హ్యుందాయ్ వెన్యూలో కొన్ని పెట్రోల్, డీజిల్ వేరియంట్ల ధరలు పెరిగాయి. డీజిల్ మోడళ్లపై అదనంగా రూ. 8,000 వరకు పెరిగింది. HX5 MT పెట్రోల్ వేరియంట్ ధర రూ. 20,000 వరకు పెరిగింది.
అన్వేషించండి
Hyundai Venue Prices: హ్యుందాయ్ వెన్యూ ప్రియులకు షాక్: పెరిగిన కార్ల ధరలు.. ఏ వేరియంట్పై ఎంత భారమంటే?
Hyundai Venue Prices: హ్యుందాయ్ తన పాపులర్ కాంపాక్ట్ ఎస్యూవీ 'వెన్యూ' ధరలను పెంచింది. ముఖ్యంగా డీజిల్, టర్బో-పెట్రోల్ వేరియంట్లపై ఈ పెంపు ప్రభావం ఎక్కువగా కనిపిస్తోంది.
హ్యుందాయ్ వెన్యూ ప్రియులకు షాక్: పెరిగిన కార్ల ధరలు.. ఏ వేరియంట్పై ఎంత భారమంటే?
Source : Social Media
- హ్యుందాయ్ వెన్యూ కాంపాక్ట్ SUV ధరలు పెరిగాయి.
- 1.2 లీటర్ పెట్రోల్ HX5 MT మోడల్ ధర రూ. 20,000 పెరిగింది.
- టర్బో-పెట్రోల్ DCT వేరియంట్ల ధరలు రూ. 5,000-9,000 పెరిగాయి.
- డీజిల్ వేరియంట్ల ధరలు రూ. 8,000 చొప్పున పెంచారు.
Hyundai Venue Prices: ఇండియన్ ఆటోమొబైల్ మార్కెట్లో మంచి క్రేజ్ ఉన్న హ్యుందాయ్ వెన్యూ ధరలు పెరిగాయి. కంపెనీ తన కాంపాక్ట్ ఎస్యూవీ లైనప్లోని పలు వేరియంట్ల ధరలను సవరిస్తూ నిర్ణయం తీసుకుంది. ముఖ్యంగా డీజిల్ ఇంజిన్ ఆప్షన్ ఉన్న కార్ల ధరలు పెరిగినప్పటికీ, వెన్యూ ఓవరాల్ ధరల శ్రేణి మాత్రం రూ. 7.99 లక్షల నుండి రూ. 15.51 లక్షల మధ్యే కొనసాగుతోంది.
పెట్రోల్ వేరియంట్లపై..
1.2 లీటర్ పెట్రోల్ ఇంజిన్ కలిగిన వేరియంట్లలో 'HX5 MT' మోడల్పై ఏకంగా రూ. 20,000 వరకు భారం పడింది. వెన్యూ లైనప్లోనే ఇదే అత్యధిక పెంపు కావడం గమనార్హం. దీనివల్ల పాత ధర రూ. 9.35 లక్షల నుండి రూ. 9.55 లక్షలకు చేరింది. అయితే బేస్ మోడల్ HX2, మిడ్-లెవల్ HX6T వంటి ఇతర పెట్రోల్ వేరియంట్ల ధరలలో ఎలాంటి మార్పులు చేయలేదు.
టర్బో-పెట్రోల్ వాహానాలపై..
1.0 లీటర్ టర్బో-పెట్రోల్ విభాగంలో మూడు మిడ్-లెవల్ డిసిటి (DCT) వేరియంట్ల ధరలు పెరిగాయి. 'HX5 DCT', 'HX6 DCT' మోడళ్ల ధరలను రూ. 9,000 చొప్పున పెంచారు. అదేవిధంగా 'HX8 DCT' వేరియంట్ ధర రూ. 5,000 పెరిగింది. స్పోర్టీ లుక్ తో వచ్చే 'N Line' వేరియంట్ల ధరలు మాత్రం పాతవే కొనసాగుతున్నాయి. పెర్ఫార్మెన్స్ కోరుకునే టర్బో ప్రియులకు ఈ పెంపు స్వల్ప ఇబ్బంది కలిగించవచ్చని విశ్లేషకులు పేర్కొంటున్నారు.
డీజిల్ వేరియంట్లపై భారం
డీజిల్ ఇంజిన్ కలిగిన వెన్యూ కార్ల ధరలు కూడా పెరిగాయి. HX2, HX5, HX5 AT, HX7 వంటి అన్ని డీజిల్ వేరియంట్లపై రూ. 8,000 చొప్పున పెంపుదల కనిపించింది. అయితే ఇటీవల మార్కెట్లోకి వచ్చిన టాప్-ఎండ్ HX8 AT, HX10 AT మోడళ్ల ధరలు మాత్రం స్థిరంగా ఉన్నాయి. 116hp పవర్, 250Nm టార్క్ ఇచ్చే 1.5 లీటర్ డీజిల్ ఇంజిన్ వెన్యూలో అత్యంత శక్తివంతమైన ఆప్షన్ గా ఉంది. కార్ల తయారీ ఖర్చులు పెరగడం వల్ల కంపెనీలు ఇలాంటి నిర్ణయాలు తీసుకుంటాయి. కొత్తగా వెన్యూ కారు కొనే ప్లాన్ లో ఉన్నవారు తమ సమీప షోరూమ్ను సందర్శించి అప్డేటెడ్ ధరల వివరాలు తెలుసుకోవడం మంచిదని నిపుణులు సూచిస్తున్నారు.
Frequently Asked Questions
హ్యుందాయ్ వెన్యూ ధరలు ఎంత మారాయి?
ఏ పెట్రోల్ వేరియంట్ల ధరలు పెరిగాయి?
1.2 లీటర్ పెట్రోల్ ఇంజిన్ కలిగిన HX5 MT మోడల్ ధర రూ. 20,000 వరకు పెరిగింది. 1.0 లీటర్ టర్బో-పెట్రోల్ DCT వేరియంట్లలో HX5 DCT, HX6 DCT ధరలు రూ. 9,000 చొప్పున, HX8 DCT ధర రూ. 5,000 పెరిగాయి.
డీజిల్ వేరియంట్లలో ఎలాంటి మార్పులు వచ్చాయి?
HX2, HX5, HX5 AT, HX7 వంటి డీజిల్ వేరియంట్ల ధరలు రూ. 8,000 పెరిగాయి. అయితే, కొత్తగా వచ్చిన టాప్-ఎండ్ HX8 AT, HX10 AT మోడళ్ల ధరలు స్థిరంగా ఉన్నాయి.
హ్యుందాయ్ వెన్యూ మొత్తం ధరల శ్రేణి ఎంత?
ధరల పెరుగుదల ఉన్నప్పటికీ, హ్యుందాయ్ వెన్యూ ఓవరాల్ ధరల శ్రేణి రూ. 7.99 లక్షల నుండి రూ. 15.51 లక్షల మధ్యే కొనసాగుతోంది.
టాప్ హెడ్ లైన్స్
ఆటో
మహీంద్రా స్కార్పియో N పికప్: ఆగస్టు 14న గ్రాండ్ డెబ్యూ.. టీజర్తో రచ్చ మొదలు
ఆటో
కేవలం రూ.10,000 మీ దగ్గర ఉంటే చాలు, రూ.2 లక్షల Yamaha R2 మీ సొంతం!
ఆటో
మహీంద్రా XUV700 కొనడానికి ఎంత ఖర్చు అవుతుంది? EMI లెక్కేంటీ?
ఆటో
రూ.1.10 లక్షలకే ఆంపియర్ మాగ్నస్ G మ్యాక్స్.. ఇంతకుముందులా లేదు, 30కి పైగా కొత్త ఫీచర్లు
ట్రెండింగ్ వార్తలు
Dr. Pentapati Pullaraoఅంతర్జాతీయ వ్యవహారలు, రాజకీయ విశ్లేషకుడు
Opinion
