Tata Punch EV: టాటా పంచ్‌ ఎలక్ట్రిక్‌లో కొత్త '6 ఇన్ 1 డ్రైవ్‌ట్రైన్‌' టెక్నాలజీ - దీనివల్ల మనకు ఇన్ని లాభాలు!

Tata Punch EV: టాటా పంచ్‌ ఎలక్ట్రిక్‌లో కొత్త '6 ఇన్ 1 డ్రైవ్‌ట్రైన్‌' యూనిట్‌ వచ్చేసింది. సైజ్‌, బరువు తగ్గించి, ధర తగ్గించి, ఎఫిషియెన్సీ పెంచడంలో ఈ టెక్నాలజీ కీలక పాత్ర పోషించింది.

టాటా పంచ్‌ ఎలక్ట్రిక్‌లో కొత్త '6 ఇన్ 1 డ్రైవ్‌ట్రైన్‌' టెక్నాలజీ - దీనివల్ల మనకు ఇన్ని లాభాలు!

Source : Social Media

Show Quick Read

Key points generated by AI, verified by newsroom

• టాటా పంచ్ EVలో 6-ఇన్-1 డ్రైవ్‌ట్రైన్ పరిచయం చేయబడింది.
• ఇది ఈ-మోటార్, గేర్, ఇన్వర్టర్, కన్వర్టర్, PD, ఛార్జర్‌లను ఏకం చేస్తుంది.
• ఈ ఇంటిగ్రేషన్ పరిమాణం, బరువు తగ్గించి, సామర్థ్యం పెంచుతుంది.
• తయారీ ఖర్చు తగ్గి, వాహన ధర ఆకర్షణీయంగా మారుతుంది.

Tata Punch EV Motor: భారతదేశంలో ఎలక్ట్రిక్‌ వాహనాల మార్కెట్‌ వేగంగా పెరుగుతోంది. ఈ పోటీలో ముందంజలో ఉన్న కంపెనీ అంటే Tata Motors. తాజాగా అప్‌డేట్‌ చేసిన "టాటా పంచ్‌ ఈవీ"లో టాటా కొత్తగా పరిచయం చేసిన 6 ఇన్ 1 డ్రైవ్‌ట్రైన్‌ ‍‌(Tata Punch EV’s new 6-in-1 EV drivetrain) ఇప్పుడు ఆటో రంగంలో హాట్‌ టాపిక్‌గా మారింది.

ఇప్పటివరకు చాలా ఎలక్ట్రిక్‌ కార్లలో 3 ఇన్ 1 సిస్టమ్‌ ఉండేది. అంటే ఇ-మోటార్‌, రిడక్షన్‌ గేర్‌, ఇన్వర్టర్‌ను ఒకే యూనిట్‌గా కలిపి వాడేవారు. కానీ పంచ్‌ ఎలక్ట్రిక్‌లో టాటా దీనిని మరో లెవల్‌కు తీసుకెళ్లింది.

6 ఇన్ 1 డ్రైవ్‌ట్రైన్‌లో ఏమేం ఉన్నాయి?

• ఈ కొత్త యూనిట్‌లో
• ఇ-మోటార్‌
• రిడక్షన్‌ గేర్‌
• ఇన్వర్టర్‌
• DC-DC కన్వర్టర్‌
• పవర్‌ డిస్ట్రిబ్యూషన్‌ యూనిట్‌ (PDU)
• ఆన్‌బోర్డ్‌ చార్జర్‌

వీటన్నింటినీ ఒకే కాంపాక్ట్‌ యూనిట్‌గా అమర్చారు. దీని వల్ల వేర్వేరు భాగాలు, కనెక్షన్లు, కంట్రోలర్లు తగ్గాయి.

యూజర్లకు లాభం ఏమిటి?

ఈ కొత్త సిస్టమ్‌ వల్ల:

• ప్యాకేజింగ్‌ సైజ్‌ 50 శాతం తగ్గింది
• బరువు 28 శాతం తగ్గింది
• ఎఫిషియెన్సీ 6 శాతం పెరిగింది
• ఎలక్ట్రికల్‌ హార్నెస్‌లు, కనెక్షన్లు 30 శాతం తగ్గాయి
• సెమీకండక్టర్లు 40 శాతం తక్కువగా వాడారు
• సెమీకండక్టర్లు, హార్నెస్‌లు తగ్గడంతో తయారీ ఖర్చు తగ్గింది. ఈ కారణంగా పంచ్‌ ఎలక్ట్రిక్‌ ధరను కూడా మరింత ఆకర్షణీయంగా ఉంచగలిగింది.

బోనెట్‌ ఓపెన్‌ చేస్తే ఏం కనిపిస్తుంది?

పంచ్‌ ఎలక్ట్రిక్‌ బోనెట్‌ ఓపెన్‌ చేస్తే ఈ 6 ఇన్ 1 యూనిట్‌ క్రింద భాగంలో కాంపాక్ట్‌గా (తక్కువ స్థలంలోనే) అమర్చినట్టు స్పష్టంగా కనిపిస్తుంది. పై భాగంలో ఖాళీ స్పేస్‌ కూడా కనిపిస్తుంది. అయితే ఆ స్పేస్‌ను ఫ్రంక్‌గా ఇంకా విస్తరించలేదు. భవిష్యత్తులో టాటా ఈ అంశాన్ని పరిగణలోకి తీసుకునే అవకాశం ఉంది.

భవిష్యత్తు ఇదేనా?

టాటా మోటార్స్‌ వైస్‌ ప్రెసిడెంట్‌ ఆనంద్‌ కులకర్ణి చెప్పిన ప్రకారం, ఈ తరహా x ఇన్ 1 ఇంటిగ్రేషన్‌ అనేది భవిష్యత్తు దిశ. అయితే ప్రతి మోడల్‌కు అవసరాన్ని బట్టి యూనిట్ల సంఖ్య మారుతుంది. ఉదాహరణకు, రాబోయే "Tata Sierra EV"లో ఆల్‌ వీల్‌ డ్రైవ్‌ ఉంటే, రెండు 6 ఇన్ 1 యూనిట్ల అవసరం ఉండకపోవచ్చు. ఒక యాక్సిల్‌కు 6 ఇన్ 1, మరో యాక్సిల్‌కు 4 లేదా 5 ఇన్ 1 యూనిట్‌ వాడే అవకాశం ఉంది.

లోపాలు కూడా ఉన్నాయి!

ఇలాంటి ఇంటిగ్రేటెడ్‌ సిస్టమ్‌లలో ఒక భాగంలో సమస్య వస్తే మొత్తం యూనిట్‌ మార్చాల్సి రావచ్చు. దీంతో సర్వీస్‌ ఖర్చు పెరిగే అవకాశం ఉంది. కానీ టాటా చెప్పే మాట ఏమిటంటే - భాగాలు తక్కువగా ఉండటం వల్ల సమస్యలు కూడా తక్కువగానే వస్తాయి. తయారీ క్లిష్టత తగ్గడంతో విశ్వసనీయత పెరుగుతుంది.

భవిష్యత్తులో, హై వోల్టేజ్‌పై నడిచే ఎలక్ట్రికల్‌ కంప్రెసర్‌ను కూడా ఈ సిస్టమ్‌లో కలపాలని టాటా ఆలోచిస్తోంది. అలా అయితే 6 ఇన్ 1 సిస్టమ్‌ మరింత పెద్ద ఇంటిగ్రేటెడ్‌ మాడ్యూల్‌గా మారే అవకాశం ఉంది.

మొత్తంగా చూస్తే, టాటా పంచ్‌ ఎలక్ట్రిక్‌లో వచ్చిన ఈ 6 ఇన్ 1 డ్రైవ్‌ట్రైన్‌ కేవలం టెక్నాలజీ అప్‌డేట్‌ కాదు. ధర తగ్గించడంలో, పనితీరు మెరుగుపరచడంలో, భవిష్యత్తు ఎలక్ట్రిక్‌ కార్ల దిశను నిర్దేశించడంలో ఇది కీలక అడుగు అని చెప్పాలి.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.

మరిన్ని చదవండి

టాటా ఆల్ట్రోజ్, మారుతి బాలెనో ఇంజిన్, ఫీచర్లు  ధర పరంగా ఏ కారు మంచిది? పూర్తి తేడా ఇక్కడ తెలుసుకోండి!

MG Comet నుంచి Tata Punch EV వరకు.. BaaS బ్యాటరీ రెంట్‌తో 5 ఎలక్ట్రిక్ కార్ల ధర తక్కువ