యంగ్ టైగర్ ఎన్టీఆర్ కి ఉన్న క్రేజ్ గురించి ప్రత్యేకంగా చెప్పనక్కర్లేదు. ఈ తరం హీరోల్లో ఎన్టీఆర్ ని నటనలో బీట్ చేసేవారు లేరని చెప్పడంలో అతిశయోక్తి లేదు.  ఆయన డాన్స్ మూమెంట్స్ కి ఎవరైనా ఫిదా అవ్వాల్సిందే. ఇప్పుడు 'ఆర్ఆర్ఆర్' సినిమాతో పాన్ ఇండియా స్టార్ గా ఇమేజ్ తెచ్చుకోబోతున్నాడు ఎన్టీఆర్. ఈ సినిమా రిలీజ్ కాకముందే ఎన్టీఆర్ గురించి బాలీవుడ్ లో చర్చలు జరుగుతున్నాయి. 

ఎన్టీఆర్ కలిసి నటించాలని బాలీవుడ్ ముద్దుగుమ్మలు కోరుకుంటున్నారు. ఇప్పటికే అలియా భట్, దీపికా పదుకోన్ లాంటి స్టార్ హీరోయిన్లు ఎన్టీఆర్ తో నటించాలనుకుంటున్నట్లు చెప్పారు. దాదాపుగా ఎన్టీఆర్-అలియా కాంబో ఫిక్స్ అయినట్లేనని చెబుతున్నారు. 'గెహ్రాయియా' ప్రమోషన్స్ లో పాల్గొన్న దీపికా తెలుగు హీరోల గురించి మాట్లాడే సమయంలో ఎన్టీఆర్ తో కలిసి నటించాలనుందని తన ఇష్టాన్ని బయటపెట్టింది. 

ఎన్టీఆర్ అపూర్వమైన వ్యక్తిత్వం ఉన్న వాడని.. అద్భుతంగా నటిస్తాడని దీపికా ప్రశంసలు కురిపించింది. తాజాగా ఈ కామెంట్స్ పై నటి పాయల్ ఘోష్ స్పందించింది. రెండేళ్లక్రితం నటి మీరాచోప్రా.. ఎన్టీఆర్ ఎవరో తనకు తెలియదని చెప్పింది. ఆ సమయంలో మీరాపై పాయల్ ఘోష్ మండిపడింది. ఆమెని తిడుతూ సోషల్ మీడియాలో పోస్ట్ లు పెట్టింది. ఎన్టీఆర్ గ్రేట్ యాక్టర్ అని పొంగింది పాయల్. 

ఇప్పుడు ఎన్టీఆర్ పై దీపికా పదుకోన్ చేసిన కామెంట్స్ విషయంలో పాయల్ సంతోషంగా ఉన్నట్లుంది. ఈ మేరకు ట్విట్టర్ లో ఓ పోస్ట్ పెట్టింది. 'ఎన్టీఆర్ గ్లోబల్ స్టార్, మంచి మనిషి, లవింగ్ కోస్టార్.. అన్నింటికీ మించి ఆల్ రౌండర్ సూపర్ స్టార్.. ఈ విషయాలు ఎప్పుడో చెప్పాను. కానీ నన్ను అందరూ విమర్శించారు. తప్పుగా మాట్లాడారు. ఆయన స్టామినా గురించి తెలిసే ఇవన్నీ చెబుతూ వచ్చాను. ఇప్పుడు ప్రపంచానికి తెలుస్తోంది. నేను చెప్పింది తప్పు కాదంటూ' రాసుకొచ్చింది. గతంలో ఎన్టీఆర్ నటించిన 'ఊసరవెల్లి' సినిమాలో సెకండ్ హీరోయిన్ గా నటించింది పాయల్. 

I said @tarak9999 is a global star, a man with great soul, a loving co-star and most importantly an all rounder super star... I was been criticised, people talked wrong about us.. what not.. but I kept standing firm with his potential and see today..I can never be wrong...!!

— Payal Ghoshॐ (@iampayalghosh) February 11, 2022

Ahhh Bollywood A- listers are dying to work with @tarak9999 grateful to almighty, have already worked with him & I said it in 2020 how our film #oosaravelli is taking over in Bollywood,but i was been criticised also said,south will take over bollywood soon!! I can never be wrong. pic.twitter.com/fkr4Vuyc4D

— Payal Ghoshॐ (@iampayalghosh) February 11, 2022