త్వరలో పెరగనున్న Maruti Alto K10 ధర.. చీపెస్ట్ కారు ఇక కాస్ట్‌లీ- ధర, ఫీచర్లు చూశారా

Alto K10 Price Hike: మారుతి ఆల్టో K10 జూన్ నుంచి ధర పెరగనుంది. ఈ మేరకు కంపెనీ ఇదివరకే ప్రకటన విడుదల చేసింది. ఆల్టో కే10 కారు 1.0-లీటర్ K-సిరీస్ పెట్రోల్ ఇంజిన్‌తో పనిచేస్తుంది.

మారుతి ఆల్టో కె10

Source : Maruti Alto K10

Show Quick Read

Key points generated by AI, verified by newsroom

• మారుతి సుజుకి కార్ల ధరలు జూన్ 2026 నుండి పెరుగుతాయి.
• మారుతి ఆల్టో కె10 బేస్ మోడల్ ధర రూ. 30,000 వరకు పెరగవచ్చు.
• పెరుగుతున్న ఉత్పత్తి వ్యయం, ద్రవ్యోల్బణమే ధరల పెంపునకు కారణాలు.
• ధరలు పెరిగితే, రెనాల్ట్ క్విడ్ వంటి కార్లకు పోటీ పెరగవచ్చు.

భారత ఆటో మార్కెట్లో అత్యధికంగా అమ్ముడయ్యే బడ్జెట్ కార్లలో ఒకటైన మారుతి ఆల్టో (Maruti Alto) త్వరలో మరింత ఖరీదు కానుంది. ఒకవేళ మీరు తక్కువ ధరలో కొత్త కార్ కొనాలని ప్లాన్ చేస్తుంటే, ఈ కారును ఈ వారంలోనే కొనేయండి. లేకపోతే జూన్ 2026 నుండి తమ కార్ల ధరలు పెరుగుతాయని మారుతి సుజుకి కంపెనీ ఇదివరకే ప్రకటించింది. కంపెనీ వేర్వేరు మోడళ్లు,  వేరియంట్ల ఆధారంగా ధరలను పెంచుతోంది. కార్ల ధర ఈ పెరుగుదల 30 వేల రూపాయల వరకు ఉండనుంది. దీని ప్రభావం కంపెనీ అత్యంత చౌకైన కార్లలో ఒకటైన ఆల్టో కె10 (Alto K10) పై కూడా ఉంటుంది. 

ప్రస్తుతం మారుతి ఆల్టో కె10 ఎక్స్-షోరూమ్ ప్రారంభ ధర సుమారు 3.70 లక్షల రూపాయలుగా ఉంది. కంపెనీ బేస్ మోడల్‌పై రూ. 30 వేలు పెంచితే, దీని ప్రారంభ ధర ఎక్స్ షోరూమ్ విలువ దాదాపు 4 లక్షలు కావచ్చు. ఇప్పటివరకు దేశంలోనే అత్యంత చౌకైన, బడ్జెట్ ఫ్రెండ్లీ కార్‌గా భావించేవారు. ఇప్పుడు ఎక్కువ చెల్లించి ఈ కారు కొనాల్సి రావచ్చు. అయితే ప్రతి వేరియంట్‌పై ఒకేలాంటి పెరుగుదల ఉండదని మారుతి కంపెనీ స్పష్టం చేసింది. కొన్ని మోడళ్లపై తక్కువ పెరిగితే, మరికొన్నింటిపై ఎక్కువగా పెరుగుదల గమనిస్తారు. 

ఆల్టో కే10 ధర ఎంత ఉండవచ్చు?
మారుతి ఆల్టో కె10 యొక్క వేర్వేరు వేరియంట్ల కొత్త ధరల అంచనా వివరాలు వెల్లడయ్యాయి. ఉదాహరణకు, మారుతి ఆల్టో కె10 ఎస్‌టిడి (O) ధర సుమారు 3.69 లక్షల నుండి పెరిగి దాదాపు 3.99 లక్షలు కావచ్చు. అదే విధంగా ఎల్‌ఎక్స్‌ఐ (LXi), విఎక్స్‌ఐ (VXi) వంటి మోడళ్లు 4.30 లక్షల రూపాయల నుంచి రూ. 5.60 లక్షల వరకు చేరుకోవచ్చు. సీఎన్‌జి (CNG) వేరియంట్‌పై సైతం ధరలు పెరగనున్నాయి. 

ధరలు పెంచడానికి పెరుగుతున్న ఉత్పత్తి వ్యయం, ద్రవ్యోల్బణమే కారణమని మారుతి కంపెనీ పేర్కొంది. అంటే కార్ తయారీలో ఉపయోగించే స్టీల్, ప్లాస్టిక్, ఎలక్ట్రానిక్స్ విడిభాగాలు, రవాణా వంటి ఖర్చులు ఎప్పటికప్పుడూ పెరుగుతున్నాయి. ఈ కారణంగానే మారుతి కంపెనీ ధరలను పెంచాలని నిర్ణయించింది. గత కొంతకాలంగా ఇతర ఆటోమొబైల్ కంపెనీలు సైతం తమ కార్ల ధరలను పెంచేశాయి.

ఆల్టో కె10 మైలేజీ, ఫీచర్లు ఇవే.. 
మారుతి ఆల్టో కె10ను ముఖ్యంగా దాని తక్కువ ధర, మెరుగైన మైలేజీ, ఈజీ మెయింటెనెన్స్ కారణంగా ఇష్టపడతారు. ఈ కార్‌లో 1.0 లీటర్ కె సిరీస్ పెట్రోల్ ఇంజన్ అమర్చారు. ఇది మంచి మైలేజీ ఇచ్చి మీ ఖర్చులు తగ్గిస్తుంది. దీని మాన్యువల్ వేరియంట్ లీటరుకు సుమారు 24.39 కిలోమీటర్లు, ఆటోమేటిక్ వేరియంట్ దాదాపు 24.90 కిలోమీటర్ల వరకు మైలేజీని ఇస్తున్నాయి.  సిఎన్‌జి మోడల్ కిలోగ్రాముకు దాదాపు 33.85 కిలోమీటర్ల వరకు మైలేజీతో కస్టమర్లను ఆకర్షిస్తోంది. 

ఫీచర్ల విషయానికి వస్తే, మారుతి ఆల్టో కె10లో టచ్‌స్క్రీన్ ఇన్ఫోటైన్‌మెంట్ సిస్టమ్, ఫ్రంట్ పవర్ విండోస్, కీ‌లెస్ ఎంట్రీ, డిజిటల్ ఇన్‌స్ట్రుమెంట్ క్లస్టర్, డ్యూయల్ ఎయిర్‌బ్యాగ్స్ వంటి ఫీచర్లు వస్తాయి. చిన్న కుటుంబాలకు, సిటీలో రోజువారీ ఆఫీసు జర్నీ కోసం ఈ కార్ చాలా పాపులర్‌. దీని కాంపాక్ట్ సైజు, తక్కువ మెయింటెనెన్స్ ఖర్చు కారణంగా మొదటిసారి కార్ కొనాలనుకునే వారు ఆల్టో కే10 ని ఎక్కువగా ఇష్టపడతారు.

ఆల్టో కె10 ధరలు పెరగడం వల్ల మార్కెట్లో దానికి గట్టి పోటీగా ఉన్న రెనాల్ట్ క్విడ్ (Renault Kwid) వంటి కార్లకు ఇది కలిసి రావచ్చు. ఒకవేళ రెనాల్ట్ క్విడ్ తన ధరలను ఉంచితే, బడ్జెట్ కస్టమర్లు ఆ వైపు షిఫ్ట్ అయ్యే ఛాన్స్ ఉంది. కొత్త బడ్జెట్ కార్ల ధరలు రూ. 4 లక్షల మార్కును దాటుతుండటంతో, మధ్యతరగతి, మొదటిసారి కార్లు కొనే కస్టమర్లు మారుతి ట్రూ వ్యాల్యూ లేదా కార్స్24 (Cars24) వంటి ప్లాట్‌ఫార్మ్స్ ద్వారా సెకండ్ హ్యాండ్ మార్కెట్ వైపు ఎక్కువ ఆసక్తి చూపనున్నారు.