News
News
X

Crime News: హత్య చేసి కూడా ఏం యాక్టింగ్.. అయినా హంతకుల్ని పచ్చరాయి ఉంగరం పట్టించేసిందిలా..

నెల్లూరు జిల్లాలో జరిగిన ఓ రైతు హత్య విషయంలో పచ్చరాయి ఉంగరం హంతకుల్ని పట్టించింది. మృతుడికి తెలిసినవారే హంతకులుగా గుర్తించారు.

FOLLOW US: 
 


నెల్లూరు జిల్లాలో ఓ రైతు హత్య జరిగింది. హత్య జరిగిన తర్వాత నిందితులే.. మృతుడి ఇంటికి వచ్చి కుటుంబ సభ్యుల్ని పరామర్శించడం, పోలీసులకు సమాచారమిచ్చినట్టు నటించడం అన్నీ చేశారు. అయితే చివరకు మృతుడి శవాన్ని పూడ్చేసేటప్పుడు పచ్చరాయి ఉంగరాన్ని దొంగిలించి.. దాన్ని తన చేతికి పెట్టుకోవడంతో హంతకుడు దొరికిపోయాడు. తన భర్త ఉంగరాన్ని గుర్తించిన భార్య ఆ సమాచారాన్ని పోలీసులకు చెప్పడంతో వారు తీగలాగారు. చివరకు డొంకంతా కదిలింది. మొత్తం ఐదుగురు నిందితుల్ని పోలీసులు అరెస్ట్ చేశారు. 

నెల్లూరు జిల్లా బుచ్చిరెడ్డిపాలెం మండలం దామరమడుగు గ్రామానికి చెందిన మోడెం చంద్రశేఖర్ రెడ్డి అనే రైతుకి 13 ఎకరాల పొలం ఉంది. దాన్ని డబ్బుగుంట సురేష్ అనే వ్యక్తికి కౌలుకి ఇచ్చాడు. సురేష్ వ్యవసాయం చేశాడు. తీరా వరిపంట కోతకు వచ్చి ఒడ్లు అమ్ముకునే సమయంలో మొత్తం ధాన్యాన్ని మోడెం చంద్రశేఖర్ రైసు మిల్లుకు తరలించాడు. ఈ క్రమంలో తన కష్టార్జితం దక్కదేమోనన్న అనుమానంతో అతనితో గొడవపడ్డాడు సురేష్. పొలం వద్ద మద్యంలో పురుగుల మందు తాగించి, మెడకు వైరు బిగించి చంపేశారు. హత్య చేయడంలో సురేష్ కి నలుగురు స్నేహితులు సహకరించారు. వారితో కలిసి శవాన్ని ట్రాక్టర్ లో తీసుకెళ్లి.. పెన్నా తీరంలో పాతిపెట్టారు. ఆ సమయంలో మృతుడి చేతులకు ఉన్న రెండు ఉంగరాలను అతని జేబులో ఉన్న నగదుని తీసుకున్నారు హంతకులు. ఆ ఉంగరాలలో సురేష్ ఒకటి తీసుకున్నాడు. 

పొలానికి వెళ్లి తిరిగొస్తానన్న చంద్రశేఖర్ రాత్రి అయినా ఇంటికి రాకపోవడంతో ఆయన భార్య వసుధ పోలీసులకు ఫిర్యాదు చేశారు. అయితే చంద్రశేఖర్ వద్ద పొలం కౌలుకి తీసుకున్న సురేష్ కూడా ఏమీ ఎరగనట్టు పోలీసులను కలిశాడు. తనకు తెలిసిన సమాచారం ఇదంటూ చెప్పాడు. పలుమార్లు చంద్రశేఖర్ ఇంటికెళ్లి కుటుంబ సభ్యులను కూడా పరామర్శించి వచ్చాడని సమాచారం. ఈ క్రమంలో చంద్రశేఖర్ ఉంగరాన్ని సురేష్ పెట్టుకుని ఉండటాన్ని చూశారు వసుధ. తన భర్త ఉంగరం సురేష్ దగ్గర ఉండటంతో ఆమెకు అనుమానం వచ్చింది. పోలీసులకు ఆ సమాచారం చెప్పడంతో వారు తనదైన శైలిలో విచారణ జరిపారు. సురేష్ సహా అయ్యప్ప, శరత్, ఆదిశేఖర్, వెంకటేశ్ ని అరెస్ట్ చేశారు. 

హత్యకు ఉపయోగించిన వైరు, మృతుడి శవాన్ని తరలించిన ట్రాక్టర్, పెన్నా తీరంలో శవాన్ని పూడ్చి పెట్టడానికి ఉపయోగించిన బకెట్ ని స్వాధీనం చేసుకున్నారు పోలీసులు. నిందితులను అరెస్ట్ చేసి రిమాండ్ కి తరలించారు. హత్య చేసిన తర్వాత హంతకులు అదే ఊరిలో తిరిగారు.. మృతుడి ఇంటికి కూడా వెళ్లారు. శవం మాయం చేసి, కేసుని పక్కదారి పట్టించాలని చూసినా.. పోలీసులు కేసును ఛేదించి అరెస్టు చేశారు.

News Reels

Also Read: Viral fever in India: చిన్నారుల్లో వైరల్ ఫీవర్.. ఇప్పటికే 100 మంది మృతి.. పిల్లలను ఎలా కాపాడుకోవాలి?

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి

Published at : 22 Sep 2021 11:57 AM (IST) Tags: Nellore Crime News nellore murder case crime news in andhrapradesh nellore green ring murder case

సంబంధిత కథనాలు

Vizag Crime: విశాఖపట్నంలో మహిళ దారుణ హత్య కలకలం, కుళ్లిన స్థితిలో మృతదేహం

Vizag Crime: విశాఖపట్నంలో మహిళ దారుణ హత్య కలకలం, కుళ్లిన స్థితిలో మృతదేహం

Road Accidents: తెలంగాణలో రెండు చోట్ల రోడ్డు ప్రమాదాలు - ఐదుగురు మృతి, ఒకరికి తీవ్ర గాయాలు!

Road Accidents: తెలంగాణలో రెండు చోట్ల రోడ్డు ప్రమాదాలు - ఐదుగురు మృతి, ఒకరికి తీవ్ర గాయాలు!

Vijaya Durga Devi Temple: విశాఖ విజయ దుర్గాదేవి ఆలయంలో చోరీ, అమ్మవారి నగలు, హుండీ మాయం!

Vijaya Durga Devi Temple: విశాఖ విజయ దుర్గాదేవి ఆలయంలో చోరీ, అమ్మవారి నగలు, హుండీ మాయం!

Nellore School : నెల్లూరులో ప్రైవేట్ స్కూల్ యాజమాన్యంపై పోక్సో కేసు నమోదు

Nellore School : నెల్లూరులో ప్రైవేట్ స్కూల్ యాజమాన్యంపై పోక్సో కేసు నమోదు

Nellore News : అబ్బాయిలపై లైంగిక దాడి, నెల్లూరులో యువకుడు వికృత చర్య!

Nellore News : అబ్బాయిలపై లైంగిక దాడి, నెల్లూరులో యువకుడు వికృత చర్య!

టాప్ స్టోరీస్

Minister Jogi Ramesh: చంద్రబాబు, లోకేష్ కూడా జైలుకి పోవటం ఖాయం: మంత్రి జోగి రమేష్

Minister Jogi Ramesh: చంద్రబాబు, లోకేష్ కూడా జైలుకి పోవటం ఖాయం: మంత్రి జోగి రమేష్

పాతికేళ్ల కిందటే రాజమండ్రి నుంచి సికింద్రాబాద్ కు వందే భారత్ ఎక్స్ ప్రెస్ !

పాతికేళ్ల కిందటే రాజమండ్రి నుంచి సికింద్రాబాద్ కు వందే భారత్ ఎక్స్ ప్రెస్ !

YS Sharmila: సీఎం కేసీఆర్, టీఆర్ఎస్ గూండాల నుంచి ప్రాణహాని ఉందంటూ షర్మిల సంచలన ఆరోపణలు

YS Sharmila: సీఎం కేసీఆర్, టీఆర్ఎస్ గూండాల నుంచి ప్రాణహాని ఉందంటూ షర్మిల సంచలన ఆరోపణలు

SDT 15 Title : కొత్త ప్రపంచంలోకి తీసుకు వెళ్లనున్న సాయి తేజ్ - థ్రిల్లర్ వరల్డ్ టైటిల్ రెడీ 

SDT 15 Title : కొత్త ప్రపంచంలోకి తీసుకు వెళ్లనున్న సాయి తేజ్ - థ్రిల్లర్ వరల్డ్ టైటిల్ రెడీ