CPI Narayana : సీపీఐ నారాయణ సతీమణి కన్నుమూత, రేపు ఐనంబాకంలో అంత్యక్రియలు

CPI Narayana : సీపీఐ నేత నారాయణకు సతీమణి వసుమతిదేవి(65)కన్నుమూశారు. అనారోగ్యంతో తిరుపతిలోని ఓ ఆసుపత్రిలో చికిత్స పొందుతూ గురువారం సాయంత్రం ఆమె కన్నుమూశారు. రేపు(శుక్రవారం) నగరి మండలం ఐనంబాకంలో వసుమతిదేవి అంత్యక్రియలు నిర్వహించనున్నారు. తిరుపతి నారాయణాద్రి ఆసుపత్రిలో గుండెపోటుతో మరణించినట్లు సమాచారం. రేపు ఉదయం 11 గంటలకు చిత్తూరు జిల్లా నగిరి నియోజకవర్గంలోని ఐనంబాకంలో అంత్యక్రియలు జరుగుతాయని సీపీఐ నేతలు తెలిపారు. 

ప్రముఖుల సంతాపం 

సీపీఐ జాతీయ కార్యదర్శి నారాయణ సతీమణి మృతి పట్ల తెలంగాణ సీఎం కేసీఆర్ సంతాపం తెలిపారు. వారి కుటుంబ సభ్యులకు సీఎం కేసీఆర్‌ తన ప్రగాఢ సానుభూతిని తెలిపారు. సీపీఐ నారాయణ సతీమణి  వసుమతిదేవి మరణం తీవ్ర దిగ్భ్రాంతికి గురి చేసిందని సీపీఐ తెలంగాణ రాష్ట్ర కార్యదర్శి చాడ వెంకట్ రెడ్డి అన్నారు.  విద్యార్థిగా ఎఐఎస్ ఎఫ్‌లో ప‌ని చేసి, అనంత‌రం బ్యాంక్ ఉద్యోగిగా ఆమె ప‌నిచేశారు. త‌రువాత వాలంట‌రీ రిటైర్‌మెంట్ తీసుకొని కమ్యూనిస్టు పార్టీలో వసుమతిదేవీ ప‌నిచేశారు. ప్రజా స‌హాకారంతో ప్రారంభించిన 99 టీవీ ఏర్పాటులో ఆమె క్రియాశీల పాత్ర పోషించారని గుర్తుచేశారు. కామ్రేడ్ వ‌సుమ‌తి మృతి ప‌ట్ల నారాయ‌ణ‌, వారి  కుటుంబ సభ్యులకు సీపీఐ తెలంగాణ రాష్ట్ర సమితి త‌రుపున ప్రగాఢ సానుభూతి తెలిపారు. 

సీపీఐ జాతీయ కార్యదర్శి కే. నారాయణ గారి సతీమణి శ్రీమతి వసుమతి గారు మృతి చెందడం పట్ల సంతాపం వ్యక్తం చేస్తున్నాను.
వారి కుటుంబ సభ్యులకు ప్రగాఢ సానుభూతిని తెలుపుతున్నాను.

— B Vinod Kumar (@vinodboianpalli) April 14, 2022