Crime News: మీ అమ్మాయి వేరే వ్యక్తితో చాటింగ్ చేస్తుంది.. డబ్బులిస్తారా? లేదంటే..
నీ కూతురు వేరే వ్యక్తితో చాటింగ్ చేస్తుందంటూ.. వైద్యుడిని ఓ వ్యక్తి బెదిరించాడు. చివరకు ఈ విషయం పోలీసుల వరకూ వెళ్లింది.
ఎలాగైనా డబ్బులు సంపాదించాలనుకుని.. ఓ వ్యక్తి అడ్డంగా దొరికిపోయాడు. తండ్రి వద్దకే వెళ్లి.. మీ కుమార్తె వేరే వ్యక్తితో చాటింగ్ చేస్తుందని చెప్పి డబ్బులు అడిగాడు. అయితే దీనిపై అనుమానం వచ్చిన ఆ తండ్రి పోలీసులకు ఫిర్యాదు చేశాడు. అసలు వివరాల్లోకి వెళ్తే..
మీ అమ్మాయి.. ఓ వ్యక్తితో చాటింగ్ చేస్తుందంటూ.. బోగస్‌ చాటింగ్ ను చూపి.. వైద్యుడిని బ్లాక్ మెయిల్ చేశాడు ఓ వ్యక్తి. శ్రీనగర్‌కాలనీలో నివసించే వైద్యుడు బంజారాహిల్స్ రోడ్‌ నంబర్‌–3లో ఓ భవన నిర్మాణం చేస్తున్నాడు. ఈ నెల 1వ తేదీన మధ్యాహ్నం నిర్మాణం జరుగుతున్న ప్లాట్‌లోకి ఓ వ్యక్తి వచ్చి తన పేరు అయ్యప్పగా పరిచయం చేసుకున్నాడు. తాను ట్రావెల్‌ వెహికిల్స్‌ డ్రైవర్‌నని చెప్పుకొచ్చాడు. ప్లాట్‌ను ఓఎన్‌జీసీకి అద్దెకు ఇస్తారా అని అడిగాడు.
వీళ్లిద్దరూ మాట్లాడుతుండగానే.. ఓఎన్‌జీసీ ఆఫీసర్‌నంటూ కొద్దిసేపట్లోనే మరో వ్యక్తి అక్కడకు వచ్చాడు. తర్వాత ఇద్దరూ కలిసి వెళ్లిపోయారు. సాయంత్రం మరోసారి అయ్యప్ప ఆ ప్రాంతానికి వచ్చాడు. వైద్యుడిని కలిసి సెల్ ఫోన్ లో చాటింగ్ చూపించాడు. నీ కుమార్తె.. మరో వ్యక్తితో చాటింగ్ చేసిందంటూ డిలీట్‌ చేయాలంటే డబ్బులు కావాలని డిమాండ్‌ చేశాడు.
ఒకవేళ డబ్బులు ఇవ్వకపోతే నీ అంతు చూస్తామంటూ.. బెదిరించాడు. వైద్యుడు భయంతో.. బంజారాహిల్స్ పోలీస్ స్టేషన్ లో ఫిర్యాదు చేశాడు. నిందితుడు అయ్యప్పపై పోలీసులు ఐసీసీ సెక్షన్‌ 448, 385, 506 కింద కేసు నమోదు చేసి దర్యాప్తు చేస్తున్నారు.
Also Read: Jagityal: పొదల్లో కాపు కాచి మరీ యువకుడి హత్య.. తల్వార్‌లతో నరికి.. జగిత్యాలలో దారుణం
Also Read: CrIme News: విజయవాడలో నిజామాబాద్ కు చెందిన నలుగురు కుటుంబ సభ్యులు ఆత్మహత్య
Also Read: పెద్దోళ్లను ఎదిరించి లవర్‌ను దక్కించుకున్న ప్రియుడు.. యువతి కోరిక నచ్చక ఘాతుకం
Also Read: మావోయిస్టుల కుట్ర ఛేదించిన ఒడిశా పోలీసులు... మల్కన్‌గిరిలో భారీ డంప్‌ నిర్వీర్యం...
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
టాప్ హెడ్ లైన్స్
ట్రెండింగ్ వార్తలు
