Crime News: విశాఖ జిల్లాలో దారుణం - యువతిపై ఇనుప రాడ్డుతో ప్రేమోన్మాది దాడి

Visakha News: విశాఖ జిల్లాలో దారుణం జరిగింది. తనను ప్రేమించడం లేదనే కారణంతో ఓ యువకుడు యువతిపై ఐరన్ రాడ్‌తో దాడి చేశాడు. పోలీసులు కేసు నమోదు చేసి దర్యాప్తు చేస్తున్నారు.

విశాఖలో యువతిపై ప్రేమోన్మాది దాడి

Source : ABP Desam

Young Man Attacked On Young Woman In Visakha: విశాఖ జిల్లాలో (Visakha District) దారుణం జరిగింది. తనను ప్రేమించడం లేదనే కారణంతో ఓ ప్రేమోన్మాది యువతిపై ఇనుప రాడ్‌తో తీవ్రంగా దాడి చేశాడు. ఈ ఘటన స్థానికంగా తీవ్ర సంచలనం సృష్టించింది. పోలీసులు, స్థానికులు తెలిపిన వివరాల ప్రకారం.. పెదగంట్యాడ మండలం బాలచెరువు సమీపంలో గురువారం ఈ ఘటన జరిగింది. జమ్మూకశ్మీర్‌కు చెందిన నీరజ్‌శర్మ.. స్థానికంగా ఉండే యువతిని గత కొంతకాలంగా ప్రేమించాలని వేధిస్తున్నాడు. అయితే, ఆమె అతన్ని పట్టించుకోకపోవడంతో తీవ్ర ఆగ్రహం చెందిన నీరజ్.. యువతిపై ఇనుప రాడ్‌తో దాడికి పాల్పడ్డాడు.

దీంతో యువతి కేకలు వేయగా.. స్థానికులు అక్కడికి చేరుకోగా నిందితుడు భయంతో పారిపోయాడు. బాధితురాలని చికిత్స నిమిత్తం ఆస్పత్రికి తరలించారు. తలకు బలమైన గాయం కావడంతో ఆమె ఆరోగ్య పరిస్థితిపై బంధువులు ఆందోళన చెందుతున్నారు. కాగా, నిందితుడు  పలుమార్లు యువతికి అశ్లీల చిత్రాలు పంపుతూ మార్ఫింగ్ చేసి వేధింపులకు గురి చేశాడు. దీనిపై ఇప్పటికే పోలీసులకు ఫిర్యాదు అందింది. తాజాగా, యువతిపై దాడి చేయగా.. న్యూపోర్ట్ పోలీసులు కేసు నమోదు చేసి దర్యాప్తు చేస్తున్నారు.