Hyundai India : హ్యూందాయ్‌లో ఉన్న మోడల్స్‌ ఎన్ని? అమ్మకానికి ఎన్ని ఉన్నాయి? కొత్తగా ఎన్ని రాబోతున్నాయి?

Hyundai India : భారత్ ఆటోమొబైల్‌ మార్కెట్‌లో హ్యూందాయ్‌ హవా వేరే చెప్పాల్సిన పని లేదు. మార్చి 2026 నాటికి అందుబాటులో ఉన్న మోడల్స్ గురించి చూద్దాం. 

హ్యూందాయ్‌లో ఉన్న మోడల్స్‌ ఎన్ని? అమ్మకానికి ఎన్ని ఉన్నాయి? కొత్తగా ఎన్ని రాబోతున్నాయి?

Source : Social Media

Show Quick Read

Key points generated by AI, verified by newsroom

• భవిష్యత్తులో ఎక్స్టర్‌ ఫేస్‌లిఫ్ట్‌, బేయన్‌, న్యూ క్రెటాలను విడుదల చేయనుంది.

Hyundai India : భారతీయ ఆటోమొబైల్ రంగంలో అగ్రగామి సంస్థల్లో ఒకటైన హ్యూందాయ్‌ మోటార్ ఇండియా 2026 మార్చి నాటికి తన పట్టును మరింత పటిష్టం చేసుకుంది. 1998లో శాంట్రోతో ప్రస్థానాన్ని ప్రారంభించిన ఈ సంస్థ నేడు దేశవ్యాప్తంగా అత్యంత ప్రజాదరణ పొందిన బ్రాండ్‌గా ఎదిగింది. ప్రస్తుతం హ్యూందాయ్‌ పోర్ట్‌ఫోలియోలో మొత్తం 13 మోడళ్లు ఉండగా, అందులో 10 అమ్మకానికి సిద్ధంగా ఉన్నాయి. మరో మూడు మోడళ్లు త్వరలో విడుదల కానున్నాయి. 

ఈ నెలలో హ్యూందాయ్‌  తన అత్యంత ఆదరణ పొందిన సెడాన్ వెర్నాను సరికొత్త హంగులతో మార్కెట్‌లోకి ప్రవేశపెట్టింది. మార్చి 9న విడుదలైన 2026 హ్యూందాయ్‌ వెర్నా, 10.98 లక్షల ప్రారంభ ధరతో అందుబాటులోకి వచ్చింది. ఈ కొత్త వెర్నాలో బాస్‌ మోడ్‌, 360 డిగ్రీ కెమెరా, భద్రత కోసం 7 ఎయిర్‌ బ్యాగ్‌లు అత్యాధునిక ఫీచర్లు జోడించారు. 

జనవరి 2026లో హ్యూందాయ్‌ తన అతి పెద్ద ఎలక్ట్రిక్‌ వాహనం స్టారియా ఎలక్ట్రిక్‌ను ఆవిష్కరించింది. ఇది ఒకసారి ఛార్జ్ చేస్తే 400 కిలోమీటర్లు వరకు ప్రయాణించగలదు. ఇందులో 9 మంది కూర్చునే సౌకర్యం ఉంది. అయితే అమ్మకాల వ్యూహంలో భాగంగా నవంబర్ 2025లో టక్సన్ ఎస్‌యూవీని ఇండియాలో నిలిపివేసింది. 

హ్యూందాయ్ కార్ల ధరల జాబితా

ప్రస్తుతం హ్యూందాయ్‌ కార్ల శ్రేణి సామాన్యుడి నుంచి లగ్జరీ ప్రియుల వరకు అందరికీ అందుబాటులో ఉంది. అత్యంత తక్కువ ధర కలిగిన గ్రాండ్ ఐ10 నియోస్ నుంచి ప్రీమియం ఎలక్ట్రిక్ కారు అయోనిక్ 5 వరకు ధరల వివరాలు ఇలా ఉన్నాయి. 

మోడల్ పేరు	ఎక్స్ షోరూమ్‌ ధర(లక్షల్లో)
హ్యూందాయ్‌ గ్రాండ్‌ఐ 10 నియోస్‌	₹5.55-₹7.92
హ్యూందాయ్‌ ఐ20	₹5.99-₹11.53
హ్యుందాయ్ ఎక్స్టర్	₹5.64 - ₹9.38
హ్యుందాయ్ ఆరా	₹6.00 - ₹8.54
హ్యుందాయ్ వెన్యూ	₹8.00 - ₹15.51
హ్యుందాయ్ క్రెటా	₹10.79 - ₹20.05
హ్యుందాయ్ వెర్నా (2026)	₹10.98 - ₹18.25
హ్యుందాయ్ అల్కజార్	₹14.50 - ₹21.06
హ్యుందాయ్ క్రెటా ఎలక్ట్రిక్	₹18.02 - ₹23.82
హ్యుందాయ్ అయానిక్ 5	₹46.30

ఎస్‌యూవీ విభాగంలో తిరుగులేని ఆధిపత్యం 

హ్యూందాయ్‌ ఇండియా లైన్‌లో 9 ఎస్‌యూవీలు ఉన్నాయి. 

హ్యూందాయ్‌ ఎక్స్టర్‌- ఇది హ్యూందాయ్ నుంచి లభిస్తున్న అత్యంత చౌకైన ఎస్‌యూవీ. ఇది టాటా పంచ్‌, సిట్రోయెస్‌ సీ 3 మోడళ్లకు గట్టి పోటీ ఇస్తుంది. 

హ్యూందాయ్‌ క్రెటా- భారత్ మార్కెట్‌లో అత్యంత ప్రజాదరణ పొందిన ఎస్‌యూవీగా క్రెటా తన స్థానాన్ని సుస్థిరం చేసుకుంది. సెప్టెంబర్‌ 2025లో విడుదలైన క్రెటా కింగ్‌ వేరియంట్‌ 17.89 లక్షల ధరతో వినియోగదారులను ఆకట్టుకుంటోంది. 

హ్యూందాయ్‌ అల్కజార్‌-  పెద్ద కుటుంబాల కోసం క్రెటా ఆధారిత 3-రో ఎస్‌యూవీా అల్కజార్ మహీంద్రా స్కార్పియో ఎన్‌, హెక్టార్‌ ప్లస్‌తో తలపడుతోంది. 

ఎలక్ట్రిక్ వాహనాల వ్యూహం 

పర్యావరణ హితమైన ప్రయాణం కోసం హ్యూందాయ్‌ తన ఎలక్ట్రిక్‌ పోర్ట్‌ఫోలియోను విస్తరిస్తోంది. ప్రస్తుతం క్రెటా ఎలక్ట్రిక్‌ 18.02 లక్షల వద్ద ప్రారంభమవుతుండగా, లగ్జరీ ఈవీ విభాగంలో ఆయానిక్‌5 రూ. 46.30లక్షలతో హై ఎండ్‌ ఆప్షన్‌గా నిలుస్తోంది. భవిష్యత్‌లో అయానిక్ 6, ఒక సామాన్యుడికి అందుబాటులో ఉండే ఎలక్ట్రిక్‌ హ్యాచ్‌బ్యాక్‌ను విడుదల చేసే యోజనలో కంపెనీ ఉంది. 

రాబోయే కార్లు ఇవే 

ఈ ఏడాది ద్వితీయార్థంలో 2027లో మరికొన్ని మోడల్స్‌ను హ్యాందాయ్‌  సిద్ధం చేస్తోంది. 

హ్యాందాయ్‌ ఎక్స్ట్‌ర్‌ ఫేస్‌లిఫ్ట్‌- 2026 మధ్యలో ఆశించవచ్చు. 

హ్యాందాయ్‌ బేయన్‌- ఇది సరికొత్త క్రాస్ ఓవర్‌ ఎస్‌యూవీ, 2026 చివరలో వచ్చే అవకాశం ఉంది. 

న్యూక్రెటా- దీనిని 2027లో లాంచ్‌ చేసేందుకు సన్నాహాలు జరుగుతున్నాయి. 

నిపుణుల సూచనలు ఏ కారు ఎవరి కోసం సూచిస్తున్నారంటే?

సిటీ డ్రైవింగ్ కోసం 

ట్రాఫిక్ ఇబ్బందులు లేకుండా ప్రయాణించడానికి హ్యూందాయ్ ఎక్స్టర్ లేదా వెన్యూ వేరియంట్లు ఉత్తమం. 

సౌకర్యం- ఆరోగ్యం

వెన్నునొప్పితో బాధపడేవారు క్రెటా IVT ఆటోమేటిక్‌ను ఎంచుకోవడం మంచిది. ఎందుకంటే దీని సస్పెన్షన్‌ వ్యవస్థ ప్రయాణాన్ని అత్యంత సుఖమయం చేస్తుంది. 

మైలేజీ ప్రాధాన్యత-   

నెలకు 3వేల కిలోమీటర్లు కంటే ఎక్కువ ప్రయాణించేవారు వెన్యూ డీజిల్ ఆటోమేటింక్‌ వేరియంట్‌ పరిశీలించవచ్చు. 

మరిన్ని చదవండి

సరికొత్త హ్యుందాయ్ ఎక్స్టర్ – స్టైలిష్ లుక్, అదిరిపోయే టెక్నాలజీతో టాటా పంచ్‌కు గట్టి పోటీ!

2026 హ్యుందాయ్ వెర్నా ఏ వేరియంట్ కొనాలి? ధరలు, ఫీచర్లు, బెస్ట్ ఆప్షన్ ఇదే