Vijay TVK and AIADMK Alliance: తమిళనాడులో సీఎంగా విజయ్‌! డిప్యూటీ సీఎంగా అన్నాడీఎంకే నేత! పొత్తు దిశగా అడుగులు!

తమిళనాడు ఫలితాల ట్రెండ్స్ సంచలనం సృష్టిస్తున్నాయ. విజయ్‌ స్థాపించిన తమిళగ వెట్రి కజగం దాదాపు వందకుపైగా సీట్లలో ముందంజలో ఉంది. నటుడు విజయ్‌ పార్టీ రాష్ట్ర రాజకీయాల్లో కింగ్ మేకర్‌గా అవతరించింది.

తమిళనాడులో సీఎంగా విజయ్‌! డిప్యూటీ సీఎంగా అన్నాడీఎంకే నేత! పొత్తు దిశగా అడుగులు!

Source : PTI

Show Quick Read

Key points generated by AI, verified by newsroom

• తమిళనాడు రాజకీయాల్లోకి దళపతి విజయ్ నేతృత్వంలో కొత్త పార్టీ ప్రవేశించింది.
• ఎన్నికల ఫలితాలు ఏ పార్టీకి స్పష్టమైన మెజారిటీ ఇవ్వకపోవచ్చు.
• ప్రభుత్వం ఏర్పాటుకు ఏఐఏడీఎంకే, టీవీకే కూటమి అవసరం కావచ్చు.
• విజయ్ షరతులు, పళనిస్వామి అంగీకారం కీలకంగా మారనున్నాయి.

Vijay TVK and AIADMK Alliance: తమిళనాడు రాజకీయ చరిత్రలో 2026 మే 4వ తేదీ ఒక మైలురాయిగా నిలిచిపోనుంది. దశాబ్దాలుగా డీఎంకే, ఏఐఏడీఎంకేల మధ్య సాగుతున్న ద్విముఖ పోరాటంలోకి దళపతి విజయ్ రూపంలో ఒక మూడో శక్తి బలంగా వచ్చింది. కేవలం రెండేళ్ల క్రితమే ప్రారంభించిన తమిళగ వెట్రి కజగం తన తొలి ఎన్నికల్లోనే వందకుపైగా సీట్లు సాధించింది. మ్యాజిక్ ఫిగర్‌కు సమీపంలో ఆగిపోయే సూచనలు కనిపిస్తున్నాయి. ఇప్పుడు తమిళనాడులో వస్తున్న ఫలితాలు రాజకీయ విశ్లేషకులను విస్మయానికి గురిచేస్తున్నాయి. 

ప్రస్తుతం ట్రెండ్స్ ప్రకారం ఏ పార్టీకీ స్పష్టమైన మ్యాజిక్ ఫిగర్ వచ్చే ఛాన్స్ లేదు. తమిళనాడులో ప్రభుత్వం ఏర్పాటు చేయాలంటే 118 సీట్లు రావాల్సి ఉంది. ఈ మ్యాజిక్ ఫిగర్‌కు సమీపంలో ఉంది విజయ్ నేతృత్వంలోని టీవీకే మాత్రమే. ఇప్పటికే సీనియర్ పార్టీలుగా ఉన్న డీఎంకే, అన్నాడీఎంకే ఎవరూ ప్రభుత్వాన్ని ఏర్పాటు చేయాలి అన్నా సరే కచ్చితంగా విజయ్ సహకారం అవసరం. వారి కంటే ఎక్కువ సీట్లు గెలుపొందిన విజయ్‌కు ముఖ్యమంత్రి పదవి ఇవ్వకుంటే ఏ పార్టీకి కూడా మద్దతు ఇచ్చే ఛాన్స్ లేదు. ఆయన ఒకవేళ ఏదైనా పార్టీ మద్దతుతో ప్రభుత్వాన్ని ఏర్పాటు చేస్తే మాత్రం కచ్చితంగా వారికి డిప్యూటీ సీఎం పదవి ఇవ్వాల్సి ఉంటుంది. 

ఎన్నికల ఫలితాల ట్రెండ్స్ బయటకు రాగానే చెన్నైలోని రాజకీయ వర్గాల్లో అన్నా డీఎంకే, టీవీకే మధ్య పొత్తుపై చర్చలు మొదలయ్యాయి. అయితే ఈ రెండు పార్టీల మధ్య సంబంధాలు ఎప్పుడూ సాఫీగా లేవు. 2025లో ఈ రెండు పార్టీల పొత్తు గురించి చర్చలు జరిగాయి. కానీ విజయ్ కొన్ని కఠినమైన షరతులు విధించినట్టు తెలుస్తోంది. పొత్తుకు నాయకత్వం వహించడం, విజయ్‌ను ముఖ్యమంత్రి అభ్యర్థిగా ప్రకటించడం, మొత్తం 234 స్థానాల్లో సగం అంటే 117 స్థానాలు కేటాయించాలని షరతులు పెట్టినట్టు అప్పట్లోనే వార్తలు వచ్చాయి. దశాబ్దాల చరిత్ర ఉన్న అన్నా డీఎం మొన్న పుట్టిన పార్టీకి ఇంతటి ప్రాధాన్యత ఇచ్చేందుకు అంగీకరించలేదని దీంతో ఆ చర్చలు విఫలమైనట్టు తమిళనాడు పొలిటికల్ సర్కిల్‌లో జోరుగా ఊహాగానాలు చక్కర్లు కొట్టాయి. 

పొత్తు కుదరకపోవడంతో, అన్నా డీఎంకే తిరిగి బీజేపీతో పొత్తు పెట్టుకుంది. విజయ్‌ ఒంటరిగానే బరిలో దిగి సింహం సింగిల్‌గా వస్తుందని ప్రచారం చేసుకున్నారు. ప్రచారంలో విజయ్ అటు డీఎంకేను ఇటు బీజేపీని లక్ష్యంగా చేసుకుంటూనే అన్నాడీఎంకేనూ దూరంగా పెడుతూ వచ్చారు. 

ఇప్పుడు పొత్తు సాధ్యమేనా!

ప్రస్తుతం ఏ పార్టీకి పూర్తి స్థాయి మెజారిటీ రాని టైంలో రాజకీయ సమీకరణాలు మారక తప్పవు. టీవీకే, అన్నా డీఎంకే చేతులు కలిపితే తప్ప ప్రభుత్వం ఏర్పాటు చేయడం కష్టమని ట్రెండ్స్ సూచిస్తున్నాయి. అయితే ఇక్కడ కొన్ని కీలక అడ్డంకులు ఉన్నాయి. అన్నా డీఎంకే అధినేత పళని స్వామి విజయ్‌ను సమాన స్థాయి నాయకుడిగా అంగీకరిస్తారా గతంలో ముఖ్యమంత్రి పీఠం కోసం విజయ్‌ చేసిన డిమాండ్‌ను ఇప్పుడు పళని స్వామి ఒప్పుకుంటారా అన్నది ప్రశ్నార్థకం. ఎన్నికల ప్రచారంలో ఒంటరిగానే పోటీ చేస్తాం, ఎవరితో పొత్తు పెట్టుకోమని విజయ్ చెప్పుకొచ్చారు. ఇప్పుడు ఫలితాల తర్వాత మాట మారుస్తారా అన్నది చర్చనీయాంశంగా మారింది. ఇప్పుడు అన్నా డీఎంకే వెయిట్ అండ్ సీ అన్న ధోరణితో ఉంది. విజయ్‌కు మద్ధతు ఇచ్చే విషయంలో వారు చాలా జాగ్రత్తగా అడుగులు వేస్తున్నారు. 

నటుడు జోసెఫ్‌ విజయ్‌ చంద్రశేఖర్‌ తమిళ సినీ పరిశ్రమలో తిరుగులేని మాస్ ఇమేజ్‌ ఉన్న నటుడు. ఎంజీఆర్, జయలలిత వంటి వారు సినీ గ్లామర్‌తో రాజకీయాల్లో రాణించినట్టే విజయ్ కూడా అదే బాటలో పయనించారు. 49 ఏళ్ల తమిళ రాజకీయ చరిత్రలో మూడో ప్రత్యామ్నాయ శక్తిగా ఎదగడం అనేది సామాన్యమైన విషయం కాదు. 

మరిన్ని చదవండి

బంగారం నుంచి గ్యాస్ సిలిండర్ల వరకూ - విజయ్‌ను గెలిపించిన మేనిఫెస్టో ఇదే !

ద్రవిడ పార్టీలపై వ్యతిరేకతే విజయ్‌‌కు బలం - టీవీకే ప్రభంజనానికి ఐదు కారణాలు