కొత్త TVS Raider 125లో అదిరిపోయే సేఫ్టీ అప్డేట్స్ - ఈసారి ABSతో రియర్ డిస్క్ బ్రేక్
కొత్త TVS Raider 125 రియర్ డిస్క్ బ్రేక్, సింగిల్ ఛానల్ ABSతో ఈ క్లాస్లో ప్రత్యేకంగా నిలుస్తోంది. ఈ ఫెస్టివ్ సీజన్లోనే ఈ బైక్ లాంచ్ అవుతుందని అంచనా.
TVS Raider 125 ABS Rear Disc Brake Update 2025: భారత మార్కెట్లో 125cc సెగ్మెంట్లో TVS Raider 125 ఎప్పుడూ యువతలో క్రేజ్ ఉన్న బైక్. 2021లో లాంచ్ అయినప్పటి నుంచి ఇది TVS కి మంచి సక్సెస్ ఇచ్చింది. ఇప్పుడు ఈ బైక్కి కొత్త అప్డేట్స్ రాబోతున్నాయి. ముఖ్యంగా సేఫ్టీ పరంగా ఇది పెద్ద మార్పుల్ని తీసుకురానుంది.
రియర్ డిస్క్ బ్రేక్తో మరింత స్పెషల్
ఇప్పటి వరకు, Raider 125లో ఫ్రంట్ డిస్క్ బ్రేక్ మాత్రమే ఉండేది. సోషల్ మీడియాలో సర్క్యులేట్ అవుతున్న ఒక వీడియో ప్రకారం, ఇప్పుడు, Raider 125లో రియర్ డిస్క్ బ్రేక్ కూడా వస్తోంది. ఇది, ఈ సెగ్మెంట్లో ఉన్న Honda CB125 Hornet, Bajaj Pulsar NS125, Hero Xtreme 125R లాంటి రైవల్స్కి పెద్ద షాక్. ఎందుకంటే అవన్నీ ఇంకా రియర్ డ్రమ్ బ్రేక్ మీదనే ఆధారపడుతున్నాయి. Raider 125 మాత్రం రియర్ డిస్క్ బ్రేక్తో వచ్చి ప్రత్యేకతను చాటుకోనుంది.
ABS అప్డేట్
కొత్త Raider 125లో సింగిల్ ఛానల్ ABS కూడా వస్తోంది. ఇది Apache RTR లో ఉన్న సిస్టమ్లా కనిపిస్తోంది. దీంతో, వేగంలోనూ రోడ్డుపై సేఫ్టీ పెరగడం ఖాయం. 2026 జనవరి నుంచి ABS తప్పనిసరి కాబట్టి, TVS ముందుగానే ఈ అప్డేట్ని తీసుకొచ్చింది. ఫెస్టివ్ సీజన్ సేల్స్ని కూడా టార్గెట్ చేసినట్లు స్పష్టంగా కనిపిస్తోంది.
టైర్ సైజులు కూడా మారాయి
Raider 125 కొత్త మోడల్లో టైర్ సైజులు కూడా పెద్దవిగా కనిపిస్తున్నాయి. ముందు టైర్ 90/90-17, వెనుక టైర్ 110/80-17 గా ఉన్నాయి. ఇప్పటి వేరియంట్లలో ఇవి 80/100-17, 100/90-17 గా ఉన్నాయి. ఈ మార్పులు హ్యాండ్లింగ్, గ్రిప్ రెండింటినీ మెరుగుపరుస్తాయి.
వేరియంట్స్ డిటైల్స్
వీడియోలో కనిపించిన Raider 125 iGo వేరియంట్ ఆధారంగా ఉందనిపిస్తోంది. ఇందులో కలర్ LCD డిస్ప్లే ఇచ్చారు. కానీ, టాప్ వేరియంట్ SXలో వచ్చే 5 అంగుళాల TFT డిస్ప్లే మాత్రం ఇందులో లేదు. అయితే రాబోయే రోజుల్లో SX వేరియంట్కీ ABS, రియర్ డిస్క్ బ్రేక్ అప్డేట్ వచ్చే అవకాశం ఉంది.
ఇంజిన్లో మార్పుల్లేవు
మెకానికల్గా మాత్రం పెద్ద మార్పులు లేవు. 124.8cc సింగిల్ సిలిండర్ ఇంజిన్నే కొనసాగిస్తున్నారు. ఇది 11.4hp పవర్, 11.2Nm టార్క్ ఇస్తుంది. అంటే పర్ఫార్మెన్స్ అలాగే ఉంటుంది కానీ సేఫ్టీ, స్టైల్ మాత్రం మరింత బలోపేతం అవుతాయి.
లాంచ్ & ధర
ఈ బైక్ ఇప్పటికే కొన్ని డీలర్షిప్ల వద్ద కనిపించింది. అందువల్ల అధికారిక లాంచ్ చాలా త్వరలోనే అనౌన్స్ అయ్యే అవకాశం ఉంది. ధర విషయానికి వస్తే, చిన్న అప్డేట్ అయినా సేఫ్టీ ఫీచర్ జోడించినందువల్ల ధర కాస్త పెరిగే అవకాశం ఉంది.
యూత్కు నచ్చే పాయింట్స్
రియర్ డిస్క్ బ్రేక్ ప్రత్యేకత
సింగిల్ ఛానల్ ABS సేఫ్టీ ఫీచర్
కొత్త టైర్ సైజులు
LCD డిస్ప్లేతో మిడ్ స్పెక్ వేరియంట్ కూడా అప్డేట్
మెరుగుపరచాల్సిన పాయింట్స్
టాప్ వేరియంట్లో ఫుల్ TFT స్క్రీన్ ఇవ్వడం అవసరం
ధర పెరగొచ్చనే అంచనా
కొత్త 2025 TVS Raider 125 ఇప్పుడు యువతకి మరింత ఆకర్షణీయంగా మారబోతోంది. రియర్ డిస్క్ బ్రేక్, ABS ఫీచర్తో ఇది తన క్లాస్లో యూనిక్ ఆప్షన్గా నిలుస్తుంది.
టాప్ హెడ్ లైన్స్
ట్రెండింగ్ వార్తలు
