30hp పవర్తో 250cc బైక్ - హీరో ఎక్స్ట్రీమ్ 250R నిజ జీవిత మైలేజ్ ఇదే!
హీరో ఎక్స్ట్రీమ్ 250ఆర్ బైక్ సిటీలో, హైవే మీద ఎంత మైలేజ్ ఇస్తుంది? 30hp పవర్ కలిగిన ఈ 250cc స్పోర్టీ బైక్పై నిర్వహించిన రియల్ వరల్డ్ ఫ్యూయల్ ఎఫిషియెన్సీ టెస్ట్ ఫలితాలు ఇవే.
Hero Xtreme 250R Fuel Economy Test: భారతీయ మార్కెట్లో 250సీసీ సెగ్మెంట్లో పోటీ రోజురోజుకూ పెరుగుతోంది. యువతను ఆకట్టుకునే స్పోర్టీ డిజైన్, శక్తివంతమైన ఇంజిన్, ఆధునిక ఫీచర్లతో హీరో మోటోకార్ప్ తీసుకొచ్చిన ఎక్స్ట్రీమ్ 250ఆర్ ప్రస్తుతం యువత దృష్టిని ఆకర్షిస్తోంది. చూడడానికి ఈ బైక్ ఎంత బాగున్నా, ఎక్కువమంది ఎక్కువగా తెలుసుకోవాలనుకునేది ఒక్కటే.. మైలేజ్ ఎంత ఇస్తుంది?
ఈ ప్రశ్నకు సమాధానం తెలుసుకునేందుకు, ఎక్స్పర్ట్లు Hero Xtreme 250Rపై ప్రత్యేక రియల్ వరల్డ్ ఫ్యూయల్ ఎఫిషియెన్సీ టెస్ట్ నిర్వహించారు. నగర రోడ్లు, హైవే పరిస్థితుల్లో బైక్ ఎంత ఇంధనం వినియోగిస్తుందో పరిశీలించారు.
శక్తిమంతమైన ఇంజిన్
హీరో ఎక్స్ట్రీమ్ 250ఆర్లో 249.7cc సింగిల్ సిలిండర్, లిక్విడ్ కూల్డ్ ఇంజిన్ అందుబాటులో ఉంది. ఈ ఇంజిన్ గరిష్టంగా 30 hp పవర్ను, 25 Nm టార్క్ను ఉత్పత్తి చేస్తుంది. దీనికి 6-స్పీడ్ గేర్బాక్స్ జత చేశారు. పనితీరు పరంగా ఈ బైక్ నగర ప్రయాణాలతో పాటు హైవే రైడింగ్కు కూడా అనుకూలంగా ఉంటుంది.
హైవేపై ఎంత మైలేజ్?
మొదట బైక్ ట్యాంక్ ఫుల్ చేసి దాదాపు 49.8 కిలోమీటర్ల హైవే రూట్లో నడిపారు. ఈ ప్రయాణం పూర్తయిన తర్వాత ట్యాంక్ను మళ్లీ నింపగా 1.27 లీటర్ల పెట్రోల్ అవసరమైంది. దీంతో, హీరో ఎక్స్ట్రీమ్ 250R హైవేపై లీటరుకు 39.21 కిలోమీటర్ల మైలేజ్ ఇచ్చినట్లు లెక్క తేలింది. 250cc సెగ్మెంట్లో ఇది మంచి ఫలితంగా చెప్పవచ్చు.
నగరంలో పరిస్థితి ఎలా ఉంది?
హైవే టెస్ట్ అనంతరం, మళ్లీ ట్యాంక్ను ఫుల్ చేసి, ముంబై నగరంలోని రద్దీ రోడ్లపై బైక్ను 47.3 కిలోమీటర్ల మేర నడిపారు. ట్రాఫిక్ పరిస్థితుల్లో ప్రయాణం పూర్తయ్యాక ట్యాంక్ను తిరిగి నిండుగా నింపేందుకు 1.44 లీటర్ల ఇంధనం అవసరమైంది.
దీంతో, సిటీ మైలేజ్ లీటరుకు 32.84 కిలోమీటర్లుగా నమోదైంది. ట్రాఫిక్, తరచూ బ్రేకింగ్, వేగం మార్పులు వంటి అంశాలు ఉండే నగర ప్రయాణాల్లో ఈ నంబర్ కూడా చాలా బాగుందనే చెప్పవచ్చు.
సగటు మైలేజ్ ఎంత?
సిటీ, హైవే ఫలితాలను కలిపి చూస్తే హీరో ఎక్స్ట్రీమ్ 250R సగటున లీటరుకు 36.02 కిలోమీటర్ల మైలేజ్ ఇచ్చింది.
మైలేజ్ వివరాలు:
* సిటీ మైలేజ్ – 32.84 కి.మీ./లీటర్
* హైవే మైలేజ్ – 39.21 కి.మీ./లీటర్
* సగటు మైలేజ్ – 36.02 కి.మీ./లీటర్
ఈ మైలేజ్ అందరికీ వస్తుందా?
పరీక్ష సమయంలో, ఎక్స్పర్ట్లు ట్రాఫిక్కు అనుగుణంగా స్థిరమైన వేగాన్ని కొనసాగించారు. నగరంలో అనవసరంగా వేగం పెంచడం, ఓవర్టేక్లు చేయడం వంటివి చేయలేదు. హైవేపై ఎక్కువ సమయం గంటకు 70 నుంచి 80 కిలోమీటర్ల వేగంతో ప్రయాణించారు.
వాస్తవ వినియోగానికి వచ్చేసరికి.... రైడింగ్ స్టైల్, ట్రాఫిక్ పరిస్థితులు, రోడ్ల స్థితి, వాతావరణం వంటి అంశాలపై మైలేజ్ మారవచ్చు. స్పోర్టీగా రైడ్ చేసే వారికి ఈ నంబర్లు కొంత తగ్గే అవకాశం ఉంది.
కొనుగోలుదారులకు మంచి ఎంపికేనా?
పనితీరు, పవర్, మైలేజ్ మధ్య సమతుల్యత కోరుకునే వారికి హీరో ఎక్స్ట్రీమ్ 250ఆర్ ఆకర్షణీయమైన ఎంపికగా నిలుస్తోంది. 30hp పవర్ అందించే 250cc బైక్ నుంచి సగటున 36 కి.మీ. మైలేజ్ రావడం ఈ సెగ్మెంట్లో మంచి ఫలితంగా చెప్పవచ్చు. రోజువారీ వినియోగంతో పాటు వీకెండ్ హైవే రైడింగ్ను ఇష్టపడే రైడర్లకు ఇది సరైన ప్యాకేజీగా కనిపిస్తోంది.
హైదరాబాద్ & విజయవాడలో ధర
విజయవాడలో Hero Xtreme 250R ఎక్స్-షోరూమ్ ధర: ₹ 1,72,524 కాగా, అన్ని ఖర్చులు కలుపుకుని ఆన్రోడ్ ధర: ₹ 2,08,466.
హైదరాబాద్లో Hero Xtreme 250R ఎక్స్-షోరూమ్ ధర: ₹ 1,72,524 కాగా, అన్ని ఖర్చులు కలుపుకుని ఆన్రోడ్ ధర: ₹ 2,17,252.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
