Bank Holiday Today: వచ్చేవారం బ్యాంకులకు 5 రోజులు సెలవులు.. ఎప్పుడు, ఎక్కడంటే?

ఆర్‌బీఐ ఆదేశాల ప్రకారం బ్యాంకులకు వచ్చే వారం ఐదు రోజులు సెలవులు ఉన్నాయి. ఆయా ప్రాంతాల్లోని వారు సెలవులను అనుసరించి బ్యాంకుల లావాదేవీలు ప్లాన్‌ చేసుకోవడం బెటర్‌!

Banks

బ్యాంకులకు వచ్చే వారం ఐదు రోజులు సెలవులు రానున్నాయి. నవంబర్‌ 21, ఆదివారం నుంచి సెలవులు మొదలవుతాయి. దేశంలోని ఆయా ప్రాంతాలు, అక్కడి పండుగలను అనుసరించి ఈ సెలవులు ఇస్తున్నారు.

ఆర్‌బీఐ నిబంధనల ప్రకారం బ్యాంకులు మూడు రకాలుగా సెలవులు ఉంటాయి. అవే నెగోషబుల్‌ ఇన్‌స్ట్రుమెంట్స్‌ యాక్ట్‌, హాలీడే, రియల్‌ టైం గ్రాస్‌ సెటిల్‌మెంట్‌ హాలీడే- బ్యాంక్స్‌ క్లోజింగ్‌ అకౌంట్స్‌ హాలీడే. ఆర్‌బీఐ నోటిఫై చేసిన ప్రకారం ప్రభుత్వ, ప్రైవేటు, విదేశీ, సహకార, ప్రాంతీయ బ్యాంకులకు సెలవులు ఉంటాయి.

ఆర్‌బీఐ ఆదేశాల ప్రకారం బ్యాంకులకు నవంబర్లో మొత్తం 17 రోజులు సెలవులు ఉన్నాయి. దీపావళి, భాయిదూజ్‌ ఛాత్‌ పూజ, గురునానక్‌ జయంతి సందర్భంగా ఇప్పటికే 12 రోజులు సెలవులు వచ్చాయి. ఇక నవంబర్‌ 21 నుంచి మొదలయ్యే వారంలో ఐదు రోజులు సెలవులు ఉన్నాయి. అవి..

• నవంబర్‌ 21 : ఆదివారం
• నవంబర్‌ 22 : కనకదాస జయంతి సందర్భంగా బెంగళూరులో సెలవు
• నవంబర్‌ 23 :  సెంగ్‌ సుట్సెన్‌ సందర్భంగా షిల్లాంగ్‌లో సెలవు
• నవంబర్‌ 27 : నాలుగో శనివారం
• నవంబర్‌ 28 : ఆదివారం

ఆయా ప్రాంతాల్లోని ప్రజలు సెలవులను అనుసరించి బ్యాంకు లావాదేవీలను ప్లాన్‌ చేసుకోవడం ముఖ్యం. అయితే ఇంటర్నెట్‌ బ్యాంకింగ్‌, ఏటీఎం సౌకర్యాలు 24x7 అందుబాటులో ఉంటాయి.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి