MD Dhoni Rolls Royce Car: వింటేజ్ రోల్స్ రాయిస్ డ్రైవ్ చేసిన ధోని, రాంచీ రోడ్లపై మాజీ కెప్టెన్ సందడి.. వీడియో వైరల్
MS Dhoni Car Driving Video: రాంచీ రోడ్లపై ధోని తన వింటేజ్ రోల్స్ రాయిస్ కారు డ్రైవింగ్ చేసి సందడి చేశాడు. ధోనీని చూసిన అభిమానులు వీడియోలు తీసి పోస్ట్ చేయగా వైరల్ అవుతున్నాయి.
MS Dhoni Rolls Royce Car: భారత క్రికెట్ జట్టు మాజీ కెప్టెన్ మహేంద్ర సింగ్ ధోనికి బైకులు, కార్లు అంటే ఎంత ఇష్టమో ప్రత్యేకంగా చెప్పనవరం లేదు. ఈ క్రమంలో ధోనీ మరోసారి వార్తల్లో నిలిచారు. తాజాగా ధోనీ వద్ద ఉన్న కార్ కలెక్షన్ గురించి సోషల్ మీడియాలో చర్చ జరుగుతోంది. MS ధోని ఇటీవల జార్ఖండ్ రాజధాని రాంచీ వీధుల్లో వింటేజ్ రోల్స్ రాయిస్ కారు నడుపుతూ కనిపించారు. ధోనీ తన ఫామ్హౌస్ నుండి కారును బయటకు తీసిన వెంటనే అభిమానులు ఆయన కారు వెంట పరుగులు తీశారు. ధోనీ ధోనీ అంటూ అరుస్తూ రోల్స్ రాయిస్ కారును ఛేజ్ చేసే ప్రయత్నం చేశారు.
ధోని కారు కోసం అభిమానులు పరుగులు
ధోనికి కార్లు, బైక్లంటే ఎంత ఇష్టమో తెలిసిందే. మాజీ కెప్టెన్ తరచుగా తన లగ్జరీ కార్లు, బైక్స్ కలెక్షన్ తో వార్తల్లో నిలుస్తుంటారు. ఈసారి ఆయన రోల్స్ రాయిస్ కారును డ్రైవ్ చేస్తూ కనిపించారు. ఆ రోల్స్ రాయిస్ కారు చూడటానికి చాలా క్లాసిక్గా, రాయల్ లుక్తో ఉంది. రాంచీ రోడ్లపై ధోనీ కారు వెళుతుండగా, అక్కడున్న అభిమానులు ఒక్కసారిగా ఆశ్చర్యపోయారు. కొందరు ఫ్యాన్స్ ధోనీ డ్రైవ్ చేస్తున్న కారును వెంబడించారు. చాలా మంది తమ మొబైల్స్లో ధోనీ రోల్స్ రాయిస్ కారు డ్రైవ్ చేస్తున్న వీడియోలు, ఫొటోలు తీశారు. వాటిని సోషల్ మీడియాలో పోస్ట్ చేయడంతో వైరల్ అవుతున్నాయి.
MS Dhoni with his vintage Rolls-Royce on the streets of Ranchi 😍 pic.twitter.com/svT4agvKwN
— Ne𝟘n (@7_MSDthala) September 7, 2025
ఎంఎస్ ధోనీ అంతర్జాతీయ క్రికెట్కు రిటర్మెంట్ ప్రకటించారు. ప్రస్తుతం ఇండియన్ ప్రీమియర్ లీగ్ లో మాత్రమే ఆడుతున్నాడు. చెన్నై సూపర్ కింగ్స్ కెప్టెన్ గా సేవలు అందించిన ధోనీ 5 సార్లు సీఎస్కేను ఐపీఎల్ ఛాంపియన్గా నిలిపాడు. వచ్చే సీజన్ వరకు ఫిట్ గా ఉండే ఐపీఎల్ 2026లో ఆడతానని ధోనీ ఇదివరకే స్పష్టం చేశాడు. ధోనీ సేవలు తమకు ఎప్పటికీ అవసరమని సీఎస్కే ఫ్రాంచైజీ సైతం పేర్కొంది.
టాప్ హెడ్ లైన్స్
ట్రెండింగ్ వార్తలు
