April Bank Holidays : ఐదో తేదీ వరకూ బ్యాంక్ వైపు వెళ్లకండి ! ఎందుకంటే ?

బ్యాంకులకు ఏప్రిల్ నెలలో వరుస సెలవులు ఉన్నాయి. మొత్తంగా తెలుగు రాష్ట్రాల్లో ఏప్రిల్‌లో పదిరోజులకుపైగా సెలవులు బ్యాంకులకు ఉండనున్నాయి. ఎప్పుడెప్పుడు బ్యాంకులకు సెలవు అంటే ?

ఏప్రిల్ నెలలో బ్యాంకులకు వరుస సెలవులు

మార్చి చివరి వారంలో ఉద్యోగుల సమ్మె, వారాంతాలు కారణంగా బ్యాంకులు (  Banks ) పని చేసింది లేదు. పని చేసిన రోజుల్లో ఫైనాన్షియల్ ఇయర్ ఎండింగ్ ( Year Ending ) సందర్భంగా కస్టమర్లకు సేవలు అందించేది కూడా తక్కువే. ఇప్పుడు ఏప్రిల్‌లోనూఅదే పరిస్థితి . ఏప్రిల్ ( April ) ఐదో తేదీ వరకూ బ్యాంకులకు వరుస సెలువులు ఉన్నాయి. దీంతో బ్యాంకులు తెరిచే అవకాశం కనిపించడం లేదు. 

ఏప్రిల్​ 1- 2021-22 ఆర్థిక సంవత్సరానికి సంబంధించి అకౌంట్స్​ క్లోజింగ్​ డే. దేశవ్యాప్తంగా అన్ని బ్యాంకులకు సెలవులు ఉంటాయి.
ఏప్రిల్​ 2- ఉగాది సెలువు 
ఏప్రిల్​ 3- ఆదివారం 
ఏప్రిల్​ 4- సర్హుల్  అనే పండుగ సందర్భంగా సెలవు.అయితే ఇది జార్ఖండ్‌లో మాత్రమే వర్తిస్తుంది. ఇక ఆ తర్వాతి రోజు అంటే ఏప్రిల్ ఐదోతేదీన కూడా సెలవు. 
ఏప్రిల్​ 5- బాబు జగ్జీవన్ రామ్​ ( Jagjeevan Ram jayanti ) జయంతి కావడంతో దేశవ్యాప్తంగా అన్ని బ్యాంకులకు సెలవు ఇస్తారు.  

ప్రారంభంలో వరుస సెలువులే కాదు.. ఏప్రిల్ నెల మొత్తం బ్యాంకులకు వరుస సెలవులు ఉన్నాయి. ఏప్రిల్ నెలలో బ్యాంకులకు మొత్తం 15 రోజులు సెలవులు ( Bank Holidays ) వస్తున్నాయి. ఐదో తేదీ తర్వాత ఎప్పుడెప్పుడు సెలవులు ఉన్నాయంటే 
 

ఏప్రిల్​ 9- రెండో శనివారం(సాధారణ సెలవు)
ఏప్రిల్​ 10- ఆదివారం(సాధారణ సెలవు)
ఏప్రిల్​ 14- డాక్టర్​ బాబాసాహెబ్​ అంబేడ్కర్​ జయంతి  
ఏప్రిల్​ 15- గుడ్​ ఫ్రైడే
ఏప్రిల్​ 17- ఆదివారం(సాధారణ సెలవు)
 ఏప్రిల్​ 23- నాలుగో శనివారం(సాధారణ సెలవు)
ఏప్రిల్​ 24- ఆదివారం(సాధారణ సెలవు) 

భారతదేశంలోని అన్ని ప్రాంతాల్లోని అన్ని బ్యాంకులకు మొత్తం 15 రోజులు సెలవులు ఉండవు. కొన్ని రాష్ట్రాల్లో తక్కువగా ఉంటాయి. రాష్ట్రాన్ని బట్టి సెలవులు మారుతుంటాయి. బ్యాంకుకు వెళ్లే ముందు ఏఏ రోజుల్లో బ్యాంకులకు సెలవులు ఉన్నాయో తెలుసుకుని వెళ్తే ఏ ఇబ్బంది ఉండదు. బ్యాంకులకు సెలవులు ఉన్నప్పటికీ.. ఆన్​లైన్​ లావాదేవీలపై ఎలాంటి ప్రభావం ఉండదు. అన్ని అన్​లైన్​ లావాదేవీలు (  Online Transactions ) 24 గంటలు పని చేస్తాయి. ఏటీఎంలలో కూడా నగదు విత్​డ్రా చేసుకునే వీలుంటుంది.