Maruti Victoris రియల్ వరల్డ్ మైలేజ్ టెస్ట్ - సిటీలో ఎంత ఇచ్చింది?, హైవేపై ఎంత చూపించింది?
Maruti Victoris AWD రియల్ వరల్డ్ మైలేజ్ టెస్ట్లో, ARAI క్లైమ్ చేసిన 19.07kpl మైలేజ్ కంటే చాలా తక్కువగా ఇచ్చింది. ఎందుకు తక్కువగా వచ్చింది, అసలు రిజల్ట్స్ ఏంటో తెలుసుకోండి.
Maruti Victoris AWD Mileage: మారుతి ఇటీవల లాంచ్ చేసిన విక్టోరిస్ AWD (ఆల్ వీల్ డ్రైవ్) మోడల్ మార్కెట్లో హాట్ టాపిక్ అయింది. ముఖ్యంగా, ఈ SUV ఎన్ని కిలోమీటర్లు మైలేజ్ ఇస్తుందనే విషయం గురించి చాలా మంది ఆసక్తిగా తెలుసుకుంటున్నారు. ARAI సర్టిఫై చేసిన ప్రకారం ఈ మోడల్ 19.07kpl మైలేజ్ ఇస్తుంది. అయితే, రియల్ వరల్డ్లోనూ నిజంగానే అటువంటి ఫలితం వచ్చిందా? - ఈ ప్రశ్నకు సమాధానం తెలుసుకోవడానికి జరిగిన టెస్ట్ రిజల్ట్స్ను ఇప్పుడు సులభంగా అర్థమయ్యేలా మీకు చెబుతున్నాం.
Victoris AWD బరువు FWD కంటే 100kg ఎక్కువ
FWD (ఫ్రంట్ వీల్ డ్రైవ్) వెర్షన్తో పోలిస్తే Victoris AWD సుమారు 100kg ఎక్కువ బరువు ఉంటుంది. దీంతో ఇంజిన్పై లోడ్ పెరగడమే కాక, ఫ్యూయల్ ఎఫిషెన్సీ కూడా తగ్గుతుంది. ఈ కారణంగా AWD మోడల్ ARAI సర్టిఫైడ్ మైలేజ్ కూడా 1.99kpl తక్కువగా ఉంటుంది.
1.5-లీటర్ పెట్రోల్ మైల్డ్-హైబ్రిడ్ ఇంజిన్
ఈ SUVలో 103hp 1.5L మైల్డ్-హైబ్రిడ్ పెట్రోల్ ఇంజిన్, 6-స్పీడ్ Aisin ఆటోమేటిక్ గేర్బాక్స్ ఉన్నాయి.Victoris FWDకు వచ్చినట్లుగానే ఇవి AWDకూ వచ్చాయి. ఈ పవర్ట్రెయిన్ డ్రైవింగ్లో స్మూత్గా ఉండడం ఒక్కటే కాక, కంఫర్ట్గా కూడా అనిపిస్తుంది. అయితే AWD సిస్టమ్ కారణంగా ఇంధన వినియోగం పెరగడం సహజం.
సిటీలో 8.93kpl మాత్రమే
రియల్ వరల్డ్ టెస్ట్లో Victoris AWD ఇచ్చిన సిటీ మైలేజ్ మాత్రం ఆశ్చర్యపరిచేంత తక్కువగా ఉంది.
సిటీ మైలేజ్: 8.93kpl
హై టెంపరేచర్స్ (37°C వరకు) కారణంగా ఆటో స్టార్ట్/స్టాప్ ఎక్కువసేపు పనిచేయకపోవడం, ట్రాఫిక్లో స్టాప్-అండ్-గో పరిస్థితులు ఉండడం వల్ల మైలేజ్ పడిపోయినట్టు టెస్ట్ టీమ్ వెల్లడించింది.
హైవే మీద 14.62kpl
ఖాళీ రోడ్లు, స్థిరమైన స్పీడ్ ఉన్నప్పుడు Victoris AWD కొంచెం బెటర్గా పెర్ఫార్మ్ చేసింది.
హైవే మైలేజ్: 14.62kpl
AWD సిస్టమ్ ఉన్న SUVకి ఇది ఓకే అనిపించే నంబర్.
మొత్తం సరాసరి మైలేజ్ 11.78kpl
సిటీ + హైవే కంబైన్డ్ రిజల్ట్ చూసుకుంటే:
టెస్ట్ చేసిన యావరేజ్ మైలేజ్: 11.78kpl
అంటే ARAI చెప్పిన 19.07kpl కంటే 7.29kpl తక్కువ.
ఈ సంఖ్యను చూసినప్పుడు Victoris AWD కొనదలచుకున్నవారికి ఇది ఒక రియలిస్టిక్ అంచనా అవుతుంది. ముఖ్యంగా, రోజూ నగరంలో ఎక్కువ డ్రైవింగ్ చేసేవాళ్లు మైలేజ్ విషయంలో అసంతృప్తికి ముందుగానే రెడీగా ఉండాలి.
Grand Vitara తో పోలిస్తే ఎలా ఉంది?
మెకానికల్గా Victoris & Grand Vitara చాలా దగ్గరగా ఉంటాయి. Grand Vitara FWD ఆటోమేటిక్ టెస్ట్లో 13.45kpl సగటు మైలేజ్ ఇచ్చింది. అంటే AWD సిస్టమ్ ఉన్న Victoris కంటే అది కొంచెం మంచి ఫ్యూయల్ ఎఫిషెన్సీ ఇస్తుంది.
టెస్ట్ ఎలా చేశారు?
- ఎక్స్పర్ట్ టీమ్ చేసిన ఈ టెస్ట్ చాలా స్టాండర్డ్ పద్ధతిలో జరిగింది:
- టైర్ ప్రెషర్ కంపెనీ సూచించినట్టు ఉంచడం
- ఎయిర్ కండీషనర్, మ్యూజిక్, వైపర్లు వంటివన్నీ నిజ జీవిత డ్రైవింగ్ మాదిరిగానే ఉంచడం
- ట్యాంక్ ఫుల్ చేసి ప్రారంభించడం
- సిటీ & హైవేలో ఫిక్స్డ్ లూప్స్
- ప్రతి రౌండ్ తర్వాత మళ్లీ ట్యాంక్ ఫుల్ చేసి కచ్చితమైన మైలేజ్ గణన
- ఈ విధానం వల్ల ఫలితాలు మరింత ఖచ్చితంగా వచ్చాయని చెప్పవచ్చు.
మీరు Victoris AWD కొనాలని చూస్తే... పెర్ఫార్మెన్స్, కంఫర్ట్, సేఫ్టీ పరంగా మంచి SUV అవుతుంది. కానీ మైలేజ్ మాత్రం ఎక్కువ ఆశించకపోవడం మంచిది. AWD ఉన్న కారణంగా ఇంధన వినియోగం సహజంగానే పెరుగుతుంది.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
