Hyderabad Viral Video: మియాపూర్లో చెడ్డీ గ్యాంగ్ కలకలం - ఎలా చోరీ చేస్తున్నారో చూశారా
Hyderabad Crime News: హైదరాబాద్ నగరంలో మరోసారి చెడ్డీ గ్యాంగ్ సంచరించడం కలకలం రేపుతోంది. ప్రమాదకరంగా కనిపిస్తున్న ఇద్దరు నిందితులు చోరీ చేయడం సీసీ టీవీ ఫుటేజీలో రికార్డ్ అయింది.
Hyderabad Chaddi gang spotted in Miyapur: మియాపూర్: హైదరాబాద్ నగరంలో మరోసారి చెడ్డీ గ్యాంగ్ సంచారం కలకలం రేపింది. గతంలో నగరంలోని ఒకట్రెండు చోట్ల చెడ్డీ గ్యాంగ్ చోరీలకు పాల్పడింది. తాజాగా మియాపూర్ పోలీస్ స్టేషన్ పరిధిలో చెడ్డీ గ్యాంగ్ సంచరించడంతో హాట్ టాపిక్ అవుతోంది. ఇద్దరు నిందితులు శనివారం అర్ధరాత్రి మియాపూర్ లోని వరల్డ్ వన్ స్కూల్ లో చోరీ చేశారు. స్కూల్ కౌంటర్ లో ఉంచిన 7 లక్షల 85 వేల నగదును చెడ్డీ గ్యాంగ్ ముఠా దోచుకెళ్లింది. ఈ చోరీకి సంబంధించిన దృశ్యాలు స్కూల్ లో ఉన్న సీసీ కెమెరా లో రికార్డ్ అయ్యాయి.
ఒంటిమీద దుస్తులు లేకుండా ముఖానికి మాస్కులు ధరించి, కేవలం చెడ్డీలతో వచ్చిన దొంగలు స్కూల్ లో ఉంచిన నగదు దోపిడీ చేశారు. స్కూల్ యాజమాన్యం మియాపూర్ పోలీసులకు ఫిర్యాదు చేయడంతో కేసు నమోదు చేసి దర్యాప్తు చేపట్టారు. సీసీ కెమెరాలో రికార్డ్ అయిన ఫుటేజ్ ను పోలీసులకు సమర్పించారు. సీసీటీవీ ఫుటేజీ ఆధారంగా పోలీసులు కేసు దర్యాప్తు చేపట్టి చెడ్డీ గ్యాంగ్ ను అరెస్ట్ చేస్తామన్నారు.
మియపూర్లో చెడ్డి గ్యాంగ్ చోరీ...
— Telugu Scribe (@TeluguScribe) March 17, 2024
వరల్డ్ వన్ స్కూల్ కౌంటర్లో ఉన్న 7 లక్షల 85 వేల నగదును చోరీ చేసిన ఇద్దరు దొంగలు. పోలీసులకి పిర్యాదు చేసిన స్కూల్ యాజీమాన్యం.
కేసు నమోదు చేసి దర్యాప్తు చేస్తున్న మియాపూర్ పోలీసులు. pic.twitter.com/UXs7cbVUCf
టాప్ హెడ్ లైన్స్
ట్రెండింగ్ వార్తలు
