Tata Nexon లేదా Nissan Magnite .. ధర, మైలేజ్, ఫీచర్ల పరంగా ఏ కారు కొనడం మంచిది?

నిస్సాన్ మాగ్నైట్ తక్కువ ధర, మంచి మైలేజ్, సిటీ డ్రైవింగ్‌కు అనుకూలమైన ఫీచర్లతో రాగా, టాటా నెక్సాన్ 5 స్టార్ సేఫ్టీ, ప్రీమియం ఇంటీరియర్‌తో ఫ్యామిలీ జర్నీకి సరిపోతుంది.

టాటా నెక్సాన్, నిస్సాన్ మాగ్నైట్

Source : Tata Nexon/Nissan Magnite

Show Quick Read

Key points generated by AI, verified by newsroom

• కాంపాక్ట్ SUVల క్రేజ్: నెక్సాన్, మాగ్నైట్ కార్లు కస్టమర్లను ఆకట్టుకుంటున్నాయి.
• ధర: నిస్సాన్ మాగ్నైట్ టాటా నెక్సాన్ కంటే తక్కువ ధరకే లభిస్తుంది.
• ఇంటీరియర్: టాటా నెక్సాన్ ప్రీమియం ఫీచర్లతో మెరుగైన అనుభూతిని ఇస్తుంది.
• సేఫ్టీ: టాటా నెక్సాన్ 5-స్టార్ రేటింగ్‌తో అత్యంత సురక్షితమైన SUV.
• ఇంజిన్, మైలేజ్: నెక్సాన్ పవర్‌ఫుల్, మాగ్నైట్ సిటీలో పొదుపుగా ఉంటుంది.

ప్రస్తుతం భారత ఆటో మార్కెట్లో కాంపాక్ట్ SUVలకు సైతం క్రేజ్ వేగంగా పెరుగుతోంది. ఫీచర్లు, లగ్జరీకి సైతం అధిక ప్రాధాన్యత ఇస్తున్నారు. దాంతో ఇప్పుడు చిన్న హ్యాచ్‌బ్యాక్ కార్ల కంటే సూపర్ లుక్, మంచి గ్రౌండ్ క్లియరెన్స్, ఎక్కువ స్పేస్, మోడ్రన్ ఫీచర్లు ఉన్న SUVలను కొనడానికే ఆసక్తి చూపుతున్నారు. ముఖ్యంగా టాటా నెక్సాన్ (Tata Nexon), నిస్సాన్ మాగ్నైట్ (Nissan Magnite) వంటి కార్ల మధ్య మార్కెట్లో గట్టి పోటీ నెలకొంది. 

ఒకవైపు టాటా నెక్సాన్ తన స్ట్రాంగ్ బాడీ, సేఫ్టీ, ప్రీమియం ఫీచర్లతో కస్టమర్లను ఆకర్షిస్తోంది. మరోవైపు నిస్సాన్ మాగ్నైట్ తక్కువ ధరలో అద్భుతమైన ఫీచర్లు, మంచి మైలేజ్ ద్వారా విక్రయాలను పెంచుకునే ప్రయత్నం చేస్తోంది. ఇటువంటి పరిస్థితిలో చాలా మంది ఈ రెండు SUVల మధ్య ఏ కారు తమకు మరింత మెరుగ్గా ఉంటుందనే విషయంలో క్లారిటీ లేక ఆలోచిస్తుంటారు. 

రెండు కార్ల ధరలు
అన్నింటికంటే ముందుగా ధరల విషయానికి వస్తే, టాటా నెక్సాన్ ధర ₹7.37 లక్షల రూపాయలుగా ఉంది. నిస్సాన్ మాగ్నైట్ మరింత బడ్జెట్ ఫ్రెండ్లీ SUVగా భావిస్తారు. దీని ప్రారంభ ధర ₹5.65 లక్షలు, ఇది టాటా నెక్సాన్ కంటే చాలా తక్కువ ధర కావడంతో కొనుగోళ్లు బాగుంటాయి. కాగా నిస్సాన్ మాగ్నైట్ ఒక బెటర్ ఎస్‌యూవీగా మారుతుంది.

కార్ల ఇంటీరియర్, ఫీచర్లు
ఇంటీరియర్, కేబిన్ విషయానికి వస్తే, టాటా నెక్సాన్ మరింత ప్రీమియం ఎక్స్‌పీరియన్స్ ఇస్తుంది. దీని లోపల కూర్చోగానే మోడరన్ డిజైన్, మెరుగైన క్వాలిటీ స్పష్టంగా గుర్తిస్తారు. ఇందులో పెద్ద టచ్‌స్క్రీన్ ఇన్‌ఫోటైన్‌మెంట్ సిస్టమ్, పనోరమిక్ సన్‌రూఫ్, వైర్‌లెస్ చార్జింగ్, డిజిటల్ ఇన్‌స్ట్రుమెంట్ క్లస్టర్, వెంటిలేటెడ్ సీట్లు మరియు JBL సౌండ్ సిస్టమ్ వంటి ఫీచర్లు వస్తాయి. టాటా నెక్సాన్ కేబిన్ మరింత ప్రీమియం, ఫ్యూచరిస్టిక్‌గా కనిపిస్తుంది.

మరోవైపు నిస్సాన్ మాగ్నైట్‌లో కూడా మంచి కేబిన్ ఇచ్చారు. కానీ ఫీచర్లు కొంచెం తక్కువగా అనిపిస్తాయి. అయితే దీని సీటింగ్ చాలా కంఫర్టుగా ఉంటుంది. వెనుక కూర్చునే వారికి కూడా మంచి లెగ్‌రూమ్ లభిస్తుంది. తక్కువ ధరలో కావాల్సిన ఫీచర్లు, సౌకర్యవంతమైన SUVని కోరుకునే వారికి నిస్సాన్ మాగ్నైట్ బెస్ట్ ఛాయిస్. 

కారు సేఫ్టీ ఎలా ఉంది?
సేఫ్టీ విషయంలో టాటా నెక్సాన్ బలమైన SUVగా నిలుస్తుంది. ఇది గ్లోబల్ NCAP (Global NCAP),భారత్ NCAP (Bharat NCAP) రెండింటిలోనూ 5 స్టార్ సేఫ్టీ రేటింగ్‌ సాధించింది. ఇందులో 6 ఎయిర్‌బ్యాగ్‌లు, 360 డిగ్రీ కెమెరా, ఎలక్ట్రానిక్ స్టెబిలిటీ కంట్రోల్, హిల్ హోల్డ్ కంట్రోల్, ADAS వంటి ఆధునిక సేఫ్టీ ఫీచర్లు లభిస్తాయి.

కుటుంబ సమేతంగా లాంగ్ జర్నీ చేసే కస్టమర్లు నెక్సాన్‌ను మరింత సురక్షితమైన SUVగా భావిస్తారు. మరోవైపు నిస్సాన్ మాగ్నైట్ కూడా భద్రత విషయంలో మంచి SUVగా ఉంది. ఇందులో కూడా ట్రాక్షన్ కంట్రోల్,  6 ఎయిర్‌బ్యాగ్‌లు, ABS, కెమెరా వంటి ఫీచర్లు ఉన్నాయి. అయితే బిల్డ్ క్వాలిటీ, సేఫ్టీ ఫీల్ విషయానికి వస్తే నెక్సాన్ ఎక్కువ దృఢంగా అనిపిస్తుంది.

ఇంజిన్, పర్ఫార్మెన్స్
ఇంజిన్, పర్ఫార్మెన్స్ విషయానికి వస్తే, టాటా నెక్సాన్ పవర్‌ఫుల్ SUVగా చెబుతారు. ఇందులో పెట్రోల్, డీజిల్, CNG వంటి పలు ఇంజిన్ ఆప్షన్లు లభిస్తాయి. దీని టర్బో పెట్రోల్ ఇంజిన్ చాలా పవర్‌ఫుల్ పర్ఫార్మెన్స్ ఇస్తుంది. హైవేలపై కారు చాలా స్టేబుల్‌గా వెళ్తుంది. కాగా నిస్సాన్ మాగ్నైట్‌లో పెట్రోల్, టర్బో పెట్రోల్ ఇంజిన్ ఆప్షన్లు అందుబాటులో ఉన్నాయి. సిటీ ట్రాఫిక్‌లో మాగ్నైట్ డ్రైవ్ చేయడం చాలా సులభం. దీని CVT ఆటోమేటిక్ గేర్‌బాక్స్ స్మూత్ డ్రైవింగ్ ఎక్స్‌పీరియన్స్ ఇస్తుంది. అయితే ఎవరైనా ఎక్కువ పవర్, లాంగ్ జర్నీ ప్రయాణాల కోసం SUVని కోరుకుంటే, నెక్సాన్ మరింత మెరుగైన ఆప్షన్‌గా చెప్పవచ్చు. 

మైలేజ్ విషయానికి వస్తే, నిస్సాన్ మాగ్నైట్ కొంచెం ఎక్కువ పొదుపుగా ఉంటుంది. దీని ఇంజిన్ సిటీలో మంచి మైలేజ్ ఇస్తుంది. ప్రతిరోజూ ఆఫీస్‌కు వెళ్లి వచ్చే వారికి బెస్ట్ ఆప్షన్. మరోవైపు, టాటా నెక్సాన్‌లో ఎక్కువ పవర్, భారీ బాడీ ఉండటం వల్ల మైలేజ్ కొంచెం తక్కువగా ఇస్తుంది. అయినప్పటికీ, లాంగ్ జర్నీ చేసే వారికి నెక్సాన్ డీజిల్, CNG వేరియంట్లు చాలా ప్రయోజనకరంగా భావిస్తారు.

మరిన్ని చదవండి

ఇంధన ధరల టెన్షన్‌కు చెక్.. మార్కెట్లో బెస్ట్ హైబ్రిడ్ కార్లు ఇవే.. వర్కౌట్ అవుతుందా ?

ఆఫీసుకు వెళ్లేవారికి అద్భుతమైన మైలేజ్ ఇచ్చే టాప్ 5 హైబ్రిడ్ కార్లు ఇవే