KTM 390 Duke ఒకటే.. కానీ ఇంజిన్ వేరు, ధర వేరు - మీకు సరిపోయే వేరియంట్ ఏది?
KTM 390 Duke ఇప్పుడు రెండు వేరియంట్లలో అందుబాటులో ఉంది. 349cc స్టాండర్డ్ మోడల్ ధర రూ.2.84 లక్షలు కాగా, 398cc R వేరియంట్ ధర రూ.3.45 లక్షలు.
KTM 390 Duke Price And Features Telugu: పెర్ఫార్మెన్స్ బైకుల్లో KTM 390 Duke తీరే వేరు. 2013లో మార్కెట్లోకి వచ్చినప్పటి నుంచి ఈ బండి యూత్‌ని ఆకట్టుకుంటూనే ఉంది. మంచి పెర్ఫార్మెన్స్ & స్పోర్టీ డిజైన్‌తో 390 Duke ప్రత్యేకంగా కనిపిస్తుంది. అయితే... ప్రస్తుతం 390 Duke విషయంలో ఓ ఆసక్తికరమైన మార్పు వచ్చింది. KTM ఇండియా ఈ బైక్‌ను రెండు వేరియంట్లలో అమ్ముతోంది. ఈ రెండు వేరియంట్లు చూడటానికి దాదాపు ఒకేలా కనిపిస్తాయి. కానీ ఇంజిన్ సామర్థ్యం & ధరలో మాత్రం పెద్ద తేడా ఉంది.
KTM 390 Duke రెండు వేరియంట్లు - స్టాండర్డ్ 390 Duke & 390 Duke R. వీటి ఎక్స్ షోరూమ్ ధరలు వరుసగా రూ.2.84 లక్షలు & రూ.3.45 లక్షలు.
స్టాండర్డ్ 390 Duke
స్టాండర్డ్ వేరియంట్‌లో 349cc ఇంజిన్ ఉంటుంది. పాత 398cc ఇంజిన్‌తో పోలిస్తే ఇంజిన్ సామర్థ్యాన్ని తగ్గించారు. ఇందుకోసం స్ట్రోక్‌ను తగ్గించగా, బోర్‌ను మాత్రం అలాగే ఉంచారు. ఈ ఇంజిన్ 41.5hp గరిష్ట పవర్ ఉత్పత్తి చేస్తుంది. గరిష్ట టార్క్ 33.5Nm.
ఇంజిన్ సామర్థ్యం తగ్గించడానికి ప్రధాన కారణాల్లో GST రేటు కూడా ఒకటి. ఈ మోడల్‌పై 18 శాతం GST వర్తిస్తుంది. తక్కువ పన్ను రేటు ప్రయోజనంతో స్టాండర్డ్ 390 Duke ధరను రూ.2.84 లక్షలుగా నిర్ణయించారు.
డిజైన్ పరంగా కూడా ఈ వేరియంట్‌కు ప్రత్యేక రంగులు & గ్రాఫిక్స్ ఉన్నాయి. ఆరెంజ్, బ్లాక్ & బ్లూ రంగుల్లో దీన్ని ఎంచుకోవచ్చు. ట్యాంక్ & బాడీ ప్యానెళ్లకు ఈ రంగులు అందిస్తారు. ఫ్రేమ్ & వీల్స్ మాత్రం బ్లాక్ రంగులో ఉంటాయి.
ఇది కూడా చదవండి: RE క్లాసిక్ 350 గోర్ఖా ఎడిషన్ లాంచ్.. కొత్త గ్రీన్‌ కలర్‌తో అదిరిపోయే లుక్‌! ధర ఎంతో తెలుసా?
390 Duke R
390 Duke Rలో 398cc ఇంజిన్ ఇచ్చారు. ఈ ఇంజిన్ 46hp పవర్‌ను, 39Nm టార్క్‌ను ఉత్పత్తి చేస్తుంది. అంటే స్టాండర్డ్ వేరియంట్‌తో పోలిస్తే పవర్ & టార్క్ రెండూ ఎక్కువ. ఈ వేరియంట్‌కు 40 శాతం GST వర్తిస్తుంది. అందుకే ధర కూడా ఎక్కువగా ఉంది.
స్టాండర్డ్ వేరియంట్‌తో పోలిస్తే 390 Duke Rను గుర్తించడం కూడా సులభమే. ఇందులో ఆరెంజ్ రంగు ఫ్రేమ్ & వీల్స్ ఉంటాయి. సైడ్ ప్యానెళ్లపై ప్రత్యేకంగా R గుర్తు కనిపిస్తుంది.
ఇది కూడా చదవండి: KTM 390 Duke వర్సెస్‌ RE Guerrilla 450 Apex.. ధర, పవర్, ఫీచర్లలో ఏది బెస్ట్‌?
రెండు వేరియంట్లలో ఏది తీసుకోవాలి?
రెండు వేరియంట్ల మధ్య ప్రధాన తేడా ఇంజిన్ సామర్థ్యం, పవర్, టార్క్ & ధరలోనే ఉంది. స్టాండర్డ్ 390 Dukeలో 349cc ఇంజిన్‌తో 41.5hp పవర్ లభిస్తుంది. దీని ధర రూ.2.84 లక్షలు.
390 Duke Rలో 398cc ఇంజిన్, 46hp పవర్ & 39Nm టార్క్ ఉన్నాయి. దీని ధర రూ.3.45 లక్షలు.
ఇక.. బాడీ ప్యానెళ్లు, డిజైన్, ఛాసిస్ & ఫీచర్ల విషయంలో రెండు వేరియంట్లు చాలా వరకు ఒకే విధంగా ఉన్నాయి. కాబట్టి ఎక్కువ పవర్ కోరుకునే రైడర్లు 390 Duke R ను పరిశీలించవచ్చు. ధర తగ్గించాలనుకునేవాళ్లు స్టాండర్డ్ 390 Duke వైపు చూడవచ్చు. కొనేముందు ఈ రెండు వేరియంట్లను టెస్ట్‌ డ్రైవ్‌ చేసి సరైన నిర్ణయం తీసుకోండి.
ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
