Fire Accident: భద్రాద్రి థర్మల్‌ పవర్‌ స్టేషన్‌లో భారీ అగ్నిప్రమాదం, ట్రాన్స్‌ఫార్మర్‌ నుంచి ఒక్కసారిగా మంటలు

Written By : Shankar Dukanam | Updated at : 29 Jun 2024 10:25 PM (IST)

Fire broke out at badradri thermal power plant in Khammam District Fire Accident: భద్రాద్రి థర్మల్‌ పవర్‌ స్టేషన్‌లో భారీ అగ్నిప్రమాదం, ట్రాన్స్‌ఫార్మర్‌ నుంచి ఒక్కసారిగా మంటలు

ఖమ్మం: భద్రాద్రి థర్మల్‌ పవర్‌ స్టేషన్‌లో భారీ అగ్నిప్రమాదం సంభవించింది. ధర్మల్ పవర్ స్టేషన్లోని ఒకటో యూనిట్‌లో శనివారం (జూన్ 29న) రాత్రి అగ్నిప్రమాదం సంభవించింది. ఓ ట్రాన్స్‌ఫార్మర్‌లో నుంచి ఒక్కసారిగా మంటలు ఎగసిపడటంతో అగ్నిప్రమాదం చోటుచేసుకుంది. అగ్ని ప్రమాదం కారణంగా 270 మెగావాట్ల విద్యుత్ ఉత్పత్తికి అంతరాయం ఏర్పడిందని అధికారులు తెలిపారు. ఫైర్ సిబ్బంది వెంటనే అప్రమత్తమై మంటల్ని అదుపులోకి తేవడానికి ప్రయత్నిస్తున్నారు. ప్రమాదానికి గల కారణాలు తెలియాల్సి ఉంది.

(ఇది బ్రేకింగ్ న్యూస్. ప్రస్తుతం దీనిని అప్‌డేట్ చేస్తున్నాం. లేటేస్ట్ అప్‌డేట్‌ కోసం రిఫ్రెష్ చేయండి)

About the author Shankar Dukanam

జర్నలిజంలో గత పదేళ్లుగా పనిచేస్తున్నారు. గత దశాబ్దకాలంలో పలు ప్రముఖ తెలుగు మీడియా సంస్థలలో పనిచేసిన అనుభవం ఆయనకు ఉంది. ఏపీ, తెలంగాణ, జాతీయ, అంతర్జాతీయ, రాజకీయ, వర్తమాన అంశాలపై కథనాలు అందిస్తారు. గ్రాడ్యుయేషన్ పూర్తయ్యాక జర్నలిజం కోర్సు పూర్తిచేసి కెరీర్‌గా ఎంచుకున్నారు. నేషనల్ మీడియాకు చెందిన పలు తెలుగు మీడియా సంస్థలలో సీనియర్ కంటెంట్ రైటర్‌గా సేవలు అందించారు. జర్నలిజంలో వందేళ్లకు పైగా చరిత్ర ఉన్న ఆనంద్ బజార్ పత్రిక నెట్‌వర్క్ (ABP Network)కు చెందిన తెలుగు డిజిటల్ మీడియా ఏబీపీ దేశంలో గత నాలుగేళ్ల నుంచి న్యూస్ ప్రొడ్యూసర్‌గా పనిచేస్తున్నారు.