Maruti Fronx, Tata Nexon లేదా Hyundai Exter లను EMI పద్ధతిలో కొనేందుకు ఏ కారు ఖర్చు తక్కువ
Maruti Fronx, Nexon and Exter EMI Plan: మారుతి ఫ్రాంక్స్, టాటా నెక్సాన్, హ్యుందాయ్ ఎక్స్టర్ వాహనాల్లో ఏదైనా కొనుగోలు చేయాలని భావిస్తే ఏది అత్యంత అందుబాటు ధరలో EMI ద్వారా కొనవచ్చో తెలుసుకోండి.
భారత ఆటోమొబైల్ మార్కెట్లో SUVలకు రోజురోజుకూ డిమాండ్ వేగంగా పెరుగుతోంది. ఈ సెగ్మెంట్లో మారుతి ఫ్రాంక్స్ (Maruti Fronx), హ్యుందాయ్ ఎక్స్టర్ (Hyundai Exter), టాటా నెక్సాన్ (Tata Nexon) అత్యంత ప్రజాదరణ పొందిన వాహనాలుగా నిలిచాయి. ఈ కార్లు చూడటానికి ఆకర్షణీయంగా ఉండటమే కాకుండా, ఆకట్టుకునే ఫీచర్లతో వస్తాయి. ఒకవేళ మీరు ఈ మూడింటిలో ఏదైనా ఒక కారును కొనాలని ప్లాన్ చేస్తుంటే, వాటిని కేవలం పూర్తి నగదు చెల్లించకుండా ఫైనాన్స్ (EMI) సౌకర్యంతో కొనుగోలు చేసి సొంతం చేసుకోంది. అయితే ముందుగా ఆ కార్ల ధరలు, వాటి నెలవారీ ఈఎంఐ (EMI) ఫైనాన్స్ వివరాలు పూర్తిగా తెలుసుకుంటేనే ప్రయోజనం ఉంటుంది.
మొదటగా మారుతి ఫ్రాంక్స్ ధర విషయానికి వస్తే, దీని ప్రారంభ ఎక్స్-షోరూమ్ ధర సుమారు రూ.7.5 లక్షల నుంచి మొదలవుతుంది. టాప్ వేరియంట్ అయితే ధర ఎక్కువగా ఉంటుంది. ఆయా రాష్ట్రాలు నగరాలను బట్టి వీటి ధరల్లో వ్యత్యాసం ఉంటుంది. అదేవిధంగా టాటా నెక్సాన్ ప్రారంభ ధర దాదాపు రూ. 8 లక్షల వరకు ఉంటుంది. హ్యుందాయ్ ఎక్స్టర్ బేస్ మోడల్ ఎక్స్-షోరూమ్ ధర రూ.5.79 లక్షలుగా ఉంది. ఈ లెక్కన టాటా నెక్సాన్ ధర ఇతర కార్ల కంటే కొంచెం ఎక్కువగా ఉంది. దీని నెలవారీ EMI కూడా ఎక్కువే ఉంటుంది.
ఎంత డౌన్ పేమెంట్ చెల్లించాలి?
మీరు కారు కొనేటప్పుడు 1 లక్ష రూపాయలు డౌన్ పేమెంట్ చెల్లించి, మిగిలిన మొత్తాన్ని బ్యాంక్ నుండి లోన్ తీసుకున్నారనుకుందాం. లోన్ కాలపరిమితి 5 ఏళ్లు, మీ సిబిల్ స్కోరును బట్టి వడ్డీ రేటు 9% గా ఉంటే, EMIలో తేడా స్పష్టంగా కనిపిస్తుంది.
మారుతి ఫ్రాంక్స్: బేస్ మోడల్కు నెలవారీ EMI సుమారు రూ. 13,000 నుండి రూ. 14,000 వరకు ఉండవచ్చు.
టాటా నెక్సాన్: ఈ ఎస్యూవీ కొనుగోలు చేశాక మీరు ప్రతి నెల సుమారు రూ.14,500 నుండి రూ.15,500 వరకు EMI చెల్లించాల్సి ఉంటుంది. అంటే ఫ్రాంక్స్తో పోలిస్తే నెలకి సుమారు 1,000 నుండి రూ. 1,500 వరకు తేడా ఉంటుంది.
హ్యుందాయ్ ఎక్స్టర్: ఒకవేళ మీరు SUV ఎక్స్టర్ను 1 లక్ష డౌన్ పేమెంట్తో కొంటే, 9 శాతం వడ్డీ రేటుతో 5 ఏళ్ల కాలపరిమితికి మీరు ప్రతి నెల రూ.11,380 EMI చెల్లించాల్సి ఉంటుంది. ఈ మూడు కార్లలో హ్యుందాయ్ ఎక్స్టర్ మీకు అత్యంత తక్కువ EMIకి లభిస్తుంది. కార్ల ధరలు ఎక్స్ షోరూమ్ ధర, ఆన్ రోడ్ ధరల మధ్య వ్యత్యాసం ఉంటుంది. పైగా రాష్ట్రాల్లోనూ ట్యాక్స్ భిన్నంగా ఉంటుంది.
ఎన్ని ఏళ్లకు ఎంత EMI కట్టాలి?
మీ బడ్జెట్ తక్కువగా ఉంటే, మీరు హ్యుందాయ్ ఎక్స్టర్ కొనడం మంచిది. అయితే, మీరు లోన్ కాలపరిమితిని తగ్గిస్తే నెలవారీ EMI మొత్తం పెరుగుతుందని గమనించాలి. మీ కార్ లోన్ కాలపరిమితి 5 ఏళ్లు అయితే కనుక మీరు ప్రతినెలా ఈఎంఐ 11,380 చెల్లించాలి. ఒకవేళ 4 ఏళ్లకు లోన్ తీసుకుంటే కనుక 13,642, లేక 3 ఏళ్ల కాలపరిమితికి ఫైనాన్స్ తీసుకుంటే మీరు నెలవారీ ఈఎంఐ రూ. 17,432 చెల్లించాల్సి ఉంటుందని గమనించాలి.
టాప్ హెడ్ లైన్స్
ట్రెండింగ్ వార్తలు
