Maruti Fronx చౌకైన మోడల్ రూ.1 లక్ష చెల్లించాక నెలవారీ EMI ఎంత కట్టాలి

Maruti Fronx Finance Plan: మారుతి ఫ్రాంక్స్‌తో పాటు ఏ కారు అయినా ఎక్స్‌షోరూమ్ ధర, ఆన్-రోడ్ ధరలో చాలా మార్పులుంటాయి. డీలర్‌ను పూర్తి ఫైనాన్స్ ప్లాన్, నెలవారీ EMI వివరాలు సరిగ్గా తెలుసుకోవాలి.

మారుతి ఫ్రాంక్స్

Source : Maruti Fronx

Show Quick Read

Key points generated by AI, verified by newsroom

• కూపే-స్టైల్, స్పోర్టీ డిజైన్ ఫ్రాంక్స్ ప్రత్యేకత.

Maruti Fronx EMI Plan | భారత మార్కెట్లో మారుతి ఫ్రాంక్స్ కార్లకు డిమాండ్ పెరుగుతోంది. జులై 2026లోనే ఏకంగా 19,473 యూనిట్లు అమ్ముడయ్యాయి. గతేడాది జులైతో పోలిస్తే విక్రయాలు 51 శాతానికి పైగా పెరిగాయి. మీరు కనుక మారుతి ఫ్రాంక్స్ కారును కొనాలని భావిస్తున్నారా, అయితే మీ వద్ద మొత్తం నగదు లేకపోయినా పరవాలేదు. కొంత డౌన్ పేమెంట్ చేసి కార్ లోన్ ద్వారా మారుతి ఫ్రాంక్స్  సొంతం చేసుకోవచ్చు.

 ఈ క్రాసోవర్ SUV ప్రారంభ ఎక్స్-షోరూమ్ ధర హైదరాబాద్‌లో సుమారు రూ. 6.85 లక్షలుగా ఉంది. మేం మారుతి ఫ్రాంక్స్ వేర్వేరు వేరియంట్ల వివరాలను ఇక్కడ అందిస్తున్నాం. కారు EMI అనేది బ్యాంక్, క్రెడిట్ ప్రొఫైల్, వడ్డీ రేటు, ప్రాసెసింగ్ ఫీజు, డీలర్‌షిప్‌ను బట్టి మారుతుంది.

మారుతి ఫ్రాంక్స్ సిగ్మా MT Petrol
మొదటగా Fronx Sigma MT Petrol మోడల్.. హైదరాబాద్‌లో దీని ఎక్స్-షోరూమ్ ధర రూ. 6,84,900 కాగా, ఆన్-రోడ్ ధర సుమారు రూ. 8.52 లక్షలు ఉంటుంది. మీరు రూ. 1 లక్ష డౌన్ పేమెంట్ చేస్తే, దాదాపు రూ. 7.52 లక్షల లోన్ తీసుకోవాల్సి ఉంటుంది. 9.8 శాతం వడ్డీ రేటుతో 5 సంవత్సరాలకు దీని నెలవారీ EMI సుమారు రూ. 15,201 అవుతుంది. 6 ఏళ్లకు కార్ లోన్ తీసుకుంటే నెలవారీ ఈఎంఐ రూ.13,243 చెల్లించాలి.

మారుతి ఫ్రాంక్స్ డెల్టా ఎంటీ మోడల్ (Fronx Delta MT Petrol)
మారుతి ఫ్రాంక్స్ Delta MT Petrol వేరియంట్ ఎక్స్-షోరూమ్ ధర హైదరాబాద్‌లో రూ. 7,69,900 మరియు ఆన్-రోడ్ ధర సుమారు రూ. 9.24 లక్షలుగా ఉంది. రూ. 1 లక్ష డౌన్ పేమెంట్ చేసిన తర్వాత దాదాపు రూ. 8.24 లక్షల కార్ లోన్ తీసుకోవాల్సి వస్తుంది. 5 ఏళ్ల కాలానికి 9.8 శాతం వడ్డీ రేటును తీసుకుంటే, ప్రతినెల EMI సుమారు రూ. 17,441 అవుతుంది. ఈ లోన్‌పై వడ్డీ దాదాపు రూ. 2.24 లక్షలు అవుతుంది.

మారుతి ఫ్రాంక్స్ Sigma CNG MT
మీరు CNG మోడల్ తీసుకోవాలనుకుంటే మారుతి ఫ్రాంక్స్ Sigma CNG MT చూడవచ్చు. హైదరాబాద్‌లో దీని ఎక్స్-షోరూమ్ ధర రూ. 7,86,400 కాగా, ఆన్-రోడ్ ధర దాదాపు రూ. 9.41 లక్షలు. మీరు రూ. 1 లక్ష డౌన్ పేమెంట్ చెల్లించిన తర్వాత సుమారు రూ. 8.41 లక్షల లోన్ తీసుకోవాల్సి ఉంటుంది. 9.8 శాతం వడ్డీతో 5 ఏళ్లకు కార్ లోన్ తీసుకుంటే ప్రతినెలా EMI దాదాపు రూ. 17,789 అవుతుంది. మీరు చెల్లించే మొత్తం వడ్డీ సుమారు రూ. 2.26 లక్షలు ఉంటుంది.

మారుతి ఫ్రాంక్స్ Fronx Delta Plus Petrol
Delta Plus MT Petrol ఎక్స్-షోరూమ్ ధర హైదరాబాద్‌లో రూ. 8,09,500 కాగా, దీని ఆన్-రోడ్ ధర దాదాపు రూ.9.71 లక్షలు ఉంటుంది. రూ. 1 లక్ష డౌన్ పేమెంట్ తర్వాత మీరు రూ. 8.71 లక్షల లోన్ తీసుకోవాల్సి ఉంటుంది. 5 సంవత్సరాల లోన్, 9.8 శాతం వడ్డీ రేటుతో EMI దాదాపు రూ. 18,490 చెల్లించాలి. మొత్తం లోన్ కాలంలో వడ్డీ సుమారు రూ. 2.33 లక్షల వరకు అవుతుంది. 

కారు డిజైన్ ఎలా ఉంటుంది
మారుతి ఫ్రాంక్స్‌ను కంపెనీ కూపే-స్టైల్ కాంపాక్ట్ SUVగా తీసుకొచ్చింది. దీని డిజైన్ సాధారణ హ్యాచ్‌బ్యాక్ కార్ల కంటే చాలా భిన్నంగా, స్పోర్టీగా అనిపిస్తుంది. కారు ముందు భాగంలో ఎత్తైన బోనెట్, పెద్ద ఆకర్షణీయమైన గ్రిల్, స్టైలిష్ స్పోర్టీ బంపర్, LED డేటైమ్ రన్నింగ్ లైట్లు ఇచ్చారు.  కారు బాడీ డిజైన్‌ను కూడా రోడ్డుపై మరింత వెడల్పుగా, ఎత్తుగా, స్ట్రాంగ్‌గా కనిపించేలా చేశారు.

మీరు తెలుసుకోవాల్సిన ముఖ్య విషయమేమిటంటే, కార్ లోన్ వడ్డీ రేటు మీ బ్యాంక్, క్రెడిట్ ప్రొఫైల్‌ను బట్టి మారవచ్చు. కనుక కొనుగోలు చేసే ముందు NEXA డీలర్‌షిప్‌ను సంప్రదించి ఆన్-రోడ్ ధర, డౌన్ పేమెంట్ ఆప్షన్, వడ్డీ రేటు, EMI వివరాలు స్పష్టంగా తెలుసుకోవాలి. 

మరిన్ని చదవండి

రూ.50 వేల డౌన్‌పేమెంట్‌తో Maruti Alto K10 కొనుగోలు చేస్తే EMI ఎంత చెల్లించాలి?

రూ.1 లక్ష డౌన్ పేమెంట్ చేసి Toyota Hyryder కొంటే EMI ఎంత చెల్లించాలి