Crime News: గంజాయి తనిఖీలలో విషాదం, గుండెపోటుతో కానిస్టేబుల్ మృతి

Medchal News | మేడ్చల్ మల్కాజిగిరి జిల్లాలో పోలీసులు గంజాయి తనిఖీలకు వెళ్లగా విషాదం చోటుచేసుకుంది. ఓ కానిస్టేబుల్ గుండెపోటుతో మృతిచెందాడు.

గంజాయి తనిఖీలలో విషాదం, గుండెపోటుతో కానిస్టేబుల్ మృతి

Source : ABP Desam

Constable dies with heart attack | కుత్బుల్లాపూర్: గంజాయి తనిఖీలకు వెళ్లిన కానిస్టేబుల్ గుండెపోటు రావడంతో కుప్పకూలిపోయాడు. ఆస్పత్రికి తరలించేలోగా మృతిచెందడంతో విషాదం నెలకొంది. మేడ్చల్ జిల్లా కుత్బుల్లాపూర్ లో ఈ ఘటన జరిగింది.

ఓ ఇంట్లో గంజాయి అమ్ముతున్నారని సమాచారంతో బాలానగర్ జోన్ ఎస్ఓటి కానిస్టేబుల్ ప్రవీణ్ కొందరు పోలీసులతో కలిసి తనిఖీలకు వెళ్లాడు. ఈ క్రమంలో కానిస్టేబుల్ ప్రవీణ్ అక్కడికక్కడే కుప్పకూలిపోయాడు. వెంటనే గమనించిన తోటి సిబ్బంది చింతల్ లోని ఓ ఆసుపత్రికి తరలించారు. పరీక్షించిన డాక్టర్లు అప్పటికే కానిస్టేబుల్ ప్రవీణ్(39) మృతిచెందాడని నిర్ధారించారు. గుండెపోటు రావడంతో చనిపోయాడని వైద్యులు తెలిపారు. అనంతరం కానిస్టేబుల్ ప్రవీణ్ మృతదేహాన్ని గాంధీ మార్చురీకి తరలించారు. తనిఖీలకు వెళ్లిన సమయంలో కానిస్టేబుల్ గుండెపోటుతో చనిపోవడంతో బాలానగర్ జోన్ ఎస్ఓటి బృందం తీవ్ర దిగ్భ్రాంతి వ్యక్తం చేసింది.

మరిన్ని చదవండి

యూపీలో మరో ముస్కాన్ - ఈమె భర్తను కాదు పిల్లల్ని చంపేసింది - ప్రియుడితో గడపేందుకు అడ్డొస్తున్నారని !

ఇంటికొచ్చిన కోడలు లేచిపోయిందని ప్రచారం చేశారు - కానీ చంపి ఇంటి ముందే పాతి పెట్టారు - వీళ్లు మనుషులేనా?