Alto 2022: త్వరలో ఆల్టో కొత్త మోడల్ కూడా... బడ్జెట్‌లో సూపర్ కారు!

మారుతి సుజుకి ఆల్టో 2022 వేరియంట్ త్వరలో లాంచ్ కానుందని తెలుస్తోంది.

మారుతి సుజుకి ఆల్టో 2022 త్వరలో లాంచ్ కానుందని తెలుస్తోంది.

మారుతి సుజుకి ఇటీవలే సెలెరియో కారును లాంచ్ చేసిన సంగతి తెలిసిందే. ఇప్పుడు మారుతి తర్వాతి తరం మోడల్స్ కూడా త్వరలో లాంచ్ కానున్నట్లు తెలుస్తోంది. కంపెనీ ఇప్పటికే రెండో తరం బలెనో, బ్రెజా కార్లను రూపొందిస్తుంది. దీంతోపాటు ఎంట్రీ లెవల్‌లో కొత్త తరం ఆల్టో కారును కూడా మారుతి సుజుకి రూపొందిస్తున్నట్లు తెలుస్తోంది.

ఈ కారు ఇప్పటికే టెస్టింగ్‌లో కనిపించింది. దీనికి సంబంధించిన స్పై షాట్లు కూడా ఇప్పటికే ఆన్‌లైన్‌లో కనిపించాయి. ప్రస్తుతం ఉన్న కారు కంటే దీని డిజైన్ కాస్త కొత్తగా ఉండనుంది. దీని లెంత్ కూడా పెరగనుందని తెలుస్తోంది. అంటే కారు పొడవు కూడా పెరగనుందన్న మాట. అలాగే కారు మరింత విశాలంగా కూడా ఉండనుంది.

ఈ కొత్త ఆల్టో కారు.. సెలెరియో ఆధారంగా రూపొందనుందని తెలుస్తోంది. కొత్త హెడ్‌లైట్ డిజైన్, రీడిజైన్ చేసిన బంపర్లు, కొత్త టెయిల్ లైట్స్ కూడా ఇందులో చూడవచ్చు. దీని ఇంటీరియల్ లే అవుట్‌లో కూడా పలు మార్పులు చేశారు. కొత్త టచ్ స్క్రీన్ సిస్టం, పవర్ విండోస్, యాబ్స్, డ్యుయల్ ఫ్రంట్ ఎయిర్ బ్యాగ్స్, రివర్స్ పార్కింగ్ సెన్సార్లు కూడా ఇందులో ఉండనున్నాయి.

796 సీసీ పెట్రోల్ ఇంజిన్ ఇందులో ఉండనుందని తెలుస్తోంది. 47 బీహెచ్‌పీ, 69 ఎన్ఎం పీక్ టార్క్‌ను ఇది అందించనుంది. ఇందులో ఫైవ్-స్పీడ్ మ్యాన్యువల్ గేర్ బాక్స్ ఉండనుంది. కొత్త తరం ఆల్టోలో కూడా ఇదే గేర్ బాక్స్‌ను అందించనున్నారని సమాచారం.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి