Why Gold Rates Down: యుద్ధం ఉన్నా బంగారం రేటు ఎందుకు తగ్గుతోంది? - లక్షకు చేరుతుందా?

Gold Rates Down: సాధారణంగా యుద్ధం లాంటి పరిస్థితులు వస్తే బంగారం రేట్లు పెరగాలి. కానీ ఇప్పుడు ఎందుకు తగ్గుతున్నాయి?

యుద్ధం ఉన్నా బంగారం ఎందుకు తగ్గుతోంది? - ఇంకా తగ్గుతాయా?

Source : IANS

Why are gold prices falling despite the war:  యుద్ధం వస్తే బంగారం ధరలు ఆకాశాన్ని తాకుతాయని, తులం ధర రెండు లక్షల రూపాయలకు చేరుకుంటుందని అందరూ ఊహించారు. కానీ, క్షేత్రస్థాయిలో పరిస్థితులు అందుకు భిన్నంగా కనిపిస్తున్నాయి. యుద్ధం మొదలైన తొలిరోజు భారీగా పెరిగిన ధరలు, ఆ తర్వాత క్రమంగా ఎందుకు తగ్గుముఖం పడుతున్నాయి. 

డిస్కౌంటెడ్ వార్ ప్రీమియం  

చాలా సందర్భాల్లో మార్కెట్లు ఏదైనా విపత్తు సంభవించడానికి ముందే స్పందిస్తాయి. రష్యా-ఉక్రెయిన్ లేదా తాజా ఇరాన్-ఇజ్రాయెల్ ఉద్రిక్తతల విషయంలో కూడా యుద్ధం వస్తుందనే అంచనాలతో ధరలు ముందే పెరిగిపోయాయి. యుద్ధం అధికారికంగా మొదలైనప్పుడు, ఆ ప్రభావం ఇప్పటికే ధరల్లో కలిసిపోయి ఉంటుంది. దీంతో కొత్తగా కొనుగోళ్లు పెరగకపోగా, పాత పెట్టుబడిదారులు లాభాలను స్వీకరించడం వల్ల ధరలు తగ్గుతాయి.

డాలర్ బలం

యుద్ధ సమయంలో అనిశ్చితి వల్ల ప్రపంచవ్యాప్తంగా పెట్టుబడిదారులు సురక్షితమైన డాలర్ వైపు మొగ్గు చూపుతారు. అమెరికా డాలర్ ఇండెక్స్ బలపడినప్పుడు, అంతర్జాతీయ మార్కెట్‌లో బంగారం ధర తగ్గుతుంది. దీనికి తోడు అమెరికా బాండ్ యీల్డ్స్ పెరగడం వల్ల, వడ్డీ లేని బంగారంపై పెట్టుబడి కంటే బాండ్లపై పెట్టుబడి లాభదాయకంగా మారుతుంది. ఇది బంగారంపై ఒత్తిడిని పెంచుతుంది.

 లిక్విడిటీ అవసరాలు  

యుద్ధం తీవ్రమైనప్పుడు స్టాక్ మార్కెట్లు కుప్పకూలుతుంటాయి. అప్పుడు ఇన్వెస్టర్లు తమ మార్జిన్ కాల్స్  చెల్లించడానికి లేదా చేతిలో నగదు ఉంచుకోవడానికి అత్యంత సులభంగా అమ్ముడయ్యే బంగారం  వైపు చూస్తారు. భారీగా బంగారాన్ని విక్రయించి నగదుగా మార్చుకోవడం వల్ల మార్కెట్‌లో లభ్యత పెరిగి ధరలు పడిపోతాయి.   

Gold prices drifted lower, weighed down by a stronger dollar and fading prospects of an interest rate cut as inflation concerns intensified against the backdrop of a potentially prolonged Middle East conflict https://t.co/pTb1KngwyC pic.twitter.com/vIXRlvkbB0

— Reuters (@Reuters) March 3, 2026

 ముడి చమురు, ద్రవ్యోల్బణం 
యుద్ధం వల్ల క్రూడాయిల్ ధరలు పెరిగితే, అది ప్రపంచవ్యాప్తంగా ద్రవ్యోల్బణానికి దారితీస్తుంది. దీనిని అరికట్టడానికి సెంట్రల్ బ్యాంకులు  ముఖ్యంగా అమెరికా ఫెడరల్ రిజర్వ్ వడ్డీ రేట్లను తగ్గించకుండా అలాగే ఉంచడం లేదా పెంచడం చేస్తాయి. వడ్డీ రేట్లు ఎక్కువగా ఉన్నంత కాలం బంగారానికి ఉన్న డిమాండ్ తగ్గుతూనే ఉంటుందని నిపుణులు వివరిస్తున్నారు.    

THE FED TRAP.

Oil +35%. Inflation incoming. Higher inflation = Fed hikes rates. Higher rates = gold loses appeal. Gold yields nothing. Cash suddenly yields something. — Commerzbank, WSJ
DOLLAR SURGE.

War = flight to safety = dollar UP. Dollar UP = gold DOWN. Always. No…

— I.V (@I_V_919) March 6, 2026

ప్రస్తుతానికి బంగారం ధరలు తగ్గుతున్నప్పటికీ, యుద్ధం సుదీర్ఘకాలం కొనసాగితే లేదా ఇతర దేశాలకు విస్తరిస్తే మళ్ళీ ధరలు పెరిగే అవకాశం ఉంటుందని విశ్లేషకులు హెచ్చరిస్తున్నారు. కాబట్టి ఇప్పుడు కనిపిస్తున్న తగ్గుదల కేవలం స్వల్పకాలిక సర్దుబాటు మాత్రమేనని భావించాలి.  

 

మరిన్ని చదవండి

తెలుగుజంట అమెరికాలో డాన్స్ రీల్ చేశారు- తల ఎత్తుకోలేకపోతున్నారు !

ప్రజలపై పెట్రోల్ బాంబేసిన పాకిస్తాన్ ప్రభుత్వం - లీటర్‌కు ఏకంగా రూ.55 పెంపు